ಬೆಂಗಳೂರು: ಡಿಸೆಂಬರ್‌ನಲ್ಲಿ ಹಲವಾರು ಚಿತ್ರಗಳು (Upcoming Kannada Movies) ತೆರೆಗೆ ಬರಲಿದ್ದು ಸಿನಿರಸಿಕರಿಗೆ ಸಖತ್‌ ಸಿಹಿ ಸುದ್ದಿ ನೀಡಿದೆ ಸ್ಯಾಂಡಲ್‌ವುಡ್‌. ಮೊದಲ ವಾರ ಅನಂತ್‌ ನಾಗ್‌ ಹಾಗೂ ದಿಗಂತ್‌ ಕಾಂಬಿನೇಶನ್‌ ಸಿನಿಮಾ ʻತಿಮ್ಮಯ್ಯ ಆ್ಯಂಡ್‌ ತಿಮ್ಮಯ್ಯʼ ಸಿನಿಮಾ, ಗುಳ್ಟು ಖ್ಯಾತಿಯ ನವೀನ್ ಶಂಕರ್ ಅಭಿನಯದ ‘ಧರಣಿ ಮಂಡಲ ಮಧ್ಯದೊಳಗೆ’, ‘ಸೆಕೆಂಡ್ ಲೈಫ್’ ಹಾಗೂ ‘ಫ್ಲಾಟ್ ನಂಬರ್ ನೈನ್’ ಚಿತ್ರಗಳು ಬಿಡುಗಡೆಗೊಳ್ಳಲಿವೆ.
ಎರಡನೇ ವಾರ ಪದ್ಮಶ್ರೀ ಪುರಸ್ಕೃತ ಉದ್ಯಮಿ ಡಾ.ವಿಜಯ ಸಂಕೇಶ್ವರ ಅವರ ಜೀವನಾಧಾರಿತ ‘ವಿಜಯಾನಂದ’ ಸಿನಿಮಾ, ರತ್ನನ್‌ ಪ್ರಪಂಚ ಸಿನಿಮಾ ಖ್ಯಾತಿಯ ಪ್ರಮೋದ್‌ ಅಭಿನಯದ ʻಬಾಂಡ್‌ ರವಿʼ ಹಾಗೂ ʻಡಿಆರ್ 56′ ಹಾಗೂ ‘ಹೊಸ ದಿನಚರಿ’ ಈ ಚಿತ್ರಗಳು ತೆರೆಗೆ ಬರಲಿವೆ. ಮೂರನೇ ವಾರ ʻಅವತಾರ್‌ʼ ಕನ್ನಡ ಡಬ್ಬಿಂಗ್‌ನಲ್ಲಿ ರಿಲೀಸ್‌ ಆಗುತ್ತಿದ್ದು, ‘ಯು ಟರ್ನ್ 2’ ಹಾಗೂ ‘ಶಂಭೋ ಶಿವ ಶಂಕರ’ ಚಿತ್ರಗಳು ತೆರೆಗೆ ಬರಲಿವೆ.
ಇದನ್ನೂ ಓದಿ | Kannada New Movie 2022 | ನವೆಂಬರ್‌ ತಿಂಗಳಲ್ಲಿ ಬಿಡುಗಡೆಯಾದ ಕನ್ನಡ ಸಿನಿಮಾಗಳಿಗೆ ಪ್ರೇಕ್ಷಕರ ಬರ!
ನಾಲ್ಕನೇ ವಾರ ಹ್ಯಾಟ್ರಿಕ್‌ ಹೀರೊ ಶಿವರಾಜ್‌ ಕುಮಾರ್‌ ಅಭಿನಯದ ʻವೇದʼ ಸಿನಿಮಾ ಹಾಗೂ ʻಅಂಬುಜಾʼ ಚಿತ್ರಗಳು ಬಿಡುಗಡೆಗೊಳ್ಳಲಿವೆ. ಐದನೇ ವಾರ ಡಾಲಿ ಧನಂಜಯ್‌ ಅಭಿನಯದ ‘ಒನ್ಸ್‌ ಅಪಾನ್‌ ಎ ಟೈಮ್‌ ಜಮಾಲಿಗುಡ್ಡ’ ಹಾಗೂ ಯೋಗರಾಜ್‌ ಭಟ್‌ ನಿರ್ಮಾಣದ ʻಪದವಿ ಪೂರ್ವʼ ಚಿತ್ರಗಳೆರಡು ತೆರೆಗೆ ಬರಲಿವೆ.
ಇದನ್ನೂ ಓದಿ | Reeshma Nanaiah | ʻಯುಐʼ ಸಿನಿಮಾದಲ್ಲಿ ನಟಿ ರೀಷ್ಮಾ ನಾಣಯ್ಯ?