ಬೆಂಗಳೂರು: ನಿರ್ದೇಶಕ ವಿವೇಕ್ ಅಗ್ನಿಹೋತ್ರಿ (Vivek Agnihotri) ಅವರು ಸೂಪರ್‌ಸ್ಟಾರ್‌ ಶಾರುಖ್ ಖಾನ್ (Shah Rukh Khan) ಬಾಲಿವುಡ್‌ವನ್ನು ನಾಶ ಮಾಡಿದ್ದಾರೆ ಎಂದು ಆರೋಪಿಸಿದ್ದಾರೆ. ಇತ್ತೀಚಿನ ಸಂದರ್ಶನವೊಂದರಲ್ಲಿ, ವಿವೇಕ್ ಅಗ್ನಿಹೋತ್ರಿ ʻʻನಾನು ಶಾರಖ್‌ ಅವರನ್ನು ಇಷ್ಟಪಡುತ್ತಿದ್ದರೂ, ಅವರ ರಾಜಕೀಯವನ್ನು ಒಪ್ಪುವುದಿಲ್ಲʼʼ ಎಂದು ಹಂಚಿಕೊಂಡಿದ್ದಾರೆ. ಕಿಂಗ್ ಖಾನ್ ಬಾಲಿವುಡ್‌ನಲ್ಲಿ ʻʻಹೈಪ್, ಗ್ಲಾಮರ್ ಮತ್ತು ಸ್ಟಾರ್‌ಡಮ್’ ಎಲ್ಲವನ್ನೂ ಮಾಡಿದ್ದಾರೆ ಎಂದು ಅವರು ಹೇಳಿದ್ದಾರೆ.
ನಿರ್ದೇಶಕ ವಿವೇಕ್ ಅಗ್ನಿಹೋತ್ರಿ ಮಾತನಾಡಿ ʻನಾನು ಎಸ್‌ಆರ್‌ಕೆ ಅವರ ಅಭಿಮಾನಿ ಎಂದರೆ ನೀವು ನಂಬುತ್ತೀರಾ? ಅವರಷ್ಟು ವರ್ಚಸ್ಸು ಯಾರಿಗೂ ಇಲ್ಲ. ಇದನ್ನೂ ನಾನು ಯಾವಾಗಲೂ ಹೇಳುತ್ತಿರುತ್ತೇನೆ. ಆದರೆ, ಶಾರುಖ್ ಖಾನ್ ಮಾಡುವ ರಾಜಕೀಯ ನನಗೆ ಇಷ್ಟವಿಲ್ಲ. ಬಾಲಿವುಡ್‌ ಇಂಡಸ್ಟ್ರಿಯನ್ನು ನಾಶಮಾಡಲು ಅವರೇ ಕಾರಣ ಎಂದು ನಾನು ಭಾವಿಸುತ್ತೇನೆ. ಅವರು ಬಾಲಿವುಡ್‌ನಲ್ಲಿ ಎಲ್ಲವನ್ನೂ ನಾಶಪಡಿಸಿದ್ದಾರೆ. ಈಗ, ಇದು ಕೇವಲ ಪಿ ಆರ್‌ ಪ್ರಚಾರ, ಗ್ಲಾಮರ್ ಮತ್ತು ಸ್ಟಾರ್‌ಡಮ್… ಸ್ಟಾರ್‌ಡಮ್ ಅಲ್ಲದ ಯಾವುದನ್ನೂ ಸ್ವೀಕರಿಸುವುದಿಲ್ಲ ʼʼಎಂದು ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: Vivek Agnihotri | ವಿವೇಕ್ ಅಗ್ನಿಹೋತ್ರಿಯ ʻದಿ ವ್ಯಾಕ್ಸಿನ್ ವಾರ್ʼ ಸಿನಿಮಾ ಸೆಟ್‌ನಲ್ಲಿ ಅನುಪಮ್‌ ಖೇರ್‌
ನಿರ್ದೇಶಕ ವಿವೇಕ್ ಅಗ್ನಿಹೋತ್ರಿ ಮಾತು ಮುಂದುವರಿಸಿ ʻʻನಾನು ಜನರ ಸಿನಿಮಾ ಮಾಡುತ್ತೇನೆ. ಆದರೆ ಶಾರುಖ್ ಬಾಕ್ಸ್ ಆಫೀಸ್ ಚಿತ್ರ ಮಾಡುತ್ತಾರೆ. ಅವರ ಚಿತ್ರ ಯಶಸ್ವಿಯಾದಾಗ, ಅದು ಯಶಸ್ವಿಯಾದ ಶಾರುಖ್ ಖಾನ್ ಚಿತ್ರ ಎಂದೆನಿಸಿಕೊಳ್ಳುತ್ತದೆ. ನನ್ನ ಸಿನಿಮಾ ಯಶಸ್ವಿಯಾದರೆ ಅದು ಜನರ ಸಿನಿಮಾ ಎಂದೆನಿಸಿಕೊಳ್ಳುತ್ತದೆ. ಆದ್ದರಿಂದ, ನಾವು ಎರಡು ವಿಭಿನ್ನ ಧ್ರುವಗಳ ಮೇಲೆ ನಿಂತಿದ್ದೇವೆ. ಒಂದು ಉತ್ತರ ಧ್ರುವ ಮತ್ತು ದಕ್ಷಿಣ ಧ್ರುವ. ಶಾರುಖ್ ಅವರನ್ನು ತುಂಬ ಪ್ರೀತಿಸುತ್ತೇನೆ. ಅದು ಹೇಗೆಂದರೆ ನಿಮ್ಮ ತಂದೆ ಮತ್ತು ಸಹೋದರನಂತೆ. ತಂದೆ ಪೊಲೀಸ್ ಅಧಿಕಾರಿ ಹಾಗೇ ಸಹೋದರ ಸ್ಮಗ್ಲರ್‌. ಹಾಗೇ ನನ್ನ ಶಾರುಖ್ ಸಂಬಂಧದಲ್ಲಿ ಯಾರು ಪೊಲೀಸ್ ಅಧಿಕಾರಿ ಮತ್ತು ಸ್ಮಗ್ಲರ್‌ ಯಾರು ಎಂಬುದನ್ನು ಈಗ ನೀವೇ ನಿರ್ಧರಿಸಿʼʼಎಂದು ಮಗುಳ್ನಕ್ಕಿದ್ದಾರೆ.
ಇದನ್ನೂ ಓದಿ; Vivek Agnihotri: ನನ್ನ ಬದುಕು ಶೋಚನೀಯ, ಮಗಳ ಫೋಟೊವನ್ನೂ ಕದ್ದರು: ವಿವೇಕ್ ಅಗ್ನಿಹೋತ್ರಿ
ಶಾರುಖ್ ಜತೆ ಮುಂದೆ ಯಾವಾಗಲಾದರೂ ಕೆಲಸ ಮಾಡುತ್ತೀರಾ ಎಂಬ ಪ್ರಶ್ನೆಗೆ ʻ “ಶಾರುಖ್ ಖಾನ್ ನನ್ನ ರೀತಿಯಲ್ಲಿ ಕೆಲಸ ಮಾಡಲು ಸಿದ್ಧರಿದ್ದರೆ, ನನಗೆ ಯಾವುದೇ ಸಮಸ್ಯೆ ಇಲ್ಲ. ಆದರೆ, ಅವರು ನನ್ನ ಚಿತ್ರದಲ್ಲಿ ಕೆಲಸ ಮಾಡುತ್ತಿದ್ದರೆ, ಬರಹಗಾರ ಮತ್ತು ನಿರ್ದೇಶಕರು ಮುಂದೆ ಇದ್ದು, ಅವರು ಹಿಂದೆಯಿಂದ ಕೆಲಸ ಮಾಡಿದ್ದರೆ ಅವರು ಖಂಡಿತ ಒಪ್ಪಿಕೊಳ್ಳುವುದಿಲ್ಲ. ಹಾಗಾಗಿ ಅವರು ನನ್ನೊಂದಿಗೆ ಎಂದಿಗೂ ಕೆಲಸ ಮಾಡುವುದಿಲ್ಲʼʼಎಂದು ಫುಲ್‌ಸ್ಟಾಪ್‌ ಇಟ್ಟಿದ್ದಾರೆ.