ಬೆಂಗಳೂರು: ನಟಿ ಹರಿಪ್ರಿಯಾ (Actress Haripriya) ಮತ್ತು ನಟ ವಸಿಷ್ಠ ಸಿಂಹ ಜನವರಿ 26ರಂದು (Actress Haripriya) ವೈವಾಹಿಕ ಜೀವನಕ್ಕೆ ಕಾಲಿಟ್ಟರು. ಮದುವೆಯಾಗಿ ಎರಡು ತಿಂಗಳ ನಂತರ ವಿಶೇಷ ಫೋಟೊಗಳನ್ನು ದಂಪತಿ ಹಂಚಿಕೊಂಡಿದ್ದಾರೆ. ಮದುವೆ ಬಳಿಕ ಹರಿಪ್ರಿಯಾ ಅವರು ಶೂಟಿಂಗ್ನಲ್ಲಿ ಬ್ಯುಸಿ ಇದ್ದಾರೆ. ವಸಿಷ್ಠ ಸಿಂಹ ಕೂಡ ಶೂಟಿಂಗ್‌ಗೆಂದು ತೆಲಂಗಾಣಕ್ಕೆ ತೆರಳಿದ್ದರು. ಪತ್ನಿ ಹರಿಪ್ರಿಯಾ ಅವರು ಅಲ್ಲಿಗೆ ಸರ್ಪ್ರೈಸ್ ವಿಸಿಟ್ ಕೊಟ್ಟಿದ್ದಾರೆ. ಈ ಮೂಲಕ ಪತಿಗೆ ಅಚ್ಚರಿ ಮೂಡಿಸಿದ್ದಾರೆ. ಅದಕ್ಕೆ ನಟ ಫೋಟೊಗಳನ್ನು ಶೇರ್ ಮಾಡಿ ಪತ್ನಿಗೆ ಥ್ಯಾಂಕ್ಸ್ ಹೇಳಿದ್ದಾರೆ.
ಸರ್ಪ್ರೈಸ್ ವಿಸಿಟ್ ಬಗ್ಗೆ ವಸಿಷ್ಠ ಸಿಂಹ ಪೋಸ್ಟ್ ಹಂಚಿಕೊಂಡಿದ್ದು, ಸಂತಸ ಹಂಚಿಕೊಂಡಿದ್ದಾರೆ. ಇಷ್ಟೇ ಅಲ್ಲ ವಸಿಷ್ಠ ಸಿಂಹ ಹಾಗೂ ಅವರ ಸಿಬ್ಬಂದಿಗೆ ವಿಶೇಷ ಅಡುಗೆ ಮಾಡಿ ಹರಿಪ್ರಿಯಾ ಉಣಬಡಿಸಿದ್ದಾರೆ. ಈ ಫೋಟೊಗಳನ್ನು ಹಂಚಿಕೊಂಡು ವಸಿಷ್ಠ ಸಿಂಹ ಧನ್ಯವಾದ ಅರ್ಪಿಸಿದ್ದಾರೆ.
ವಸಿಷ್ಠ ಸಿಂಹ ಪೋಸ್ಟ್‌ನಲ್ಲಿ ʻʻಎರಡು ತಿಂಗಳು ಕಳೆದವು. ನಿಜ, ಸಮಯವು ಬೇಗ ಹೋಗುತ್ತದೆ. ನಮ್ಮ ಮದುವೆಯ ಕ್ಷಣಗಳನ್ನು ನೆನಪಿಸಿಕೊಳ್ಳುವುದು ಮತ್ತು ಮದುವೆಯ ನಂತರದ ನಮ್ಮ ಜೀವನವು ಉತ್ತಮ ಪ್ರಯಾಣವಾಗಿದೆ. ಇದು ನನಗೆ ಖುಷಿಯನ್ನು ತಂದುಕೊಟ್ಟ ಕಾರಣ ಈ ಚಿತ್ರಗಳನ್ನು ಪೋಸ್ಟ್ ಮಾಡಿದೆ. ನಾನು ತೆಲಂಗಾಣದಲ್ಲಿ ಶೂಟಿಂಗ್ ಮಾಡುತ್ತಿದ್ದಾಗ ನೀವು ಶೂಟಿಂಗ್ ಸೆಟ್‌ಗೆ ಅನಿರೀಕ್ಷಿತ ಭೇಟಿ ನೀಡಿ ನನಗೆ ಮತ್ತು ನನ್ನ ಸಿಬ್ಬಂದಿಗೆ ಅಡುಗೆ ಮಾಡಿಕೊಟ್ಟಿದ್ದೀರಿ. ಮನೆಯಿಂದ ತುಂಬ ದಿನ ದೂರವಿದ್ದ ಕಾರಣ ಮನೆಯ ಫುಡ್‌ಗಾಗಿ ಹಂಬಲಿಸುತ್ತಿದ್ದೆ. ಅಷ್ಟೇ ಅಲ್ಲ ನಿಮ್ಮನ್ನು ನೋಡಬೇಕೆಂಬ ಆಸೆಯನ್ನು ಹೊಂದಿದ್ದೆ. ಈ ಮೂಲಕ ಮನೆಯೇ ಇಲ್ಲಿ ಬಂದಂಗಾಯ್ತುʼʼ ಎಂದು ಬರೆದುಕೊಂಡಿದ್ದಾರೆ.
ವಸಿಷ್ಠ ಸಿಂಹ ಪೋಸ್ಟ್
ಇದನ್ನೂ ಓದಿ: Actress Haripriya: ಗುಡ್‌ ನ್ಯೂಸ್‌ ಅಂದ್ರು ಹರಿಪ್ರಿಯಾ, ಮರಿ ಸಿಂಹ ಆಗಮನನಾ ಅಂತ ಕೇಳಿದ್ರು ನೆಟ್ಟಿಗರು!
ಇತ್ತೀಚೆಗೆ ದಂಪತಿ ಅವರು ಯುಗಾದಿ ಹಬ್ಬವನ್ನು ಅದ್ಧೂರಿಯಾಗಿ ಆಚರಿಸಿದ್ದರು. ಫೋಟೊಗಳನ್ನೂ ಹಂಚಿಕೊಂಡಿದ್ದರು.