ಬೆಂಗಳೂರು: ರಕ್ಷಿತ್ ಶೆಟ್ಟಿ (Rakshit Shetty ) ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ಸಪ್ತಸಾಗರದಾಚೆ ಎಲ್ಲೊ (saptasagaradache yello )ಸಿನಿಮಾ ಕನ್ನಡ ಸಿನಿ ಪ್ರೇಕ್ಷಕರ ಮನದಲ್ಲಿ ಕ್ಷಣಕ್ಷಣಕ್ಕೂ ಕುತೂಹಲ ಹುಟ್ಟಿಸುತ್ತಿದೆ. ಸದಭಿರುಚಿಯ ಚಿತ್ರಗಳು ಹಾಗೂ ವಿಭಿನ್ನ ಥೀಮ್ನೊಂದಿಗೆ ಸಿನಿಮಾ ಮಾಡುವ ರಕ್ಷಿತ್ ಆ್ಯಂಡ್ ಬಳಗ ಈ ಬಾರಿ ಹೊಸ ರೀತಿಯ ಮನರಂಜನೆ ಉಣಬಡಿಸುವುದು ಗ್ಯಾರಂಟಿ ಎಂದು ಸ್ಯಾಂಡಲ್ವುಡ್ (sandalwood) ಕಾರಿಡಾರ್ನಲ್ಲಿ ಮಾತುಗಳು ಕೇಳಿ ಬರುತ್ತಿವೆ. ಇತ್ತೀಚೆಗೆ ಇದರ ಟೈಟಲ್ ಸಾಂಗ್ ಬಿಡುಗಡೆಗೊಂಡು ಮನಗೆದ್ದಿತ್ತು. ಇದೀಗ ಸಿನಿಮಾ ತಂಡ ಹೊಸ ಸುದ್ದಿಯೊಂದನ್ನು ಕೊಟ್ಟಿದ್ದು ಆಗಸ್ಟ್ 17ರಂದು ಚಿತ್ರದ ಟ್ರೈಲರ್ ಲಾಂಚ್ ಮಾಡುವುದಾಗಿ ಘೋಷಿಸಿದೆ.
ಪರಂಮಃ ಸ್ಟುಡಿಯು ತನ್ನ ಅಧಿಕೃತ ಯೂಟ್ಯೂಬ್ ಚಾನೆಲ್ನಲ್ಲಿ ಈ ಕುರಿತು ವಿಡಿಯೊವೊಂದನ್ನು ಬಿಡುಗಡೆ ಮಾಡಿದೆ. ವಿಡಿಯೊದ ಕೊನೆಯಲ್ಲಿ ಆಗಸ್ಟ್ 17ರ ಸಂಜೆ 6 ಗಂಟೆ 6 ನಿಮಿಷಕ್ಕೆ ಟ್ರೈಲರ್ ಬಿಡುಗಡೆ ಎಂಬ ಮಾಹಿತಿಯನ್ನು ಪ್ರಕಟಿಸಿದೆ. ಈ ಮೂಲಕ ಸಿನಿ ಪ್ರೇಕ್ಷಕರು ಕೌತುಕಕ್ಕೆ ಮತ್ತೊಂದು ಬಾರಿ ಕಿಡಿ ಹಚ್ಚಿದೆ ಸಪ್ತಸಾಗರದಾಚೆ ತಂಡ.
ವಿಡಿಯೊದ ಆರಂಭದಲ್ಲಿ ಮಲ್ಪೆ ಬೀಚ್ನ ಲೊಕೆಶನ್ ಪಿನ್ ಮಾಡಲಾಗಿದೆ. ಹೀಗಾಗಿ ಟ್ರೈಲರ್ ಬಿಡುಗಡೆ ಚಟುವಟಿಕೆ ಎಲ್ಲೇ ನಡೆದಿದೆ ಎಂದು ಸಿನಿಮಾ ಪ್ರೇಮಿಗಳ ಅಂದಾಜು. ಇಡೀ 2. 04 ನಿಮಿಷದ ವಿಡಿಯೊದಲ್ಲಿ ಮಲ್ಪೆ ಬೀಚ್ನ ಕೆಲವೊಂದು ಚಟುವಟಿಕೆಗಳನ್ನು ತೋರಿಸಲಾಗಿದೆ. ಈ ಸಿನಿಮಾದ ಸೈಡ್ ಎ ಬಿಡುಗಡೆಗೊಳ್ಳುತ್ತಿರುವ ಕಾರಣ ಅದರ ಕೆಲವೊಂದು ಝಲಕ್ಗಳನ್ನು ತೋರಿಸಲಾಗಿದೆ.
ಮರಳಿನಿಂದಾವೃತವಾಗಿರುವ ಮಲ್ಪೆ ಬೀಚ್ನಲ್ಲಿ ಸಪ್ತಸಾಗರದಾಚೆ ಎಂದು ವರ್ಣಮಯವಾಗಿ ಬರೆದಿರುವುದನ್ನು ಏರಿಯಲ್ ಶಾಟ್ ಮೂಲಕ ತೋರಿಸಲಾಗಿದೆ. ಅದಕ್ಕಿಂತ ಮೊದಲು ಆ ಕಲಾತ್ಮಕ ಕೆಲಸದಲ್ಲಿ ಸಿನಿಮಾ ತಂಡ ತೊಡಗಿರುವುದನ್ನು ಚಿತ್ರಿಸಲಾಗಿದೆ.
ಟೈಟಲ್ ಸಾಂಗ್ ಬಿಡಗುಡೆ
ವಾರದ ಹಿಂದೆ ನದಿಯೇ ನಿನಗಾಗಿ ನಾ ಕಾಯುವೆ’ ಎಂದು ಪ್ರಾರಂಭವಾಗುವ ‘ಸಪ್ತ ಸಾಗರದಾಚೆ ಎಲ್ಲೊ’ ಸಿನಿಮಾದ ಮೊದಲ ಭಾಗದ ಟೈಟಲ್ ಟ್ರ್ಯಾಕ್ ಬಿಡುಗಡೆಗೊಂಡಿತ್ತು. ನೀಲಿ ಬಣ್ಣದ ದಾರದುಂಡೆಗಳ ವಿಡಿಯೋ ಹಾಡಿಗೆ ವಿಶೇಷ ಅರ್ಥವನ್ನು ನೀಡಿತ್ತು. ಇದೊಂದ ಭಾವನಾತ್ಮಕ ಸಿನಿಮಾ ಎಂಬುದನ್ನು ಹಾಡಿನ ಮೂಲಕವೇ ಪ್ರಸ್ತುತಪಡಿಸಲಾಗಿದೆ.
ಹಾಡನ್ನು ಕಪಿಲ್ ಕಪಿಲನ್ ಹಾಡಿದ್ದಾರೆ. ಧನಂಜಯ್ ರಂಜನ್ ಸಾಹಿತ್ಯ ಬರೆದಿದ್ದು,, ಚರಣ್ರಾಜ್ ಸಂಗೀತ ನೀಡಿದ್ದಾರೆ. ಈ ಹಾಡು ರಕ್ಷಿತ್ ಶೆಟ್ಟಿಯವರು ಪರಮವಃ ಯೂಟ್ಯೂಬ್ ಚಾನೆಲ್ನಲ್ಲಿ ಬಿಡುಗಡೆ ಆಗಿದೆ. ಬಿಡುಗಡೆ ಆದ ಕೆಲವೇ ಗಂಟೆಗಳಲ್ಲಿ ಹಲವರು ಹಾಡನ್ನು ನೋಡಿ ಮೆಚ್ಚಿದ್ದಾರೆ.
ಇದನ್ನೂ ಓದಿ: Rakshit shetty: ರಕ್ಷಿತ್ ಶೆಟ್ಟಿ ಅಭಿನಯದ ‘ಸಪ್ತ ಸಾಗರದಾಚೆ ಎಲ್ಲೋ’ ಸಿನಿಮಾದಲ್ಲಿ 12 ಹಾಡು!
ಸಿನಿಮಾವನ್ನು ಹೇಮಂತ್ ರಾವ್ ನಿರ್ದೇಶನ ಮಾಡಿದ್ದಾರೆ. ಸಿನಿಮಾದಲ್ಲಿ ರಕ್ಷತ್ ಶೆಟ್ಟಿ ಜೊತೆಗೆ ಇಬ್ಬರು ನಾಯಕಿಯರಿದ್ದಾರೆ. ನಟಿ ರುಕ್ಮಿಣಿ ವಸಂತ್ ಹಾಗೂ ಚೈತ್ರಾ ಆಚಾರ್. ನವಿರಾದ ಪ್ರೇಮಕತೆಯನ್ನು ಒಳಗೊಂಡಿರುವ ಸಿನಿಮಾ ಇದು ಎನ್ನಲಾಗಿದೆ.
80ರ ದಶಕದಲ್ಲಿ ಕಥಾ ಹಂದರ ಸಿನಿಮಾದಲ್ಲಿದೆ ಎನ್ನಲಾಗಿದೆ. ಯುವ ಪ್ರೇಮಿಯೊಬ್ಬ ವಿದೇಶಕ್ಕೆ ಉದ್ಯೋಗಕ್ಕೆ ತೆರಳಲೇ ಬೇಕಾದ ಸ್ಥಿತಿ ಬರುತ್ತದೆ. ಈ ವೇಳೆ ಅವನು ಎದುರಿಸುವ ಸನ್ನಿವೇಶಗಳು ಸಿನಿಮಾದಲ್ಲಿವೆ. ತನ್ನ ಪ್ರೇಮವನ್ನು ಆ ಯುವಕ ಹೇಗೆ ಉಳಿಸಿಕೊಳ್ಳುತ್ತಾನೆ ಎಂಬುದೇ ಕೌತುಕ.
ಸಿನಿಮಾದ ಪೋಸ್ಟರ್ ಹಾಗೂ ಟೀಸರ್ಗಳು ಈಗಾಗಲೇ ಗಮನ ಸೆಳೆದಿವೆ. ಈ ಸಿನಿಮಾ ಎರಡು ಭಾಗಗಳಲ್ಲಿ ಬಿಡುಗಡೆ ಆಗುತ್ತಿದೆ. ಸಿನಿಮಾದ ಮೊದಲ ಭಾಗ ಸೆಪ್ಟೆಂಬರ್ 1 ರಂದು ತೆರೆಗೆ ಬರುತ್ತಿದೆ. ಅದಾದ ಒಂದು ತಿಂಗಳ ಬಳಿಕ ಎರಡನೇ ಭಾಗ ಬಿಡುಗಡೆ ಆಗಲಿದೆ.