ಬೆಂಗಳೂರು : ಇಂಗ್ಲೆಂಡ್‌ನಲ್ಲಿ ಸಾರ್ವಕಾಲಿಕ ಅತಿ ಹೆಚ್ಚಿನ ಗಳಿಕೆ ಕಂಡ ತಮಿಳು ಸಿನಿಮಾ ಎಂದರೆ ವಿಕ್ರಮ್‌. ಚಿತ್ರದ ಸಕ್ಸಸ್‌ ಬಳಿಕ ಕಮಲ್ ಹಾಸನ್ ನಿರ್ದೇಶಕರಿಗೆ ಪತ್ರ ಬರೆದು ಸಂತಸವನ್ನು ವ್ಯಕ್ತಪಡಿಸಿದ್ದರು. ಅಷ್ಟೇ ಅಲ್ಲದೇ ಜೂನ್ 7ರಂದು ಕಮಲ್ ಹಾಸನ್, ನಿರ್ದೇಶಕ ಲೋಕೇಶ್ ಕನಕರಾಜ್ ಅವರಿಗೆ ಲೆಕ್ಸನ್ ಇಎಸ್ 300ಹೆಚ್ ಕಾರೊಂದನ್ನು ಉಡುಗೊರೆಯಾಗಿ ನೀಡಿದ್ದರು. ಮಾರನೇ ದಿನ ನಟ ಸೂರ್ಯ ಅವರಿಗೆ ರೋಲೆಕ್ಸ್‌ ಕೈಗಡಿಯಾರವನ್ನು ಕೊಡುಗೆಯಾಗಿ ನೀಡಿದ್ದರು.
ಈ ಚಿತ್ರ ಮೂರೇ ದಿನಕ್ಕೆ 175 ಕೋಟಿ ಗಳಿಸಿ ಮುನ್ನುಗ್ಗಿತ್ತು. ಈ ವರ್ಷ ಕರ್ನಾಟಕದ ಬಾಕ್ಸ್‌ ಅಫೀಸ್‌ನಲ್ಲಿ ಅತಿ ಹೆಚ್ಚು ಕಲೆಕ್ಷನ್‌ ಮಾಡಿದ ತಮಿಳು ಸಿನಿಮಾ ಎನ್ನುವ ಖ್ಯಾತಿ ವಿಕ್ರಮ್‌ಗೆ ಇದೆ. ಈ ಸಿನಿಮಾದಲ್ಲಿ ಕಮಲ್ ಹಾಸನ್ ಜತೆಗೆ ಫಹಾದ್‌ ಫಾಸಿಲ್‌, ವಿಜಯ್‌ ಸೇತುಪತಿ ಹಾಗೂ ಸೂರ್ಯ ಕೂಡ ನಟಿಸಿದ್ದಾರೆ.
ಇದನ್ನೂ ಓದಿ | ಕಮಲ್ ಹಾಸನ್ ನಟನೆಯ ವಿಕ್ರಮ್‌ ಚಿತ್ರಕ್ಕೆ ಸಿಕ್ಕಿತು ಪ್ರಮಾಣ ಪತ್ರ
ಖಡಕ್‌ ಲುಕ್‌ನೊಂದಿಗೆ ಎಂಟ್ರಿ ಆದ ಸೂರ್ಯ
ಸಿನಿಮಾ ರಿಲೀಸ್‌ ಆಗಿರುವ ಮೊದಲು ಸೂರ್ಯ ಸಿನಿಮಾದಲ್ಲಿ ಇರುವರಾ ಎಂದು ಸಾಕಷ್ಟು ಕುತೂಹಲವನ್ನು ಚಿತ್ರತಂಡ ಸೃಷ್ಟಿ ಮಾಡಿತ್ತು. ಆದರೆ ಸಿನಿಮಾದಲ್ಲಿ ಕೊನೆಗೆ ರಿವೀಲ್‌ ಆಗುವ ಸೂರ್ಯನ ಲುಕ್‌ಗೆ ಫ್ಯಾನ್‌ಗಳು ಫಿದಾ ಆಗಿದ್ದಾರೆ. ʼಡೋಂಟ್‌ ಕಾಲ್‌ ಮಿ ರೋಲೆಕ್ಸ್‌ , ಕಾಲ್‌ ಮಿ ಸರ್‌ ʼಎನ್ನುವ ಡೈಲಾಗ್‌ ಮೂಲಕ ಮಿಂಚಿದ್ದರು. ಟ್ವೀಟ್‌ನಲ್ಲಿ ಹ್ಯಾಷ್‌ಟ್ಯಾಗ್‌ ರೋಲೆಕ್ಸ್‌ ಎಂದು ಅಭಿಮಾನಿಗಳು ಖುಷಿಯನ್ನು ವ್ಯಕ್ತಪಡಿಸಿದ್ದರು.
ಇದನ್ನೂ ಓದಿ | ನಿರ್ದೇಶಕನಿಗೆ ʼಲೈಫ್‌ ಟೈಮ್‌ ಸೆಟಲ್‌ಮೆಂಟ್‌ʼ ಮಾಡಿದ ಕಮಲ್ ಹಾಸನ್
ಹೆಚ್ಚಾಗಿ ಈ ಸಿನಿಮಾದಲ್ಲಿ ಸೂರ್ಯ ಅವರ ಟೆರಿಫಯಿಂಗ್‌ ಲುಕ್‌ಗೆ ಫ್ಯಾನ್‌ ಮನಸೋತಿದ್ದರು. ಇದೀಗ ಮೇಕಪ್‌ ಕಲಾವಿದೆ ಸೆರಿನಾ ಟಿಕ್ಸೆರಾ ಅವರೊಂದಿಗೆ ಸೂರ್ಯ ಅವರು ರೋಲೆಕ್ಸ್‌ ಲುಕ್‌ನಲ್ಲಿ ಇರುವ ಚಿತ್ರವನ್ನು ಬಿಟಿಎಸ್‌ ಹಂಚಿಕೊಂಡಿದ್ದಾರೆ.
ಚಿತ್ರದಲ್ಲಿ ಕಮಲ್ ಹಾಸನ್ ಪಾತ್ರದ ಏಜೆಂಟ್‌ ವಿಕ್ರಮ್‌ ಅವರನ್ನು ಹಿಂಬಾಲಿಸುವ ಡ್ರಗ್‌ ಕ್ರೈಮ್‌ ಸಿಂಡಿಕೇಟ್‌ನ ಕಿಂಗ್‌ಪಿನ್‌ನ ವಿರೋಧಿ ರೋಲೆಕ್ಸ್‌ ಪಾತ್ರವನ್ನು ಸೂರ್ಯ ನಿರ್ವಹಿಸಿದ್ದಾರೆ. ಸೂರ್ಯ ಕೇವಲ 5 ನಿಮಿಷಗಳು ಮಾತ್ರ ಪಾತ್ರ ನಿರ್ವಹಿಸಿದ್ದರು. ಇದು ಅಭಿಮಾನಿಗಳನ್ನು ಮೆಚ್ಚಿಸಿತ್ತು.
ಇದನ್ನೂ ಓದಿ| Movie Review: Vikram | ತೆರೆಯ ಮೇಲೆ ಘಟಾನುಘಟಿಗಳ ತ್ರಿವಿಕ್ರಮ, ಕ್ಷಣ ಕ್ಷಣವೂ ರೋಚಕ