ಟೈಟಾನಿಕ್‌, ಸ್ಟಾರ್ವಾರ್ಸ್ ಸಿನಿಮಾ ಖ್ಯಾತಿಯ ನಟ ಡೇವಿಡ್‌ ವಾರ್ನರ್ ಅವರು ಕ್ಯಾನ್ಸರ್‌ ರೋಗದಿಂದ ಬಳಲಿ ಮೃತಪಟ್ಟಿದ್ದಾರೆ.
ಟೈಟಾನಿಕ್‌, ಒಮೆನ್‌, ಟ್ರಾನ್‌ ಮುಂತಾದ ಹಾಲಿವುಡ್‌ ಫಿಲ್ಮ್‌ಗಳಲ್ಲಿ ಅತ್ಯಪೂರ್ವ ಅಭಿನಯ ನೀಡಿ ಅವರು ಚಿತ್ರರಸಿಕರ ಮನೆ ಸೆಳೆದಿದ್ದರು. ಟೈಟಾನಿಕ್‌ನಲ್ಲಿ ಅವರು ಸ್ಪೈಸರ್‌ ಲವ್‌ಜಾಯ್‌ ಎಂಬ ವಿಲನ್‌ ಪಾತ್ರದಲ್ಲಿ ನಟಿಸಿದ್ದರು. ಇತ್ತೀಚೆಗೆ ಅವರು ಮೇರಿ ಪಾಪಿನ್ಸ್‌ ರಿಟರ್ನ್ಸ್‌ ಫಿಲ್ಮ್‌ನಲ್ಲಿ ಅಡ್ಮಿರಲ್‌ ಬೂಮ್‌ ಎಂಬ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.
ಕಳೆದ 18 ತಿಂಗಳಿನಿಂದ ಅವರು ಕ್ಯಾನ್ಸರ್‌ನಿಂದ ಬಳಲುತ್ತಿದ್ದರು. ಅವರಿಗೆ 80 ವರ್ಷ ವಯಸ್ಸಾಗಿತ್ತು.
ವಾರ್ನರ್ ಹೆಚ್ಚಾಗಿ ವಿಲನ್‌ ಪಾತ್ರಗಳನ್ನು ಮಾಡುತ್ತಿದ್ದರು. ಥರ್ಟಿನೈನ್‌ ಸ್ಟೆಪ್ಸ್‌, ಟೈಮ್‌ ಬ್ಯಾಂಡಿಟ್ಸ್‌ ಮುಂತಾದ ಸಿನಿಮಾಗಳ ಇವರ ಗಮ ನಸೆಳೆದಿತ್ತು. 1976ರ ಹಾರರ್‌ ಚಿತ್ರ ಒಮೆನ್‌ನಲ್ಲಿ ಇವರ ಪಾತ್ರ ಇವರಿಗೆ ಖ್ಯಾತಿ ತಂದುಕೊಟ್ಟಿತ್ತು. ಶೇಕ್ಸ್‌ಪಿಯರ್‌ನ ನಾಟಕಗಳನ್ನು ಆಧರಿಸಿದ ಸಿನಿಮಾಗಳಲ್ಲಿಯೂ ನಟಿಸಿದ್ದರು. ಹಾಗೇ ಸ್ಟಾರ್ವಾರ್ಸ್ ಮುಂತಾದ ಸೈನ್ಸ್‌ ಆಧಾರಿತ ಥ್ರಿಲ್ಲರ್‌ ಫಿಲಂಗಳಲ್ಲಿಯೂ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದರು. ತಮ್ಮ ಕೆರಿಯರ್‌ನ ಉತ್ತರಾರ್ಧದ ದಿನಗಳಲ್ಲಿ ಹಲವಾರು ಟಿವಿ ಸೀರಿಯಲ್‌ಗಳಲ್ಲಿ ಕಾಣಿಸಿಕೊಂಡಿದ್ದರು.
1941ರ ಜುಲೈ 29ರಂದು ಬ್ರಿಟನ್‌ನ ಮ್ಯಾಂಚೆಸ್ಟರ್‌ನಲ್ಲಿ ಜನಿಸಿದ ಡೇವಿಡ್‌ ವಾರ್ನರ್, ಲಂಡನ್‌ನ ರಾಯಲ್‌ ಅಕಾಡೆಮಿ ಆಫ್‌ ಡ್ರಾಮಾಟಿಕ್ ಆರ್ಟ್‌ನಲ್ಲಿ ಶೇಕ್ಸ್‌ಪಿಯರ್‌ ನಾಟಕಗಳಲ್ಲಿ ಪಾತ್ರ ಮಾಡುತ್ತಾ ಅಭಿನಯವನ್ನು ಮೈಗೂಡಿಸಿಕೊಂಡರು. ಬ್ರಿಟಿಷ್‌ ಅಕಾಡೆಮಿ, ಎಮ್ಮಿ ಅವಾರ್ಡ್‌ಗಳನ್ನು ಪಡೆದಿದ್ದಾರೆ.
ಇದನ್ನೂ ಓದಿ: Kargil Vijay Diwas 2022 | ಕಾರ್ಗಿಲ್‌ ಯುದ್ಧ ಗೆದ್ದ ಹೆಮ್ಮೆಯ ದಿನ; ಯೋಧರ ತ್ಯಾಗ, ಶೌರ್ಯಕ್ಕೆ ಗೌರವ