ಬೆಂಗಳೂರು: ಏರ್‌ವಿಂಗ್‌ ಎನ್‌ಸಿಸಿ(Air Wing NCC) ಸೇರಲು ನಂ.2 ಕರ್ನಾಟಕ ಟೆಕ್ನಿಕಲ್‌ ಏರ್‌ ಸ್ಕ್ವಾಡ್ರನ್‌ ಎನ್‌ಸಿಸಿ ವತಿಯಿಂದ ಅರ್ಜಿ ಆಹ್ವಾನಿಸಲಾಗಿದ್ದು, ಆಸಕ್ತರು ಆ.19ರೊಳಗೆ ಅರ್ಜಿ ಸಲ್ಲಿಸಬಹುದಾಗಿದೆ. ಆ.22 ಮತ್ತು 23ರಂದು ಬಾಲಕಿಯರಿಗೆ (JW) ಹಾಗೂ ಆ.24 ಮತ್ತು 25 ರಂದು ಬಾಲಕರಿಗೆ (JD) ಭೌತಿಕವಾಗಿ ಆಯ್ಕೆ ನಡೆಸಲಾಗುವುದು ಎಂದು ಕಮಾಂಡಿಂಗ್‌ ಅಧಿಕಾರಿ ಗ್ರೂಪ್‌ ಕ್ಯಾಪ್ಟನ್‌ ವಿ.ಸುನಿಲ್‌ ತಿಳಿಸಿದ್ದಾರೆ.
ಅಭ್ಯರ್ಥಿಗಳು ಪಿಯುಸಿ, ಪ್ರಥಮ ಹಾಗೂ ದ್ವಿತೀಯ ವರ್ಷದ ಪದವಿಯನ್ನು ಬೆಂಗಳೂರಿನ ಯಾವುದಾದರೂ ಮಾನ್ಯತೆ ಪಡೆದ ವಿದ್ಯಾಸಂಸ್ಥೆಗಳಲ್ಲಿ ವ್ಯಾಸಂಗ ಮಾಡುತ್ತಿರಬೇಕು. ಎನ್‌ಸಿಸಿ ಸೇರಬಯಸುವ ವಿದ್ಯಾರ್ಥಿಗಳು ಆ.12 ರಿಂದ ಆ.18ರವರೆಗೆ ಅಗತ್ಯವಿರುವ ಅರ್ಜಿಗಳನ್ನು (ಶನಿವಾರ, ಭಾನುವಾರ ಮತ್ತು ಸರ್ಕಾರಿ ರಜಾ ದಿನಗಳ ಹೊರತುಪಡಿಸಿ) ಕಚೇರಿಯಿಂದ ಪಡೆಯಬಹುದು ಎಂದು ಮಾಹಿತಿ ನೀಡಿದ್ದಾರೆ.
ಅರ್ಜಿ ಸಲ್ಲಿಸಬೇಕಾದ ವಿಳಾಸ: ನಂ.2 ಕರ್ನಾಟಕ ಟೆಕ್ನಿಕಲ್‌ ಏರ್‌ಸ್ಕ್ವಾಡ್ರನ್‌ ಎನ್‌ಸಿಸಿ, ಯುವಿಸಿಇ ಕ್ಯಾಂಪಸ್‌, ಕೆ.ಆರ್‌.ಸರ್ಕಲ್‌ ಹತ್ತಿರ, ಬೆಂಗಳೂರು-560001. ದೂರವಾಣಿ ಸಂಖ್ಯೆ-080-29704104/9967678400
ಇದನ್ನೂ ಓದಿ | PNB Recruitment 2022 | 103 ಆಫೀಸರ್‌ ಮತ್ತು ಮ್ಯಾನೇಜರ್‌ ಹುದ್ದೆಗಳಿಗೆ ಅರ್ಜಿ ಆಹ್ವಾನ