ಬೆಂಗಳೂರು: ಮಾಲಿವುಡ್‌ ಸ್ಟಾರ್ ದುಲ್ಕರ್ ಸಲ್ಮಾನ್ (Dulquer Salmaan) ಅಭಿನಯದ ಕಿಂಗ್ ಆಫ್ ಕೋಥಾ ಸಿನಿಮಾಗೆ ಅವರ ಅಭಿಮಾನಿಗಳು ಕಾಯುತ್ತಿದ್ದಾರೆ. ಪ್ರಸ್ತುತ ತಮಿಳುನಾಡಿನಲ್ಲಿ ಈ ಸಿನಿಮಾದ ಚಿತ್ರೀಕರಣದಲ್ಲಿದ್ದಾರೆ. ಈ ಚಿತ್ರವನ್ನು ಅಭಿಲಾಷ್ ಜೋಷಿ ನಿರ್ದೇಶಿಸಿದ್ದಾರೆ. ಜೀ ಜತೆಗೂಡಿ ದುಲ್ಕರ್ಸ್ ವೇಫೇರರ್ ಫಿಲ್ಮ್ಸ್ ನಿರ್ಮಿಸಿದ್ದಾರೆ. ಇತ್ತೀಚೆಗಷ್ಟೇ ಸೋಷಿಯಲ್ ಮೀಡಿಯಾದಲ್ಲಿ ನಡೆದ ಚಾಟ್‌ನಲ್ಲಿ ದುಲ್ಕರ್ ಕೆಲವು ಕುತೂಹಲಕಾರಿ ಸಂಗತಿಗಳನ್ನು ಬಹಿರಂಗಪಡಿಸಿದ್ದಾರೆ. ಕೆಜಿಎಫ್ ಸ್ಟಾರ್ ಯಶ್ ಅವರ ಬಗ್ಗೆ ಕೇಳಿದಾಗ, ʻʻಯಶ್ ಒಬ್ಬ ಅತ್ಯುತ್ತಮ ಹೋಸ್ಟ್ʼʼಎಂದು ಉತ್ತರಿಸಿದ್ದಾರೆ.
ಸೋಷಿಯಲ್ ಮೀಡಿಯಾದಲ್ಲಿ ನಡೆದ ಚಾಟ್‌ನಲ್ಲಿ ದುಲ್ಕರ್ ಹಲವು ವಿಚಾರಗಳ ಬಗ್ಗೆ ಮಾತನಾಡಿದ್ದಾರೆ. ಒಬ್ಬರು ಯಶ್ ಬಗ್ಗೆ ಹೇಳಿ ಎಂದಾಗ ದುಲ್ಕರ್ ʻʻಯಶ್ ಒಬ್ಬ ಅತ್ಯುತ್ತಮ ಹೋಸ್ಟ್. ಮೈಸೂರಿನಲ್ಲಿ ಚಿತ್ರೀಕರಣ ಮಾಡುವಾಗ, ಅಗತ್ಯಕ್ಕೂ ಹೆಚ್ಚಿನ ಫೂಡ್‌ ನನಗೆ ಮತ್ತು ನನ್ನ ತಂಡಕ್ಕೆ ಕಳುಹಿಸಿದ್ದರು. ರಾಕಿಂಗ್ ಸ್ಟಾರ್ ಅಂದರೆ ತುಂಬಾ ಪ್ರೀತಿ!” ಎಂದು ಟ್ವೀಟ್‌ ಮಾಡಿದ್ದಾರೆ.
ಇದನ್ನೂ ಓದಿ: Rishab Shetty | ʻಅದ್ಭುತ ವ್ಯಕ್ತಿಗಳ ಜತೆ ಅದ್ಭುತ ಚರ್ಚೆʼ ಅಂದಿದ್ಯಾಕೆ ರಿಷಬ್‌ ಶೆಟ್ಟಿ: ಫೋಟೊ ವೈರಲ್‌!
ಎಲ್ಲಾ ಪ್ರಮುಖ ಚಲನಚಿತ್ರೋದ್ಯಮಗಳಲ್ಲಿ ಕೆಲಸ ಮಾಡಿರುವುದರಿಂದ ಕನ್ನಡ ಚಿತ್ರರಂಗದಲ್ಲಿ ಕೆಲಸ ಮಾಡಲು ಬಯಸುತ್ತೀರಾ ಎಂದು ಅಭಿಮಾನಿಗಳು ಕೇಳಿದರು. ಅದಕ್ಕೆ ದುಲ್ಕರ್ “ನಾನು ಇಷ್ಟಪಡುತ್ತೇನೆ. ಕನ್ನಡ ಚಲನಚಿತ್ರೋದ್ಯಮವು ನಿರ್ಮಿಸುತ್ತಿರುವ ಎಲ್ಲಾ ಶ್ರೇಷ್ಠ ಸಿನಿಮಾಗಳನ್ನು ಪ್ರೀತಿಸುತ್ತೇನೆ ಮತ್ತು ನಾನು ಭೇಟಿಯಾದ ನಟರು ಮತ್ತು ನಿರ್ದೇಶಕರೊಂದಿಗೆ ಅತ್ಯಂತ ಅದ್ಭುತವಾದ ಸಂವಾದವನ್ನು ಹೊಂದಿದ್ದೇನೆ” ಎಂದು ಅವರು ಹೇಳಿದ್ದಾರೆ.
ಕೋಥಾ ರಾಜ ದುಲ್ಕರ್ ಸೆಟ್‌ನಲ್ಲಿ ಎಷ್ಟು ಬಾರಿ ನೀವು ಗಾಯಗಳನ್ನು ಅನುಭವಿಸಿದ್ದೀರಿ? ಎಂದು ಕೇಳಿದ ಪ್ರಶ್ನೆಗೆ , ದುಲ್ಕರ್ ನಗುತ್ತ ʻಹ್ಹಾ ಚೆನ್ನಾಗಿದೆ!, ಈ ಸಿನಿಮಾ ಸವಾಲಿನ ಚಿತ್ರಗಳಲ್ಲಿ ಒಂದು. ದೀರ್ಘಕಾಲದ ಸಿನಿಮಾ ಮಾಡಿದ್ದರಲ್ಲಿ ಈ ಸಿನಿಮಾ ತುಂಬ ಚಾಲೆಂಜಿಂಗ್‌ ಆಗಿತ್ತುʼʼಎಂದು ಹೇಳಿದರು.
ಬೇರೆ ಬೇರೆ ರೀತಿಯ ಸಿನಿಮಾಗಳಲ್ಲಿ ಕೆಲಸ ಮಾಡಲು ಇಚ್ಛಿಸುತ್ತೀರಾ ಎಂದು ಅಭಿಮಾನಿಯೊಬ್ಬರು ಕೇಳಿದಾಗ, ದುಲ್ಕರ್ ಸ್ಪಷ್ಟ ಉತ್ತರ ನೀಡಿದರು. ʻʻನಾನು ಖಂಡಿತವಾಗಿಯೂ ಬದಲಾವಣೆ ಬಯಸುತ್ತೇನೆ. ಮತ್ತು ನನಗೆ ಗೊತ್ತಿರದ ರೀತಿಯ ಚಲನಚಿತ್ರಗಳು ಮತ್ತು ಪಾತ್ರಗಳನ್ನು ಮಾಡಲು ಬಯಸುತ್ತೇನೆ. ಸರಿಯಾದ ಸಮಯದಲ್ಲಿ ಸರಿಯಾದ ಚಿತ್ರಗಳನ್ನು ಮಾಡುತ್ತೇನೆʼʼಎಂದರು.
ಇದನ್ನೂ ಓದಿ: Dulquer Salmaan | ಮಲಯಾಳಂ ಖ್ಯಾತ ನಟ ದುಲ್ಕರ್ ಸಲ್ಮಾನ್‌ಗೆ ಜನುಮದಿನದ ಸಂಭ್ರಮ