ಎಲ್ಲರ ಗುಣವೂ ಒಂದೇ ಥರ ಇರುವುದಿಲ್ಲ. ತಮ್ಮ ರಾಶಿಯ ಗುಣಗಳಿಗೆ ಅನುಸಾರವಾಗಿ ಪ್ರತಿಯೊಬ್ಬರಿಗೂ ಅವರವರ ಮೂಲ ಗುಣಗಳಿದ್ದೇ (Zodiac Characters) ಇರುತ್ತದೆ ಎಂಬುದನ್ನು ಜ್ಯೋತಿಷ್ಯ ವಿಜ್ಞಾನ (Astrology) ಹೇಳುತ್ತದೆ. ಪ್ರೀತಿಯ ವಿಚಾರವೂ ಅಷ್ಟೇ. ರಾಶಿ ಉಣದ ಆಧಾರದಲ್ಲಿ ಒಬ್ಬೊಬ್ಬರಿಗೆ ಒಂದೊಂದು ಬಗೆಯ ಮೂಲಗುಣಗಳು ಇವೆ. ಅಂದರೆ, ಕೆಲವರಿಗೆ ಪ್ರೀತಿಯಲ್ಲಿ ಬೀಳಲು ಸೆಕೆಂಡುಗಳು ಸಾಕು. ನೋಡಿದ ತಕ್ಷಣ ಬೀಳುವುದು ಪ್ರೀತಿಯಲ್ಲೇ. ಹಾಗಂತ ಇವರದ್ದು ನಿಜವಾದ ಪ್ರೀತಿ ಅಲ್ಲ, ಪ್ರೀತಿಯಲ್ಲಿ ಬೀಳುವುದೇ ಇವರಿಗೆ ಚಟ ಎಂದು ಅರ್ಥೈಸಿಕೊಳ್ಳಬೇಕಾಗಿಲ್ಲ. ಕೆಲವರು ಪ್ರೀತಿ ಎಂದು ತಿಳಿದು ಮೋಸ ಹೋಗಬಹುದು, ಇನ್ನೂ ಕೆಲವರು, ನಿಜವಾದ ಪ್ರೀತಿಯನ್ನೇ ದಕ್ಕಿಸಿಕೊಂಡಿರಬಹುದು ಹೀಗೆ ಅನೇಕ ಬಗೆಗಳಿರುತ್ತವೆ. ಆದರೆ, ಕೆಲವರು ಮಾತ್ರ ಸುಲಭಕ್ಕೆ ಪ್ರೀತಿಯಲ್ಲಿ ಬೀಳುವುದಿಲ್ಲ. ಅವರು ಪ್ರೀತಿಯಲ್ಲಿ ಬಿದ್ದರೂ ಅಷ್ಟು ಸುಲಭಕ್ಕೆ ಬಿದ್ದೆವೆಂಬುದನ್ನು ಒಪ್ಪಿಕೊಳ್ಳುವುದಿಲ್ಲ. ಪ್ರೀತಿ ಪಕ್ವವಾಗುವವರೆಗೂ ಸಮಯ ತೆಗೆದುಕೊಳ್ಳುತ್ತಾರೆ. ಒರೆಗೆ ಹಚ್ಚಿ, ಇದು ಪ್ರೀತಿಯಾ ಎಂಬುದನ್ನು ಮತ್ತೆ ಮತ್ತೆ ಖಚಿತಪಡಿಸಿಕೊಳ್ಳುತ್ತಾರೆ. ಪೂರ್ತಿ ನಂಬಿಕೆ ಬರಲು ದೀರ್ಘ ಸಮಯ ತೆಗೆದುಕೊಂಡರೂ, ಪ್ರೀತಿಯಲ್ಲಿ ಬಿದ್ದೆವೆಂದು (love and zodiac) ಒಪ್ಪಿಕೊಂಡರೆ ಇವರದ್ದು ಕರಡಿ ಪ್ರೀತಿ. ಬನ್ನಿ, ಯಾವೆಲ್ಲ ರಾಶಿಯ ಮಂದಿ (Zodiac compatibility) ಅಷ್ಟು ಸುಲಭಕ್ಕೆ ಪ್ರೀತಿಯಲ್ಲಿ ಬೀಳುವುದಿಲ್ಲ ಎಂಬುದನ್ನು ನೋಡೋಣ ಬನ್ನಿ.
1. ವೃಷಭ: ಈ ರಾಶಿ ಮಂದಿಯ ಲೆಕ್ಕಾಚಾರ ಬೇರೆಯೇ. ಇವರು ನಂಬಿಕೆ ಎಂಬುದರ ತಳಹದಿ ಗಟ್ಟಿಯಾಗಿಸಿದ ಮೇಲೆಯೇ ಪ್ರೀತಿಯ ಸೌಧ ಕಟ್ಟಲು ಹೊರಡುತ್ತಾರೆ. ನಂಬಿಕೆಯ ತಳಹದಿ ಸ್ವಲ್ಪ ಅಲ್ಲಾಡಿದರೂ ಸಾಕು, ಆ ಕಟ್ಟಡ ಕಟ್ಟುವ ಆಸಕ್ತಿಯೇ ಇವರಿಗೆ ಹೊರಟುಹೋಗುತ್ತದೆ. ಹಾಗಾಗಿ ಇವರು ನಿಜವಾದ ಪ್ರೀತಿಯಲ್ಲಿ ಬೀಳಲು ಬಹಳ ಸಮಯ ತೆಗೆದುಕೊಳ್ಳುತ್ತಾರೆ.
2. ಕನ್ಯಾ: ಕನ್ಯಾ ರಾಶಿಯ ಮಂದಿ ಭಾವನೆಗೆ ಬೆಲೆ ಕೊಡುವವರು. ಇವರಿಗೆ ಭಾವನಾತ್ಮಕವಾಗಿ ಇನ್ನೊಬ್ಬರ ಜೊತೆ ಹೊಂದಿಕೊಳ್ಳಲು ಸಮಯ ಬೇಕಾಗುತ್ತದೆ. ತಮಗೆ ಇಷ್ಟವಾದರು ನಿಜವಾಗಿಯೂ ನಮ್ಮ ಪ್ರೀತಿ ಅರ್ಹರೇ ಎಂದು ತಿಳಿದುಕೊಳ್ಳಲು ಇವರು ನಾನಾ ಬಗೆಗಳಲ್ಲಿ ಅವರನ್ನು ನೋಡುತ್ತಾರೆ. ಅವರ ಇಷ್ಟಾನಿಷ್ಟಗಳು, ಭಾವನೆಗಳು, ಆಸಕ್ತಿಗಳು ಹೀಗೆ ಬಹಳ ವಿಚಾರಗಳಲ್ಲಿ ಹೊಂದಾಣಿಕೆ ಇದೆ ಅನಿಸಿದರೆ ಇವರು ನಿಧಾನವಾಗಿ ಪ್ರೀತಿಯ ಆಳಕ್ಕೆ ಬೀಳುತ್ತಾರೆ.
3. ವೃಶ್ಚಿಕ: ಈ ರಾಶಿಯ ಮಂದಿ ಗಾಢತೆ ಹಾಗೂ ಆಳವಾದ ಪ್ರೀತಿಗೆ ಹೆಸರಾದವರು. ಇವರಿಗೆ ತಮ್ಮ ನಿಜವಾದ ಭಾವನೆಯನ್ನು ಅರಿತುಕೊಳ್ಳಲು ಹಾಗೂ ಮತ್ತೊಬ್ಬರಿಗೆ ತಿಳಿಸಲು ಸಮಯ ಬೇಕಾಗುತ್ತದೆ. ಪ್ರೀತಿಯ ಆಳ ಅವರಿಗೆ ಅರಿತ ಮೇಲಷ್ಟೇ ಇವರು ಪ್ರೀತಿಸಿದವರಿಗೆ ನಿವೇದಿಸಲು ಬಯಸುತ್ತಾರೆ.
4. ಮಕರ: ಈ ರಾಶಿಯ ಮಂದಿ ಪ್ರೀತಿಯಲ್ಲಿ ಅಷ್ಟು ಸುಲಭವಾಗಿ ಬೀಳುವುದಿಲ್ಲ. ಬಿದ್ದರೂ ಅದನ್ನು ಒಪ್ಪಿಕೊಳ್ಳುವುದಕ್ಕೆ ಬಹಳ ಸಮಯ ತೆಗೆದುಕೊಳ್ಳುತ್ತಾರೆ. ಅಂದರೆ, ತಮ್ಮಿಬ್ಬರ ಇಷ್ಟಾನಿಷ್ಟಗಳನ್ನು ಬಹಳಷ್ಟು ಅಳೆದು ತೂಗಿ, ಒಂದಕ್ಕೊಂದು ಹೊಂದಿಕೆ ಆಗುತ್ತದಾ ಎಂದು ಸಾಕಷ್ಟು ಯೋಚಿಸಿದ ಮೇಲೆ ಪ್ರೀತಿ ಪಕ್ಕಾ ಆಗಿದೆ ಎಂದು ಅನಿಸಿದರೆ, ನಾನಾ ಪ್ರಕಾರಗಳಲ್ಲಿ ಒರೆಗೆ ಹಚ್ಚಿ ನೋಡಿ ಇದು ಅಪ್ಪಟ ಚಿನ್ನ ಎಂದು ತಿಳಿದ ಮೇಲಷ್ಟೇ ಪ್ರೀಯ ದೋಣಿಗೆ ಕಾಲಿಡುತ್ತಾರೆ.
5. ಕುಂಭ: ಈ ರಾಶಿಯ ಮಂದಿ ಬಹಳ ಇಂಡಿಪೆಂಡೆಂಟ್‌ ವ್ಯಕ್ತಿತ್ವವುಳ್ಳವರು. ಪ್ರೀತಿಯಲ್ಲಿ ಬಿದ್ದಾಗಲೂ ಅಷ್ಟೇ ತಮ್ಮದೇ ವ್ಯಕ್ತಿತ್ವವನ್ನು ಹಾಗೆಯೇ ಇರಬಯಸುವವರು. ಹಾಗಾಗಿ ತಮ್ಮೊಳಗೆ ಪ್ರೀತಿಯಿಂದಾದ ಆಳವಾದ ಪರಿಣಾಮವನ್ನು ಅರ್ಥ ಮಾಡಿಕೊಳ್ಳಲು ಹಾಗೂ ಭಾವನೆಯನ್ನು ತಿಳಿಸಲು ಇವರಿಗೆ ಸಾಕಷ್ಟು ಸಮಯ ಬೇಕಾಗುತ್ತದೆ. ಹಾಗಾಗಿ ಪ್ರೀತಿಯಂತಹ ಸಂಬಂಧಗಳ ವಿಚಾರದಲ್ಲಿ ಇವರು ಅಷ್ಟು ಸುಲಭದಲ್ಲಿ ಬೀಳುವುದಿಲ್ಲ.
ಇದನ್ನೂ ಓದಿ: Zodiac Compatibility: ಯಾವ ರಾಶಿ ಜೋಡಿಗಳು ಸಂಬಂಧದಲ್ಲಿ ಹಾವು ಮುಂಗುಸಿಗಳಂತಾಗುತ್ತಾರೆ ಗೊತ್ತೇ?