ಬೆಂಗಳೂರು: ಬಾಲಿವುಡ್ ನಟ ವಿವೇಕ್ ಒಬೆರಾಯ್ ಅವರು ನಟಿ ಕರೀನಾ ಕಪೂರ್‌ (Kareena Kapoor) ಅವರ ಕುರಿತು ತಮಾಷೆಯ ಘಟನೆ ಒಂದನ್ನು ಹಂಚಿಕೊಂಡಿದ್ದಾರೆ. ಈ ಜೋಡಿ ಹಲವಾರು ಚಿತ್ರಗಳಲ್ಲಿ ಜತೆಯಾಗಿ ಕಾಣಿಸಿಕೊಂಡು ಜನಪ್ರಿಯವಾಗಿತ್ತು. ಕಾಲೇಜಿನಲ್ಲೂ ಜತೆಯಾಗಿ ಕಲಿತ ಕರೀನಾ ಬಗ್ಗೆ ವಿವೇಕ್ ಒಬೆರಾಯ್ ಕೆಲವೊಂದು ಮಹತ್ವದ ವಿಷಯ ಹೇಳಿದ್ದಾರೆ. ವಿವೇಕ್ ಕಾಲೇಜಿನಲ್ಲಿ ಕರೀನಾಗೆ ಸೀನಿಯರ್‌. ಆಗೆಲ್ಲ ಕರೀನಾಗೆ ಅಟೆಂಡೆನ್ಸ್‌ ಸಮಸ್ಯೆ ಆದಾಗ ಸರಿಪಡಿಸುತ್ತಿದುದೇ ತಾನು ಎಂದಿದ್ದಾರೆ ವಿವೇಕ್.
ಸಂದರ್ಶನವೊಂದರಲ್ಲಿ ಮಾತನಾಡಿರುವ ವಿವೇಕ್, ʻʻನಾನು ಮಿಥಿಬಾಯಿ ಕಾಲೇಜಿನಲ್ಲಿ ಕರೀನಾ ಅವರ ಸೀನಿಯರ್‌ ಆಗಿದ್ದೆ. ಆಗ ಕರೀನಾ ಅವರು ಹಾಜರಾತಿ ಸಮಸ್ಯೆಯನ್ನು ಎದರಿಸುತ್ತಿದ್ದರು. ಆಗ ಅವರಿಗೆ ನಾನು ಹೇಳಿದ್ದೇ, ಚಿಂತಿಸಬೇಡಿ ನಾನು ನಿಮ್ಮ ಜತೆ ಇದ್ದೇನೆ ಎಂದು. ನಾನು ಅವರ ವಿವರಗಳನ್ನು ತೆಗೆದುಕೊಂಡು ಅವರ ಒಟ್ಟೂ ಹಾಜರಾತಿಯ ಸಮಸ್ಯೆ ಬಗೆಹರಿಸಿದ್ದೆ. ನಂತರ ನನಗೆ ಕರೀನಾ ಕೇಳಿದರು, ಹೇಗೆ ಇದೆಲ್ಲ ಸಾಧ್ಯ ಎಂದು. ಖುಷಿಯಾಗಿರಿ, ಎಂದು ಸುಮ್ಮನಾಗಿಬಿಟ್ಟೆʼʼಎಂದು ಹೇಳಿದ್ದಾರೆ.
ಇದನ್ನೂ ಓದಿ | Stars Winter Fashion | ಲಂಡನ್‌ನಲ್ಲಿ ಕರೀನಾ-ಕರೀಷ್ಮಾ ಕಪೂರ್‌ ವಿಂಟರ್‌ ಫ್ಯಾಷನ್‌ ಮಂತ್ರ
ಕರೀನಾ ಮತ್ತು ವಿವೇಕ್ 2004ರಲ್ಲಿ ಬಿಡುಗಡೆಯಾದ ಮಣಿರತ್ನಂ ಅವರ ʻಯುವʼ ಸೇರಿದಂತೆ ಹಲವಾರು ಚಿತ್ರಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಎರಡನೇ ಚಿತ್ರ ವಿಶಾಲ್ ಭಾರದ್ವಾಜ್ ಅವರ ʻಓಂಕಾರʼದಲ್ಲಿಯೂ ಕಾಣಿಸಿಕೊಂಡಿದ್ದರು. ಇವರಿಬ್ಬರು ಕೊನೆಯದಾಗಿ ʻಕುರ್ಬಾನ್ʼ ಚಿತ್ರದಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದರು.
ನಟನೆ ಕುರಿತು ಮಾತನಾಡಿದ ನಟ ವಿವೇಕ್, ʻ“ನನಗೆ ಆಫರ್‌ಗಳು ಬರುತ್ತಿವೆ, ಜನರು ನನ್ನೊಂದಿಗೆ ಸಿನಿಮಾ ಬಗ್ಗೆ ಕೇಳುತ್ತಿರುತ್ತಾರೆʼʼ ಎಂದು ಹೇಳಿದರು. ವಿವೇಕ್ ಇತ್ತೀಚೆಗೆ ವೆಬ್-ಸರಣಿ ʻಧಾರಾವಿ ಬ್ಯಾಂಕ್‌ʼನಲ್ಲಿ ಸುನೀಲ್ ಶೆಟ್ಟಿ ಜತೆಗೆ ಕಾಣಿಸಿಕೊಂಡಿದ್ದರು.
ಇದನ್ನೂ ಓದಿ | ಕರೀನಾ ಕಪೂರ್‌ ಮೂರನೇ ಮಗುವಿನ ಸುದ್ದಿ, ನಾನೆಂಥ ಮೆಷಿನಾ ಅಂತ ಕೇಳಿದ್ರು ಸುಂದರಿ!