ನಿಮ್ಮ ಪ್ರಶ್ನೆ : ನಾನು ಸರ್ಕಾರಿ ಪ್ರಾಥಮಿಕ ಶಾಲೆಯಲ್ಲಿ ಪ್ರಧಾನ ಗುರುಮಾತೆಯಾಗಿ ಕೆಲಸ ಮಾಡುತ್ತಿದ್ದೇನೆ, ನನಗೆ ಇನ್ನು ೦೬ ವರ್ಷ ಸೇವೆ ಇದೆ. ನನ್ನ ಸಂದೇಹ ಏನೆಂದರೆ, ನಾನು ನಿವೃತ್ತಿಯಾದಾಗ ನನಗೆ ಪಿಂಚಣಿ ಬರುತ್ತದೆ. ಆದರೆ ನನ್ನ ನಂತರ (ನನ್ನ ಪತಿ ನಿಧನರಾಗಿದ್ದಾರೆ) ನನ್ನ ಮಗನಿಗೆ ೧೨ ವರ್ಷವಾಗಿದ್ದು ಪಿಂಚಣಿ ಸಿಗುತ್ತದೆಯೇ? ಅವನಿಗೆ ಸಿಗುವಂತೆ ಮಾಡಲು ನಾನು ಏನು? ಮಾಡಬೇಕು. ಅವನು ನೌಕರಿ ಸೇರಿದರೂ ಸಿಗುತ್ತದೆಯೆ?
ಸಾವಿತ್ರಮ್ಮ | ಚಿಕ್ಕಮಗಳೂರು
ತಜ್ಞರು ನೀಡಿದ ಉತ್ತರ: 2002ರ ಕರ್ನಾಟಕ ಸರ್ಕಾರಿ ನೌಕರರ (ಕುಟುಂಬ ನಿವೃತ್ತಿ ವೇತನ) ನಿಯಮಾವಳಿಯ ನಿಯಮ 9 ರಂತೆ ನಿಮ್ಮ ಮಗ 18 ವರ್ಷ ತುಂಬುವವರೆಗೆ ನಿಮ್ಮ ನಿಧನದ ನಂತರ ನಿಮ್ಮ ಮೂಲ ವೇತನ ಶೇಕಡ 30 ರಷ್ಟು ಕುಟುಂಬ ಪಿಂಚಣಿ ಲಭ್ಯವಾಗುತ್ತದೆ. ನೀವು ಪಿಂಚಣಿ ಪ್ರಪತ್ರಗಳಲ್ಲಿ ಅವನಿಗೆ ನಾಮನಿರ್ದೇಶನ ಮಾಡಿರಬೇಕು. ಉದ್ಯೋಗ ಸಿಕ್ಕರೆ ಯಾವ ಪಿಂಚಣಿಯು ಲಭ್ಯವಾಗುವುದಿಲ್ಲ.
ನಿಮ್ಮ ಪ್ರಶ್ನೆ/ಸಮಸ್ಯೆಯನ್ನು ಕಳುಹಿಸಬೇಕಾದ ಇ-ಮೇಲ್‌ ವಿಳಾಸ: janasamparka@vistaranews.com
ತಜ್ಞರ ಪರಿಚಯ: ಸರ್ಕಾರಿ ನೌಕರರಿಗಿರುವ ಹಕ್ಕು, ಸೇವಾ ಕಾನೂನು, ನೀತಿಗಳ ಕುರಿತು ಆಳವಾಗಿ ಅಭ್ಯಾಸ ನಡೆಸಿರುವ ಲ. ರಾಘವೇಂದ್ರ ಸರ್ಕಾರಿ ನೌಕರರ ಸಮಸ್ಯೆಗಳ ಕುರಿತು ನಿರಂತರವಾಗಿ ದನಿ ಎತ್ತುತ್ತಾ ಬಂದವರು.
ವಿಜ್ಞಾನ ಪದವಿಯೊಂದಿಗೆ ಕನ್ನಡ ಸಾಹಿತ್ಯದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ. ಪತ್ರಿಕೋದ್ಯಮ ಮತ್ತು ಶೀಘ್ರಲಿಪಿ ವಿಷಯದಲ್ಲಿ ಡಿಪ್ಲೊಮಾ ಮಾಡಿದ್ದಾರೆ. ಸೇವಾ ಕಾನೂನು, ಇಲಾಖಾ ಪರೀಕ್ಷೆ ಹಾಗೂ ವಿವಿಧ ಸ್ಪರ್ಧಾತ್ಮಕ ಪರೀಕ್ಷೆಗಳಿಗಾಗಿ 300ಕ್ಕೂ ಹೆಚ್ಚು ಪುಸ್ತಕಗಳನ್ನು ಬರೆದಿದ್ದಾರೆ. ಸೇವಾ ಕಾನೂನು ಮತ್ತು ಸ್ಪರ್ಧಾತ್ಮಕ ಪರೀಕ್ಷೆಗಳ ಕುರಿತು ಅನೇಕ ಲೇಖನಗಳನ್ನು ಬರೆದಿದ್ದು, ನಾಡಿನ ಪ್ರಮುಖ ಪತ್ರಿಕೆಗಳಲ್ಲಿ ಪ್ರಕಟವಾಗಿವೆ.
ಇದನ್ನೂ ಓದಿ | Naukra Mitra | ಕಾಲಮಿತಿ ವೇತನ ಬಡ್ತಿಯನ್ನು 2ನೇ ಬಾರಿಗೆ ಪಡೆಯಬಹುದೇ?