ಬೆಂಗಳೂರು: ತುಕಾಲಿ ಸಂತು (BBK SEASON 10) ಸದ್ಯ ವಿನಯ್ ಗೌಡ ಅವರ ಟೀಂನಿಂದ ಆಚೆ ಬಂದಿದ್ದಾರೆ. ಮೊದಲಿಂದಲೂ ವಿನಯ್ ಟೀಂನಲ್ಲಿಯೇ ಗುರುತಿಸಿಕೊಂಡಿದ್ದರು. ಬಳಿಕ ವಿನಯ್ ಟೀಂನ ಕೆಲವು ವಿಷಯಗಳು ತಮ್ಮ ಗಮನಕ್ಕೆ ಬಂದ ಮೇಲೆ ಅಲ್ಲಿಂದ ಹೊರಗೆ ಬಂದರು. ಇದೀಗ ಪ್ರತಾಪ್, ವರ್ತೂರ್‌ ಹಾಗೂ ತುಕಾಲಿ, ನೀತು ಅವರದ್ದೇ ಒಂದು ಗುಂಪಾಗಿದೆ. ಇದನ್ನ ಗಮನಿಸಿದ ವಿನಯ್.. ತುಕಾಲಿ ಸಂತುಗೆ ‘ಕೆಟ್ಟ ಹುಳ’ ಎಂದಿದ್ದಾರೆ. ತುಕಾಲಿ ಸಂತು ಅವರ ಗೇಮ್ ಪ್ಲಾನ್‌ ಬಗ್ಗೆ ಸ್ನೇಹಿತ್ ಜತೆ ವಿನಯ್ ಮಾತನಾಡಿದ್ದಾರೆ. ಅಷ್ಟೇ ಅಲ್ಲ ಇಂದಿನ ಪ್ರೋಮೊದಲ್ಲಿ ತುಕಾಲಿಗೂ ಹಾಗೂ ವಿನಯ್‌ಗೂ ಕ್ಯಾಪ್ಟನ್ಸಿ ಟಾಸ್ಕ್ ಯಾರು ಆಡಬೇಕು ಎಂಬ ವಿಚಾರಕ್ಕೆ ಜೋರಾಗಿಯೇ ಜಗಳವಾಡಿದ್ದಾರೆ.
ತುಕಾಲಿ ‘ಕೆಟ್ಟ ಹುಳ’ ಎಂದ ವಿನಯ್
ಸ್ನೇಹಿತ್ ಮೊದಲಿಗೆ ವಿನಯ್ ಜತೆ ಮಾತನಾಡಿ ʻʻಸಂತು ಏನು ಖರಾಬು ಗೇಮ್ ಆಡ್ತಿದ್ದಾರೆ ಅಲ್ವಾ? ಇಲ್ಲಿಂದ ದೂರಾದ್ಮೇಲೆ ಬೇರೆ ಆಪ್ಷನ್ ಇಲ್ಲ. ಬಕೆಟ್ ಹಿಡಿಯಲೇಬೇಕು ಅಂತ ಬಕೆಟ್ ಹಿಡಿಯುತ್ತಿದ್ದಾರೆʼʼಎಂದರು. ವಿನಯ್ ಮಾತನಾಡಿ ʻ ಕೆಟ್ಟ ಹುಳ ಅವನು. ಇಷ್ಟು ದಿನ ಪ್ರತಾಪ್ ಅಂದ್ರೆ ಅವನಿಗೆ ಒಂಥರಾ ಉರಿ ಇತ್ತು. ಪ್ರತಾಪ್‌ನ ನಾವು ಯಾವಾಗ ಹೊಗಳಲು ಆರಂಭಿಸಿದ್ವೋ, ಸೀದಾ ಹೋಗಿ ಬಕೆಟ್ ಹಿಡಿದುಬಿಟ್ಟʼʼಎಂದರು.
ಕಿಡಿ ಹಚ್ಚಿದ ವಿನಯ್
ತುಕಾಲಿ ಸಂತು ಅವರನ್ನ ನಾಮಿನೇಟ್ ಮಾಡಿದ್ದು ಸಿರಿ, ನೀತು ಮತ್ತು ಇಶಾನಿ. ಈ ಬಗ್ಗೆ ಮಾರನೇ ದಿನ ಪ್ರಶ್ನೆ ಮಾಡಿ ಕಿಡಿ ಹಚ್ಚಿದ್ದು ವಿನಯ್. ತುಕಾಲಿ ಸಂತು ಹಾಗೂ ನೀತು ಮಧ್ಯೆ ಮನಸ್ತಾಪ ತರಲು ವಿನಯ್ ಯತ್ನಿಸಿದರು. ಸಿರಿ ಹಾಗೂ ನೀತು ಮಧ್ಯೆ ಈ ವಿಚಾರವಾಗಿ ಚರ್ಚೆಗಳೂ ಆದವು. ಅಡುಗೆ ಮನೆಯಲ್ಲಿ ಇಷ್ಟೆಲ್ಲಾ ಗಲಾಟೆ ಆಗುತ್ತಿರುವಾಗ.. ಹೊರಗಡೆ ಬಂದು ‘’ಎಲ್ಲ ಪರಿಹಾರ ಆಗಿತ್ತು. ನಾನು ಇನ್ನೊಂದು ಪ್ರಶ್ನೆ ಕೇಳಿದೆ. ಹೊತ್ತಿಕೊಳ್ತು’’ ಎಂದರು ವಿನಯ್. ಅದಕ್ಕೆ ವಿನಯ್‌ಗೆ ‘’ಕಿಡಿ ಕುಮಾರ್’’ ಎಂದರು ಕಾರ್ತಿಕ್.
ಇದನ್ನೂ ಓದಿ: BBK SEASON 10: ಪ್ರಾಣ ಸ್ನೇಹಿತರು ಮೂರು ದಿಕ್ಕುಗಳ ಪಾಲು; ಸಂಗೀತಾ ಹಾರ್ಟ್‌ ಬ್ರೇಕ್‌!
ತುಕಾಲಿಗೂ ವಿನಯ್‌ಗೂ ವಾರ್‌
ವೀಕೆಂಡ್ ಬಂತು ಅಂದ್ರೆ ಕ್ಯಾಪ್ಟನ್ಸಿ ಟಾಸ್ಕ್‌ನ ಬಿಸಿ ಬಿಗ್ಬಾಸ್ ಮನೆಯಲ್ಲಿ ಏರಲು ಶುರುವಾಗುತ್ತದೆ. ಕ್ಯಾಪ್ಟನ್ಸಿ ಟಾಸ್ಕ್‌ನಲ್ಲಿ ಯಾರು ಭಾಗವಹಿಸಬೇಕು? ಯಾರು ಯಾರನ್ನು ಸಪೋರ್ಟ್‌ ಮಾಡಬೇಕು? ಲೆಕ್ಕಾಚಾರ ಹೇಗಿರಬೇಕು ಇವೆಲ್ಲ ಚರ್ಚೆಗಳಲ್ಲಿಯೇ ಸ್ಫರ್ಧಿಗಳು ತಲ್ಲೀನರಾಗುತ್ತಿದ್ದರು. ಆದರೆ ಈ ಸಲ ಕ್ಯಾಪ್ಟನ್ಸಿ ಟಾಸ್ಕ್‌ಗೆ ಬಿಗ್ಬಾಸ್ ಒಂದು ಸಣ್ಣ ಟ್ವಿಸ್ಟ್ ಕೊಟ್ಟಿದ್ದಾರೆ. ಕ್ಯಾಪ್ಟನ್ಸಿ ಟಾಸ್ಕ್ ಅನ್ನು ಯಾವ ಐದು ಸ್ಪರ್ಧಿಗಳು ಆಡಬೇಕು ಎಂದು ನೀವೇ ನಿರ್ಧರಿಸಿಕೊಳ್ಳಿ ಎಂದು ಹೇಳಿದ್ದಾರೆ! ನಮ್ರತಾ, ಸಿರಿ, ಕಾರ್ತಿಕ್, ಪ್ರತಾಪ್, ವರ್ತೂರು ಈ ಐವರು ಕ್ಯಾಪ್ಟನ್ಸಿ ಆಡಬೇಕು ಎಂದು ಮನೆಯ ಸದಸ್ಯರು ವೋಟಿಂಗ್ ಮೂಲಕ ಆರಿಸಿದ್ದಾರೆ. ಆದರೆ ತುಕಾಲಿ ಸಂತೋಷ್ ಅವರಿಗೆ ಈ ವೋಟಿಂಗ್ ಬಗ್ಗೆ ಆಕ್ಷೇಪವಿದೆ.
ಈ ವೇಳೆ ತುಕಾಲಿ ಸಂತು ಧ್ವನಿ ರೈಸ್‌ ಮಾಡಿ ʻʻಕರೆಕ್ಟ್‌ ಆಗಿ ವೋಟಿಂಗ್ ಆಗಿಲ್ಲ. ನಾವು ಭಾಗವಹಿಸಬೇಕು ಎಂದು ಇರುತ್ತದೆʼʼಎಂದರು. ವಿನಯ್ ಅವರು ಈ ಮಾತಿಗೆ ʻʻತುಕಾಲಿ ನೀವು ಆಡಿರುವುದು ಒಂದೇ ಟಾಸ್ಕ್ʼʼಎಂದರು. ತುಕಾಲಿ ಮತ್ತೆ ಜೋರಾಗಿ ʻʻಆಡಿರೋ ಗೇಮ್‌ನಲ್ಲಿ ನಾನು ಪ್ರೂವ್‌ ಮಾಡಿದ್ದೀನಿ. ನಿಮ್ಮ ಪರ್ಸನಲ್‌ ಸಜೇಷನ್ ಇನ್ನೊಬ್ಬರಿಗೆ ಚುಚ್ಚುವ ತರಹ ಇರಬಾರದು. ಯಾರಿಂದಲೂ ನಾನು ಕಲಿಬೇಕಾಗಿಲ್ಲʼʼ ಎಂದು ಕೂಗಿದ್ದಾರೆ. ಇಂದಿನ ಸಂಚಿಕೆಯಲ್ಲಿ ತುಕಾಲಿ ಸಂತುಗೆ ಕ್ಯಾಪ್ಟನ್ಸಿ ಟಾಸ್ಕ್ ಅವಕಾಶ ಸಿಗತ್ತಾ? ಸಿಗಲ್ವಾ? ಎನ್ನುವುದು ಗೊತ್ತಾಗಲಿದೆ.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ