ಬೆಂಗಳೂರು: ʻವೀಕೆಂಡ್ ವಿತ್ ರಮೇಶ್’ (Weekend With Ramesh) ಸೀಸನ್-5 ದಿನಗಣನೆ ಆರಂಭಗೊಂಡಿದೆ. ಮಾರ್ಚ್ 25ರಿಂದ ಪ್ರತಿ ಶನಿವಾರ ಹಾಗೂ ಭಾನುವಾರ ರಾತ್ರಿ 9 ಗಂಟೆಗೆ ಜೀ ಕನ್ನಡದಲ್ಲಿ ಪ್ರಸಾರವಾಗಲಿದೆ. ಕೆಲವು ದಿನಗಳಿಂದ ಸೀಸನ್ 5ರ ಮೊದಲ ಅತಿಥಿಯಾಗಿ ಯಾರು ಬರಬಹುದೆಂಬ ಚರ್ಚೆಗಳು ನಡೆಯುತ್ತಿದ್ದವು. ಇದೀಗ ರಮ್ಯಾ ಎಂಬುದು ದೃಢವಾಗಿದೆ. ಇದಕ್ಕೆ ಸಂಬಂಧಿಸಿದಂತೆ ಜೀ ಕನ್ನಡ ವಾಹಿನಿ ಹೊಸ ಪೋಸ್ಟರ್ ಹಂಚಿಕೊಂಡಿದೆ. ಇದನ್ನು ನೋಡಿ ನೋಡುಗರು ಕಮೆಂಟ್‌ ಮೂಲಕ ಖುಷಿ ಹಂಚಿಕೊಂಡಿದ್ದಾರೆ.
ಇಲ್ಲಿಯವರೆಗೂ 84 ಸಾಧಕರು ಕುರ್ಚಿಯ ಮೇಲೆ ಕೂತಿದ್ದು 110 ಸಂಚಿಕೆಗಳು ಪ್ರಸಾರವಾಗಿವೆ. ಸಾಧಕರ ಸೀಟ್ನಲ್ಲಿ ರಮ್ಯಾ ಕುಳಿತಿದ್ದಾರೆ. ಅವರ ಪಕ್ಕ ರಮೇಶ್ ಅರವಿಂದ್ ನಿಂತಿದ್ದಾರೆ. ಈ ಫೋಟೋವನ್ನು ಬ್ಲರ್ ಮಾಡಲಾಗಿದೆ. ಈ ಫೋಟೊಗೆ ಜೀ ಕನ್ನಡ ವಾಹಿನಿ, ‘ನಿಮ್ಮೆಲ್ಲ ಪ್ರಶ್ನೆ, ಕುತೂಹಲಗಳಿಗೆ ಉತ್ತರ ಕೊಡೋಕೆ ಬರ್ತಿರೋ ಬಹುನಿರೀಕ್ಷಿತ ಶೋನ 5ನೇ ಸೀಸನ್‌ನ ಮೊದಲ ಅತಿಥಿ ಯಾರು ಗೆಸ್ ಮಾಡಿ’ ಎಂದು ಬರೆದುಕೊಂಡಿದೆ. ಇದಕ್ಕೆ ಎಲ್ಲರೂ ಕಮೆಂಟ್‌ ಮೂಲಕ ಮೋಹಕತಾರೆ ರಮ್ಯಾ ಎಂದು ಹೇಳಿದ್ದಾರೆ. ಈಗಾಗಲೇ ರಮ್ಯಾ ಸಿನಿರಂಗಕ್ಕೆ ಕಮ್‌ ಬ್ಯಾಕ್‌ ಆಗಿದ್ದಾರೆ. ʻಅಭಿʼ ಚಿತ್ರದ ಮೂಲಕ ಬಣ್ಣದ ಲೋಕಕ್ಕೆ ಪದಾರ್ಪಣೆ ಮಾಡಿದರು. ಡಾಲಿ ಅವರ ʻಉತ್ತರಖಾಂಡʼ ಚಿತ್ರದ ಮೂಲಕ ಮತ್ತೆ ಸ್ಯಾಂಡಲ್‌ವುಡ್‌ಗೆ ಬಂದಿದ್ದಾರೆ.
ಜೀ ಕನ್ನಡ ಪೋಸ್ಟ್‌
ಇದನ್ನೂ ಓದಿ: Weekend With Ramesh: ಮಾ.25ರಿಂದ ʻವೀಕೆಂಡ್ ವಿತ್ ರಮೇಶ್’, ಅತಿಥಿಗಳ ಬಗ್ಗೆ ಪೂರ್ತಿ ಮಾಹಿತಿ ಇಲ್ಲಿದೆ
2019ರ ಜುಲೈ ತಿಂಗಳಿನಲ್ಲಿ ‘ವೀಕೆಂಡ್ ವಿತ್ ರಮೇಶ್ʼ 4’ ಕಾರ್ಯಕ್ರಮ ಮುಗಿದಿತ್ತು. ಇದಾದ ಬಳಿಕ ಹೊಸ ಸೀಸನ್ ಶುರುವಾಗಿಲ್ಲ. ‘’ವೀಕೆಂಡ್ ವಿತ್ ರಮೇಶ್ʼ ’ ಮತ್ತೆ ಯಾವಾಗ ಶುರುವಾಗುತ್ತದೆ ಎಂದು ವೀಕ್ಷಕರು ಕೇಳುತ್ತಲೇ ಇದ್ದಾರೆ. ‘’ವೀಕೆಂಡ್ ವಿತ್ ರಮೇಶ್ʼ ’ ಕಾರ್ಯಕ್ರಮದ ಮೊದಲ ಸೀಸನ್ 2014ರಲ್ಲಿ ಪ್ರಸಾರ ಕಂಡಿತ್ತು. ಎರಡನೇ ಸೀಸನ್ 2015-16ರಲ್ಲಿ, ಮೂರನೇ ಸೀಸನ್ 2017ರಲ್ಲಿ, 4ನೇ ಸೀಸನ್ 2019ರಲ್ಲಿ ಪ್ರಸಾರವಾಗಿತ್ತು.