ಬೆಂಗಳೂರು: ಬಿಗ್‌ ಬಾಸ್‌ ಸೀಸನ್‌ 10ರಲ್ಲಿ (BBK SEASON 10) ಯಾವಾಗ ಡ್ರೋನ್ ಪ್ರತಾಪ್ ಅವರಿಗೆ ಅತ್ಯಧಿಕ ವೋಟ್‌ ಬಂದಿತು ಎಂದು ತಿಳಿಯಿತೋ ಅಲ್ಲಿಂದ ವಿನಯ್ ಗ್ರೂಪ್‌ ತಲೆ ಕಡೆಸಿಕೊಂಡಿದೆ. ಇನ್ನು ನಮ್ರತಾ ಕೂಡ ಪ್ರತಾಪ್ ವಿಚಾರವಾಗಿ ಸಹಿಸಲಿಲ್ಲ. ಇದೀಗ ‘ಪ್ರತಾಪ್ ಅವರು ಬೇರೆಯವರನ್ನು ಕೀಳಾಗಿ ತೋರಿಸಿ ಇಲ್ಲಿಯವರೆಗೂ ಬಂದಿದ್ದಾರೆ’ ಎಂದು ವಿನಯ್ (Vinay Gowda) ಆರೋಪಿಸಿದ್ದಾರೆ.
ಆರಂಭಿದಿಂದಲೂ ಒಂದಲ್ಲ ಒಂದು ಪ್ರತಾಪ್ ವಿಚಾರವಾಗಿ ವಿನಯ್ ಆರೋಪ ಮಾಡಿಕೊಂಡು ಬರುತ್ತಲೇ ಇದ್ದರು. ಪ್ರತಾಪ್ ಹೆಣ್ಮಕ್ಕಳನ್ನು ಕೆಟ್ಟ ದೃಷ್ಟಿಯಿಂದ ನೋಡ್ತಾನೆ ಎಂದು ವಿನಯ್ ಈ ಮುಂಚೆ ಆರೋಪಿಸಿದ್ದರು. ಇದಕ್ಕೆ ಕಿಚ್ಚ ಕೂಡ ವಿನಯ್ ಅವರಿಗೆ ಕ್ಲಾಸ್‌ ತೆಗೆದುಕೊಂಡಿದ್ದರು. ಇಷ್ಟೆಲ್ಲ ಆದ ಮೇಲೆ ಪ್ರತಾಪ್‌ಗೆ ತಮ್ಮ ಟೀಂ ಸೇರಿಕೊಳ್ಳಬಹುದು ಎಂದು ವಿನಯ್ ಕೂಲ್‌ ಆಗಿ ಹೇಳಿದ್ದೂ ಇದೆ. ಆದರೀಗ ವೀಕೆಂಡ್‌ ಪಂಚಾಯಿತಿಯಲ್ಲಿ ಪ್ರತಾಪ್‌ಗೆ ಹೆಚ್ಚು ವೋಟ್‌ ಬಂದ ಕಾರಣ ವಿನಯ್ ಅವರು ಟಾರ್ಗೆಟ್‌ ಮಾಡಲು ಆರಂಭಿಸಿರುವಂತಿದೆ.
8ನೇ ವಾರದ ನಾಮಿನೇಷನ್ನಲ್ಲಿ ಮತ್ತೆ ಬಹಿರಂಗ ಆಗಿದೆ. ಎಲಿಮಿನೇಷನ್ಗೆ ಸ್ಪರ್ಧಿಗಳ ಹೆಸರನ್ನು ನಾಮಿನೇಟ್ ಮಾಡುವಾಗ ಪ್ರತಾಪ್ ಅವರ ಹೆಸರನ್ನು ವಿನಯ್ ಪ್ರಸ್ತಾಪಿಸಿದ್ದಾರೆ. ‘ಪ್ರತಾಪ್ ಅವರು ಬೇರೆಯವರನ್ನು ಕೀಳಾಗಿ ತೋರಿಸಿ ಇಲ್ಲಿಯವರೆಗೂ ಬಂದಿದ್ದಾರೆ’ ಎಂದು ವಿನಯ್ ಆರೋಪಿಸಿದ್ದಾರೆ. ಇದಕ್ಕೆ ಡ್ರೋನ್ ಪ್ರತಾಪ್ ಯಾವ ರೀತಿ ಪ್ರತಿಕ್ರಿಯೆ ನೀಡುತ್ತಾರೆ ಎಂಬುದನ್ನು ಕಾದು ನೋಡಬೇಕು.
ಇದನ್ನೂ ಓದಿ: BBK SEASON 10: ಬಿಗ್‌ ಬಾಸ್‌ ಮನೆಗೆ ಕಾಲಿಟ್ಟ ʻಪವಿ ಪೂವಪ್ಪʼ ಬೋಲ್ಡ್‌ ಪೋಟೊಸ್‌ ವೈರಲ್‌!
ಈ ವಾರ ಮನೆಗೆ ವೈಲ್ಡ್‌ ಕಾರ್ಡ್‌ ಎಂಟ್ರಿ ಕೂಡ ಇದೆ. ನಟ, ಮಾಡೆಲ್, ಕ್ರಿಕೆಟರ್ ಅವಿನಾಶ್ ಶೆಟ್ಟಿ ಕೂಡ ದೊಡ್ಮನೆಗೆ ಬಂದಿದ್ದಾರೆ .ಮಾಡೆಲ್ ಆಗಿ ಗುರುತಿಸಿಕೊಂಡಿರುವ ಪೂವಪ್ಪ ಅವರು ದೊಡ್ಮನೆಗೆ ಬರಲಿದ್ದಾರೆ ಎಂದು ವರದಿಯಾಗಿದೆ. ಇವರಿಬ್ಬರಿಗೂ ಬಿಗ್‌ ಬಾಸ್‌ ಒಂದು ವಿಶೇಷ ಅಧಿಕಾರ ಕೊಟ್ಟರುವುದು ಪ್ರೋಮೊದಲ್ಲಿ ಗಮನಿಸಬಹುದು. ಇಬ್ಬರೂ ಎರಡು ಸ್ಪರ್ಧಿಗಳನ್ನು ಸೇವ್‌ ಮಾಡಬಹುದು. ನಾಮಿನೇಟ್ ಆದ ಸದಸ್ಯರು ವೈಲ್ಡ್‌ ಕಾರ್ಡ್‌ ಸದಸ್ಯರಿಗೆ ಮನವಿ ಮಾಡಿಕೊಂಡಿದ್ದಾರೆ. ಈ ವಾರ ಯಾರು ನಾಮಿನೇಟ್ ಆಗಲಿದ್ದಾರೆ, ಯಾರು ಸೇವ್‌ ಆಗಬಹುದು ಎಂಬುದು ಇಂದಿನ ಸಂಚಿಕೆಯಲ್ಲಿ ಗೊತ್ತಾಗಲಿದೆ.