ಬೆಂಗಳೂರು: ವಿಶಾಖಪಟ್ಟಣಂನಲ್ಲಿ ನಡೆದ ‘ಹಾಯ್ ನಾನ್ನ’ ಚಿತ್ರದ ಪ್ರಿ-ರಿಲೀಸ್ ಈವೆಂಟ್‌ನಲ್ಲಿ ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ಅವರು ವಕೇಶನ್‌ನಲ್ಲಿ ಎಂಜಾಯ್‌ ಮಾಡುತ್ತಿರುವ ಫೋಟೊವನ್ನು ಸ್ಕ್ರೀನ್‌ನಲ್ಲಿ ಪ್ಲೇ ಮಾಡಿದ್ದಾರೆ. ಈ ಫೋಟೊ ಕಂಡು ನಟಿ ಮೃಣಾಲ್ ಅಚ್ಚರಿಗೆ ಒಳಗಾದರು. ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ (Rashmika Mandanna) ಅವರ ಅಭಿಮಾನಿಗಳು ಈ ಬಗ್ಗೆ ಬೇಸರಗೊಂಡಿದ್ದು, ಇದೀಗ ಸಂಬಂಧವೇ ಇಲ್ಲದ ವಿಷಯವನ್ನು ಎಳೆದು ತಂದಿದ್ದಕ್ಕಾಗಿ ಚಿತ್ರದ ತಂಡ ಮತ್ತು ಆ್ಯಂಕರ್ ಸುಮಾ ಅವರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. ಇದೀಗ ಈ ಫೋಟೊ ಸಾಷ್ಟು ವಿವಾದಕ್ಕೆ ಗುರಿಯಾಗಿದೆ.
‘ಹಾಯ್ ನಾನ್ನ’ ಚಿತ್ರದಲ್ಲಿ ನಾನಿ ಮತ್ತು ಮೃಣಾಲ್ ಠಾಕೂರ್ ಕಾಣಿಸಿಕೊಂಡಿದ್ದಾರೆ. ರಶ್ಮಿಕಾ ಹಾಗೂ ವಿಜಯ್ ಈ ಚಿತ್ರದ ಭಾಗವಾಗಿಲ್ಲ. ಆದರೆ ಏಕಾ ಏಕಿ ರಶ್ಮಿಕಾ ಹಾಗೂ ವಿಜಯ್ ಅವರ ವೈಯಕ್ತಿಕ ಫೋಟೊ ಪರದೆಮೇಲೆ ಅಷ್ಟು ಜನರ ಎದುರು ಬಂದಾಗ ಮೃಣಾಲ್ ಅಚ್ಚರಿಗೆ ಒಳಗಾದರು. ಈ ಪೋಟೊ ವೈರಲ್ ಆಗುತ್ತದ್ದಂತೆ ಹಾಯ್ ನಾನ್ನ ಚಿತ್ರತಂಡಕ್ಕೆ, ಕಾರ್ಯಕ್ರಮದ ಆಯೋಜಕರಿಗೆ ತರಾಟೆಗೆ ತೆಗೆದುಕೊಂಡಿದ್ದಾರೆ ನೆಟ್ಟಿಗರು. ತಂಡವು ರಶ್ಮಿಕಾ ಹಾಗೂ ವಿಜಯ್ ಜೋಡಿಯಿಂದ ಅನುಮತಿ ಪಡೆದಿದೆಯೇ ಅಥವಾ ಇಲ್ಲವೇ ಎಂಬದು ತಿಳಿದುಬಂದಿಲ್ಲ.
ಈವೆಂಟ್‌ನಲ್ಲಿ ನಿರೂಪಕಿ ಸುಮಾ ಅಭಿಮಾನಿಗಳನ್ನು ಉದ್ದೇಶಿಸಿ ಈ ಫೋಟೊ ಬಗ್ಗೆ ತಮಾಷೆ ಮಾಡಿದ್ದಾರೆ. ಮೃಣಾಲ್ ಆಶ್ಚರ್ಯದಿಂದ ಫೋಟೊ ನೋಡಿದರೆ, ನಾನಿ ಮುಗುಳ್ನಕ್ಕರು. ಸುಮಾ ತನ್ನ ಬಳಿ ಇರುವ ಫೋಟೋಗ್ರಾಫರ್‌ನನ್ನು ಕಂಡು, ಬಾಲಿಯಲ್ಲಿ ಈ ಚಿತ್ರಗಳನ್ನು ಕ್ಲಿಕ್ಕಿಸಿದವರು ನೀವೇ ಅಲ್ಲವೇ ಎಂದು ತಮಾಷೆಯಾಗಿ ಕೇಳುತ್ತಾರೆ. ಇದೀಗ ಈ ವಿಡಿಯೊ ಸಖತ್‌ ವೈರಲ್ ಆಗಿದ್ದು, ವಿವಾದಕ್ಕೆ ಕಾರಣವಾಗಿದೆ.
ಇದನ್ನೂ ಓದಿ: Rashmika Mandanna: ಕನ್ನಡದಲ್ಲೇ ಮಾತನಾಡಿದ ರಶ್ಮಿಕಾ; ರಣಬೀರ್ ಮಾತಿಗೆ ಕನ್ನಡಿಗರು ಫಿದಾ!
#HiNannaPreReleaseEvent :
— RashmikaTheRule 🪓 (@uicaptures) November 29, 2023
Ntg , just used the fame of #VijayDeverakonda #RashmikaMandanna to promote their film@VyraEnts is this the way u portray a film to the audience , is this the real value ?
Pls stop inviting Anchor Suma🙏🏻#RashmikaMandannapic.twitter.com/PRg160R6hF
ನೆಟ್ಟಿಗರು ʻಇದು ಪ್ರಚಾರದ ಸ್ಟಂಟ್’ ಎಂದು ಕಮೆಂಟ್‌ ಮಾಡಿದ್ದಾರೆ.ʻʻಸ್ವಲ್ಪ ಸಾಮಾನ್ಯ ಜ್ಞಾನವನ್ನು ಹೊಂದಿರಬೇಕು, ಕೆಟ್ಟ ಆ್ಯಂಕರ್‌ಗಳಲ್ಲಿ ಸುಮಾ ಕೂಡ ಒಬ್ಬರುʼʼಎಂದು ಮತ್ತೊಬ್ಬರು ಕಮೆಂಟ್‌ ಮಾಡಿದ್ದಾರೆ. ʻʻಈವೆಂಟ್‌ನಲ್ಲಿ ಯಾರೊಬ್ಬರ ವೈಯಕ್ತಿಕ ಜೀವನವನ್ನು ತರುವುದು ಸರಿಯಲ್ಲʼʼ ಎಂದು ಇನ್ನೊಬ್ಬರು ಕಮೆಂಟ್‌ ಮಾಡಿದ್ದಾರೆ. ʻʻನಾನಿ ಅವರ ಅಭಿಮಾನಿಗಳು ವಿಜಯ್ ದೇವರಕೊಂಡ ಅವರನ್ನು ಟ್ಯಾಗ್ ಮಾಡುತ್ತಾರೆ. ಪ್ರತಿದಿನ ಅವರನ್ನು ನಿಂದಿಸುತ್ತಾರೆ. ವೈಯಕ್ತಿಕ ಜೀವನದ ವಿಚಾರಗಳನ್ನು ಇಟ್ಟುಕೊಂಡು ತಮ್ಮ ಚಲನಚಿತ್ರಗಳ ಪ್ರಚಾರಕ್ಕಾಗಿ ಬಳಸುತ್ತಾರೆ. ಹಣ ಗಳಿಸಲು ಇಂತಹ ಚೀಪ್‌ ಸಾಹಸಗಳೇಕೆ?ಎಂದು ಕಮೆಂಟ್‌ ಮಾಡಿದ್ದಾರೆ.
Cheap promotional stunts from HiNanna Team
— THE CHANTI (@chanticomrade_) November 29, 2023
Fans emo hero ni Personal ga Tag chesi Abuse cheyadam
Hero emo Ma #VijayDeverakonda and #RashmikaMandanna personal life ni Events lo use cheyadam
Endhuku ra babu e cheap stunts
collections ravali ante ma hero personal life lagadam pic.twitter.com/GIDfGRtENy
ಶೌರ್ಯುವ್ ನಿರ್ದೇಶನದ ನಾನಿ ಮತ್ತು ಮೃಣಾಲ್ ಠಾಕೂರ್ ಅಭಿನಯದ ʻಹಾಯ್ ನಾನ್ನʼ (Hi Nanna Trailer) ಚಿತ್ರ ಡಿಸೆಂಬರ್ 7 ರಂದು ತೆರೆಗೆ ಬರಲಿದೆ. ಹಾಯ್ ನಾನ್ನ ಎಂಬ ತೆಲುಗು ಸಾಲಿನ ಅರ್ಥ ‘ಹಾಯ್ ಅಪ್ಪ’ ಎಂಬುದಾಗಿದೆ. ಸೌತ್ ಭಾಷೆಯಲ್ಲಿ ಒಂದೇ ಟೈಟಲ್ ಇರಲಿ ಎಂಬ ಉದ್ದೇಶದಿಂದ ಚಿತ್ರತಂಡ ಕನ್ನಡ, ತಮಿಳು, ಮಲಯಾಳಂ ಭಾಷೆಯಲ್ಲಿಯೂ ಹಾಯ್ ನಾನ್ನ ಎಂದೇ ಶೀರ್ಷಿಕೆ ಫಿಕ್ಸ್ ಮಾಡಿದೆ. ನಾನಿ ಜೋಡಿಯಾಗಿ ‘ಸೀತಾ ರಾಮಂ’ ಖ್ಯಾತಿಯ ಮೃಣಾಲ್ ಠಾಕೂರ್ ತೆರೆ ಹಂಚಿಕೊಳ್ಳುತ್ತಿದ್ದಾರೆ. ಶ್ರುತಿ ಹಾಸನ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ: Rashmika Mandanna: ವೈರಲ್ ಆಯ್ತು ರಶ್ಮಿಕಾಳ ಮತ್ತೊಂದು ಡೀಪ್‌ಫೇಕ್ ವಿಡಿಯೋ!
ರಾಣಿಯಿಲ್ಲದ ರಾಜನ ಕಥೆಯನ್ನು ತನ್ನ ಮಗುವಿಗೆ ಹೇಳುವ ಮೂಲಕ ಟ್ರೈಲರ್‌ ಅನಾವರಣಗೊಂಡಿದೆ. ಟ್ರೈಲರ್‌ ನೋಡಿದಾಗ ಅನೇಕ ವಿಚಾರಗಳ ಸುಳಿವು ನೀಡುವಂತಿದೆ. ಮೆಗಾಸ್ಟಾರ್ ಚಿರಂಜೀವಿ ಆಶೀರ್ವಾದೊಂದಿಗೆ ಕಿಕ್ ಸ್ಟಾರ್ಟ್ ಸಿಕ್ಕಿರುವ ನಾನಿ 30ನೇ ಸಿನಿಮಾವನ್ನು, ಶೌರ್ಯುವ್ ಈ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ನಿರ್ದೇಶಕನಾಗಿ ಇದು ಇವರ ಮೊದಲ ಸಿನಿಮಾವಾಗಿದೆ. ಎಮೋಶನಲ್ ಫ್ಯಾಮಿಲಿ ಎಂಟರ್‌ಟೇನ್ಮೆಂಟ್ ಸಬ್ಜೆಕ್ಟ್ ಒಳಗೊಂಡ ಈ ಚಿತ್ರ ಅಪ್ಪ-ಮಗಳ ಬಾಂಧವ್ಯದ ಸುತ್ತ ಹೆಣೆಯಲಾದ ವಿಭಿನ್ನ ಕಥಾಹಂದರ ಒಳಗೊಂಡಿದೆ.