ಬೆಂಗಳೂರು: ನಟ ವಿಜಯ್ ದೇವರಕೊಂಡ (Vijay Devarakonda )ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಅವರ ಸಹೋದರ ಆನಂದ್ ದೇವರಕೊಂಡ ಅಭಿನಯದ ʻಬೇಬಿʼ ಚಿತ್ರದ ಸಕ್ಸೆಸ್‌ ಮೀಟ್‌ ನಟಡೆಯಿತು. ಇತ್ತೀಚೆಗೆ ನಡೆದ ಸಮಾರಂಭದಲ್ಲಿ ವಿಜಯ್ ದೇವರಕೊಂಡ ಅವರನ್ನು ವೇದಿಕೆಯಲ್ಲಿ ಕಂಡೊಡನೆ ಅವರ ಅಭಿಮಾನಿಯೊಬ್ಬರು ನಟನನ್ನು ಮುಟ್ಟಲು ಪ್ರಯತ್ನಿಸಿದರು. ಈ ವಿಡಿಯೊ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿದೆ.
ಅಭಿಮಾನಿಯ ವರ್ತನೆ ನೋಡಿ ವಿಜಯ್ ದೇವರಕೊಂಡ ಆತಂಕಗೊಂಡಿದ್ದಾರೆ. ಆನಂದ್ ದೇವರಕೊಂಡ, ವೈಷ್ಣವಿ ಚೈತನ್ಯ, ವಿರಾಜ್ ಅಶ್ವೀನ್ ನಟನೆಯ ‘ಬೇಬಿ’ (Baby Film) ಸಿನಿಮಾ ಜುಲೈ 14ಕ್ಕೆ ತೆರೆ ಕಂಡಿತ್ತು. ಪ್ರೀತಿಯಲ್ಲಿನ ಎಮೋಷನ್ಸ್, ಬ್ರೇಕಪ್ ಕಥೆಯನ್ನು ನಿರ್ದೇಶಕರು ಅದ್ಭುತವಾಗಿ ತೋರಿಸಿದ್ದಾರೆ. ಈ ಸಿನಿಮಾ ಬಗ್ಗೆ ವಿಜಯ್ ದೇವರಕೊಂಡ ಮಾತನಾಡುತ್ತಿರುವಾಗ ಕಾಲು ಮುಟ್ಟಲು ಬಂದ ಅಭಿಮಾನಿಗೆ, ಕಾಲಿಗೆ ಬೀಳದಂತೆ ಪಕ್ಕಕ್ಕೆ ಓಡಿದ್ದಾರೆ. ಅಷ್ಟರಲ್ಲಿ ಅಲ್ಲಿನ ಸಿಬ್ಬಂದಿ ಗಮನ ಹರಿಸಿ, ಆ ಅಭಿಮಾನಿಯನ್ನು ಹಿಡಿದುಕೊಂಡು ತೆರಳಿದ್ದಾರೆ.
ಇದನ್ನೂ ಓದಿ: Vijay Devarakonda: ವಿಜಯ್ ದೇವರಕೊಂಡ ಜತೆ ಶ್ರೀಲೀಲಾ ರೊಮ್ಯಾನ್ಸ್‌!
#VijayDeverakonda 😅❤️ pic.twitter.com/CFUzA0T1KW
— #sai!..🕶 (@the_s_sai) July 18, 2023
ಸಾಮಾಜಿಕ ಜಾಲತಾಣಗಳಲ್ಲಿ ಹಲವರು ವಿಜಯ್ ಬಗ್ಗೆ ಕಮೆಂಟ್‌ ಮಾಡಿದ್ದಾರೆ. ʻʻಈವೆಂಟ್‌ನಲ್ಲಿ ಯಾವುದೇ ಸೆಲೆಬ್ರಿಟಿಗಳಿಗೆ ಈ ರೀತಿ ಮಾಡುವುದು ಒಳ್ಳೆಯದಲ್ಲ” ಎಂದು ಒಬ್ಬರು ಕಮೆಂಟ್‌ ಮಾಡಿದ್ದಾರೆ. ಈ ಸಿನಿಮಾವನ್ನು ಸಾಯಿ ರಾಜೇಶ್ ನೀಲಂ ಬರೆದು ನಿರ್ದೇಶಿಸಿದ್ದಾರೆ. ಶ್ರೀನಿವಾಸ ಕುಮಾರ್ ನಾಯ್ಡು ನಿರ್ಮಿಸಿದ್ದಾರೆ. ಆನಂದ್ ದೇವರಕೊಂಡ ಅವರಲ್ಲದೆ, ಚಿತ್ರದಲ್ಲಿ ವೈಷ್ಣವಿ ಚೈತನ್ಯ ಮತ್ತು ವಿರಾಜ್ ಅಶ್ವಿನ್ ಕೂಡ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.