ಬೆಂಗಳೂರು: ಡ್ರೋನ್‌ ಪ್ರತಾಪ್ ಅವರು ಬಿಗ್‌ ಬಾಸ್‌ ಸೀಸನ್ 10ರ (Gicchi Gili Gili season 3) ಮೊದಲನೇ ರನ್ನರ್ ಅಪ್ ಆಗಿದ್ದರು. ಇದೀಗ ಕಲರ್ಸ್ ಕನ್ನಡದ ʻಗಿಚ್ಚಿ ಗಿಲಿಗಿಲಿʼ ಕಾರ್ಯಕ್ರಮದಲ್ಲಿ ಭರ್ಜರಿ ಎಂಟ್ರಿ ಕೊಟ್ಟಿದ್ದಾರೆ. ಜತೆಗೆ ಹೆಜ್ಜೆ ಇಡುತ್ತಲೇ ತುಕಾಲಿನ ಚಚ್ಚಿ ಕೆಡವಿದ್ದಾರೆ ಪತ್ನಿ ಮಾನಸಾ. ಬಿಗ್‌ ಬಾಸ್‌ನಿಂದಾಗಿ ಡ್ರೋನ್‌ ಪ್ರತಾಪ್ ಫೇಮಸ್‌ ಆಗಿದ್ದಲ್ಲದೇ ತುಕಾಲಿ ಪತ್ನಿ ಮಾನಸಾ ಅವರ ಕಾಮಿಡಿಯನ್ನು ಕೂಡ ವೀಕ್ಷಕರು ಇಷ್ಟಪಡಲು ಶುರು ಮಾಡಿದ್ದಾರೆ. ತುಕಾಲಿ ಮಾತ್ರ ವೇದಿಕೆಯಲ್ಲಿ ಡ್ರೋನ್‌ ಪ್ರತಾಪ್ ಅವರು ಮೇಕಪ್ ಹಚ್ಚಿಕೊಂಡು ಬದಲಾದ ಗೆಟಪ್‌ನಲ್ಲಿ ಕಂಡು ಶಾಕ್‌ಗೆ ಒಳಗಾಗಿದ್ದಾರೆ. ಮಾತ್ರವಲ್ಲ ಪತ್ನಿ ಮಾನಸ ಕೂಡ ತುಕಾಲಿಗೆ ತಮಾಷೆಯಾಗಿ ಚಚ್ಚಿ ಕೆಡವಿದ್ದಾರೆ. ಈ ಎರಡೂ ಪ್ರೋಮೊಗಳನ್ನು ಕಲರ್ಸ್ ಕನ್ನಡ ವಾಹಿನಿ ಶೇರ್‌ ಮಾಡಿಕೊಂಡಿದೆ.
ಕಾಮಿಡಿ ಟಿವಿ ಶೋ ‘ಗಿಚ್ಚಿ ಗಿಲಿಗಿಲಿ’ ಮೂರನೇ ಸೀಸನ್‌ಗೆ (Gicchi Gili Gili season 3) ಸಿದ್ಧವಾಗಿದೆ. ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಕಾಮಿಡಿ ಶೋ ‘ಗಿಚ್ಚಿ ಗಿಲಿಗಿಲಿ’ಯ ಮೂರನೇ ಸೀಸನ್ ಫೆಬ್ರವರಿ 3ರಿಂದ ಆರಂಭವಾಗಲಿದ್ದು, ಪ್ರತಿ ಶನಿವಾರ ಮತ್ತು ಭಾನುವಾರ ರಾತ್ರಿ 9ಕ್ಕೆ ವೀಕ್ಷಕರು ಕಾರ್ಯಕ್ರಮವನ್ನು ನೋಡಿ ಆನಂದಿಸಬಹುದು. ಡ್ರೋನ್‌ ಪ್ರತಾಪ್ ಇದೀಗ ಗಿಚ್ಚಿ ಗಿಲಿಗಿಲಿ ವೇದಿಕೆಯಲ್ಲಿ ಬಂದಿದ್ದಾರೆ. ಕುಣಿದು ಕುಪ್ಪಳಿಸಿದ್ದಾರೆ. ದೊಡ್ಮನೆಯಲ್ಲಿ ಸಿಂಪಲ್ ಆಗಿ ಇರುತ್ತಿದ್ದ ಪ್ರತಾಪ್ ಅವರು ಈಗ ಮೇಕಪ್ ಹಚ್ಚಿಕೊಂಡು ಮಿಂಚಲು ಶುರು ಮಾಡಿದ್ದಾರೆ. ತುಕಾಲಿ ಸಂತೋಷ್ ಅವರು ಅಚ್ಚರಿಯಿಂದ ನೋಡಿದ್ದಾರೆ.
ಇದನ್ನೂ ಓದಿ: Gicchi Gili Gili season 3: ರಿಯಾಲಿಟಿ ಶೋಗೆ ಕಂಟೆಸ್ಟೆಂಟ್ ಆಗಿ ಆಯ್ಕೆಯಾದ ಡ್ರೋನ್‌ ಪ್ರತಾಪ್!
ಬಿಗ್‌ ಬಾಸ್‌ಗೆ ಬರುವ ಮುನ್ನ ಪ್ರತಾಪ್ ಸೋಷಿಯಲ್‌ ಮೀಡಿಯಾದಲ್ಲಿ ಟೀಕೆಗೆ ಒಳಗಾಗಿದ್ದರು. ಟ್ರೋಲ್‌ಗಳಿಂದ ಸಖತ್‌ ಡ್ರೋನ್‌ ಪ್ರತಾಪ್ ವೈರಲ್‌ ಆಗಿದ್ದರು. ಆದರೆ ಈಗ ದೊಡ್ಮನೆಯಲ್ಲಿ ಪ್ರತಾಪ್ ಆಟ, ವ್ಯಕ್ತಿತ್ವ ಅರಿತ ಮೇಲೆ ಅವರಿಗೆ ಅಪಾರ ಅಭಿಮಾನಿಗಳ ಬಳಗ ಹೊಂದಿದ್ದಾರೆ. ಈ ಕಾರ್ಯಕ್ರಮದಿಂದಾಗಿ ಪ್ರತಾಪ್‌ಗೆ ಖ್ಯಾತಿ ಇನ್ನಷ್ಟು ಹೆಚ್ಚಾಗಲಿದೆ ಪ್ರತಾಪ್ ಡ್ಯಾನ್ಸ್‌ಗಂತೂ ವೀಕ್ಷಕರು ಫಿದಾ ಆಗಿದ್ದಾರೆ.
ಇನ್ನು ತುಕಾಲಿ ಪತ್ನಿ ಮಾನಸಾ ಸಖತ್‌ ಕಾಮಿಡಿ ಮಾಡಿದ್ದಾರೆ. ʻಗಿಚ್ಚಿ ಗಿಲಿಗಿಲಿʼ ವೇದಿಕೆಯಲ್ಲಿ ತುಕಾಲಿ ಅವರ ಬಿಗ್‌ ಬಾಸ್‌ ಆಟದ ಕುರಿತು ಸಖತ್‌ ಕಾಮಿಡಿ ಮಾಡಿದ್ದಾರೆ.
ʻಗಿಚ್ಚಿ ಗಿಲಿಗಿಲಿ’ಯ ಮೊದಲ ಸೀಸನ್‌ನಲ್ಲಿ ನಿವೇದಿತಾ ಗೌಡ, ಜಗ್ಗಪ್ಪ, ಪ್ರಶಾಂತ್, ಚಂದ್ರಪ್ರಭಾ ಮುಂತಾದವರು ಇದ್ದರು. ಮೊದಲನೇ ಸೀಸನ್‌ನಲ್ಲಿ ವಂಶಿಕಾ ಅಂಜನಿ ಕಶ್ಯಪ ಹಾಗೂ ಶಿವು ಈ ಶೋನ ವಿಜೇತರಾಗಿ ಹೊರಹೊಮ್ಮಿದ್ದರು. ವಿನೋದ್ ಗೊಬ್ರಗಾಲ್, ನಿವೇದಿತಾ ಗೌಡ ಈ ಶೋನ ರನ್ನರ್ ಅಪ್ ಆಗಿದ್ದರು. ಗಿಚ್ಚಿ ಗಿಲಿಗಿಲಿ ಸೀಸನ್ 2 ವಿನ್ನರ್ ಪಟ್ಟವನ್ನು ಚಂದ್ರಪ್ರಭಾ ಅಲಂಕರಿಸಿದ್ದರು.ಈ ಬಾರಿ ಸಾಧು ಕೋಕಿಲ, ಶ್ರುತಿ ಹಾಗೂ ನಟ ಕೋಮಲ್‌ ಜಡ್ಜ್ ಸ್ಥಾನದಲ್ಲಿದ್ದಾರೆ. ನಿರಂಜನ್‌ ದೇಶಪಾಂಡೆ ನಿರೂಪಕರಾಗಿದ್ದಾರೆ.