ಬೆಂಗಳೂರು: ರಿಯಾಲಿಟಿ ಶೋ ಬಿಗ್ ಬಾಸ್ ಒಟಿಟಿಯಲ್ಲಿ ಕಾಣಿಸಿಕೊಂಡ ಬಳಿಕ ಫ್ಯಾಷನ್‌ ಐಕಾನ್‌ ಎಂತಲೇ ಖ್ಯಾತಿ ಪಡೆದ ಉರ್ಫಿ ಜಾವೇದ್ (Urfi Javed) ಯಾವಾಗಲೂ ತಮ್ಮ ಉಡುಪಿನ ವಿಚಾರವಾಗಿಯೇ ಸುದ್ದಿಯಲ್ಲಿರುತ್ತಾರೆ. ಆಗಾಗ ಟ್ರೋಲ್‌ಗೆ ಗುರಿಯಾಗುವ ಉರ್ಫಿ ಈ ಬಾರಿ ತಮ್ಮ ಬಟ್ಟೆಯ ಬಗ್ಗೆ ಮೆಚ್ಚುಗೆ ಪಡೆಯುತ್ತಿದ್ದಾರೆ. ಬಾಲಿವುಡ್ನ ಖ್ಯಾತ ನಟಿ ನೇಹಾ ಧೂಪಿಯಾ ಅವರು ಈ ಬಟ್ಟೆ ನೋಡಿ ಇಷ್ಟಪಟ್ಟಿದ್ದಾರೆ. ‘ಇದು ತುಂಬ ಕ್ಯೂಟ್ ಆಗಿದೆ’ ಎಂದು ಅವರು ಕಮೆಂಟ್ ಮಾಡಿದ್ದಾರೆ.
ಮೇ 30ರಂದು ಉರ್ಫಿ ಜಾವೇದ್ ಮುಂಬೈಗೆ ಶೂಟಿಂಗ್‌ಗೆಂದು ಹೊರಟಿದ್ದರು. ಗೊಂಬೆಗಳ ಜಾಕೆಟ್ ಜತೆಗೆ ಹಸಿರು ಕೋ-ಆರ್ಡ್ ಸೆಟ್ ಧರಿಸಿ ನಟಿ ಕಾಣಿಸಿಕೊಂಡರು. ಮಕ್ಕಳಿಗಂತೂ ಈ ಉಡುಗೆ ಸಖತ್ ಇಷ್ಟ ಆಗುತ್ತದೆ. ಹಾಗಾಗಿ ಇದು ಅನೇಕರ ಗಮನ ಸೆಳೆದಿದೆ. ‘ಇದು ತುಂಬ ಕ್ಯೂಟ್ ಆಗಿದೆ’ ಎಂದು ನೇಹಾ ಧೂಪಿಯಾ (Neha Dhupia) ಅವರು ಕಮೆಂಟ್ ಮಾಡಿದ್ದಾರೆ. ಈ ವಿಡಿಯೊ ವೈರಲ್‌ ಆಗುತ್ತಿದ್ದಂತೆ ನೆಟ್ಟಿಗರು ಉರ್ಫಿಯನ್ನು ಹಾಡಿ ಹೊಗಳಿದ್ದಾರೆ. ನೇಹಾ ಧೂಪಿಯಾ ಕೂಡ ಆ ಜಾಕೆಟ್ ಹೊಂದಲು ತನ್ನ ಇಚ್ಛೆಯನ್ನು ವ್ಯಕ್ತಪಡಿಸಿದ್ದಾರೆ ಮತ್ತು ” ತುಂಬ ಕ್ಯೂಟ್ʼʼ ಆಗಿದೆ ಎಂದು ಕಮೆಂಟ್ ಮಾಡಿದ್ದಾರೆ. ನೆಟ್ಟಿಗರು ಕಮೆಂಟ್‌ನಲ್ಲಿ ʻʻಸರ್‌ಪ್ರೈಸ್‌ ಔಟ್‌ಫಿಟ್‌ʼʼ ಎಂದರೆ ಇನ್ನೊಬ್ಬರು ʻʻಕ್ಯೂಟ್ ಔಟ್‌ಫಿಟ್‌ʼʼ ಎಂದು ಕಮೆಂಟ್ ಮಾಡಿದ್ದಾರೆ.
ಇದನ್ನೂ ಓದಿ: Urfi Javed : ಟೀ ಕುಡಿಯಲು ತಿಣುಕಾಡಿದ ಉರ್ಫಿ; ವಿಡಿಯೊ ವೈರಲ್‌
ಉರ್ಫಿ ಜಾವೇದ್ ವೈರಲ್‌ ವಿಡಿಯೊ
ಇತ್ತೀಚೆಗೆ ಉರ್ಫಿ ಜಾವೇದ್ ಅವರು ಚೂಯಿಂಗ್ ಗಮ್ ಬಳಸಿ ಡ್ರೆಸ್ ಮಾಡಿಕೊಂಡಿದ್ದರು. ಇದನ್ನು ಕಂಡು ನೆಟ್ಟಿಗರು ಹೌಹಾರಿದ್ದರು. ಇತ್ತೀಚೆಗಷ್ಟೇ ಉರ್ಫಿ ಜಾವೇದ್ ಮುಂಬೈನ ರೆಸ್ಟೋರೆಂಟ್‌ವೊಂದರಲ್ಲಿ ತಮ್ಮ ಬಟ್ಟೆಯ ಕಾರಣ ಪ್ರವೇಶ ನಿರಾಕರಿಸಲಾಗಿದೆ ಎಂದು ಆರೋಪಿಸಿ ಸೋಷಿಯಲ್ ಮೀಡಿಯಾಗಳಲ್ಲಿ ಬರೆದು ಪೋಸ್ಟ್ ಹಂಚಿಕೊಂಡಿದ್ದರು. ಜತೆಗೆ ಈ ಪೋಸ್ಟ್ನಲ್ಲಿ ಜೊಮ್ಯಾಟೊವನ್ನು ಕೂಡ ಟ್ಯಾಗ್ ಮಾಡಲಾಗಿತ್ತು.
ನಟಿ ಊರ್ಫಿ ಪೋಸ್ಟ್ಗೆ ಜೊಮ್ಯಾಟೊ ಪ್ರತಿಕ್ರಿಯಿಸಿ ಕ್ಷಮೆಯಾಚಿಸಿದೆ. ಜತೆಗೆ ಗಿಫ್ಟ್ ಬಾಸ್ಕೆಟ್ ಉಡುಗೊರೆಯಾಗಿ ನೀಡಿದೆ. ಇದೀಗ ಜೊಮ್ಯಾಟೊ ಕಳುಹಿಸಿದ ಗಿಫ್ಟ್ ಬಾಸ್ಕೆಟ್‌ವನ್ನು ಬಟ್ಟೆಯಾಗಿ ಉಪಯೋಗಿಸಿಕೊಂಡಿದ್ದರು.