ಬೆಂಗಳೂರು: ತಡರಾತ್ರಿ ಬೈಕ್ನಲ್ಲಿ ಜಾಲಿ ರೈಡ್ಗೆಂದು ಹೋಗಿದ್ದ ಇಬ್ಬರು ಯುವಕರು ಭೀಕರ ಅಪಘಾತಕ್ಕೀಡಾಗಿದ್ದಾರೆ (Road Accident). ಒಬ್ಬ ಯುವಕ ಮೃತಪಟ್ಟಿದ್ದು, ಇನ್ನೊಬ್ಬ ಗಾಯಗೊಂಡಿದ್ದಾರೆ. ರಾತ್ರಿ 2ಗಂಟೆ ಹೊತ್ತಿಗೆ ಇವರು ಬೈಕ್ನಲ್ಲಿ ನೈಟ್ ರೈಡ್ಗೆಂದು ತೆರಳಿದ್ದರು. ಆದರೆ ಇವರ ದ್ವಿಚಕ್ರವಾಹನ ತಡೆಗೋಡೆಗೆ ಡಿಕ್ಕಿ ಹೊಡೆದು ಅನಾಹುತವಾಗಿದೆ. ರಾಮ್ಕುಮಾರ್ (29) ಸ್ಥಳದಲ್ಲೇ ಮೃತಪಟ್ಟಿದ್ದು, ಇನ್ನೋರ್ವ ಹುಡುಗ ಯಶವಂತ್ (22) ಗಾಯಗೊಂಡಿದ್ದಾನೆ.
ರಾಮ್ಕುಮಾರ್ ಮತ್ತು ಯಶವಂತ್ ಇಬ್ಬರೂ ಬ್ಯಾಟರಾಯನಪುರದ ಪ್ರಮೋದ ಲೇಔಟ್ ನಿವಾಸಿಗಳು. ಇವರಲ್ಲಿ ರಾಮ್ಕುಮಾರ್ ಖಾಸಗಿ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದ. ಬೈಕ್ನಲ್ಲಿ ರಾಮ್ಕುಮಾರ್ ಹಿಂದೆ ಕುಳಿತಿದ್ದರೆ, ಯಶವಂತ್ ಬೈಕ್ ಓಡಿಸುತ್ತಿದ್ದ. ಪದ್ಮನಾಭನಗರದ ದೇವೇಗೌಡ ಪೆಟ್ರೋಲ್ ಬಂಕ್ ಬಳಿ ಬೈಕ್ ಫ್ಲೈಓವರ್ಗೆ ಡಿಕ್ಕಿ ಹೊಡೆದಿದೆ. ಈ ವೇಳೆ ಹಿಂದೆ ಕುಳಿತಿದ್ದ ರಾಮ್ಕುಮಾರ್ ವಾಹನದಿಂದ ಹಾರಿ, ಕೆಳಗೆ ಬಿದ್ದಿದ್ದಾನೆ. ಹೀಗೆ ಬಿದ್ಧ ರಭಸಕ್ಕೆ ಅವನ ತಲೆಗೆ ಏಟು ಬಿದ್ದು ಪ್ರಾಣವೇ ಹೋಗಿದೆ.
ಇದನ್ನೂ ಓದಿ: Road Accident: ಬಸ್-ಕ್ರೂಸರ್ ಮುಖಾಮುಖಿ ಡಿಕ್ಕಿ; 8 ಪ್ರಯಾಣಿಕರ ದುರ್ಮರಣ
ಗಾಯಗೊಂಡ ಯಶವಂತ್ನನ್ನು ಖಾಸಗಿ ಆಸ್ಪತ್ರೆಯೊಂದಕ್ಕೆ ದಾಖಲು ಮಾಡಲಾಗಿದೆ. ರಾಮ್ಕುಮಾರ್ ಮೃತದೇಹವನ್ನು ಶವಪರೀಕ್ಷೆಗಾಗಿ ಕಿಮ್ಸ್ ಆಸ್ಪತ್ರೆಗೆ ಒಯ್ಯಲಾಗಿದೆ. ಬನಶಂಕರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಈ ಹುಡುಗರು ಮದ್ಯ ಸೇವಿಸಿ, ಜಾಲಿರೈಡ್ಗೆ ಹೋಗಿದ್ದ ಅನುಮಾನ ವ್ಯಕ್ತವಾಗಿದೆ.