ಬೆಂಗಳೂರು: ಮಹಿಳೆಯೊಬ್ಬರಿಗೆ ನಟ ದರ್ಶನ್‌ ಅವರ ಮನೆಯ ಸಾಕುನಾಯಿ ಕಚ್ಚಿದ್ದರಿಂದ ನಟನ ವಿರುದ್ಧ ಇತ್ತೀಚೆಗೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿತ್ತು. ಇದರ ಬೆನ್ನಲ್ಲೇ ನಾಯಿ ವಿಚಾರವಾಗಿ ನಟಿ ಅನಿತಾ ಭಟ್ (Actress Anita Bhat) ಅವರ ಜತೆ ಪಾದಚಾರಿಗಳು ಜಗಳ ತೆಗೆದು, ಅವಾಚ್ಯ ಶಬ್ದಗಳಿಂದ ಬೈದಿರುವುದು ಕಂಡುಬಂದಿದೆ. ದುರ್ನಡತೆ ತೋರಿದ ನಾಲ್ವರ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ನಟಿ, ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ.
ಕನ್ನಡದ ನಟಿ ಅನಿತಾ ಭಟ್ ಅವರು ನಾಯಿ ಹಿಡಿದುಕೊಂಡು ಹೋಗುವಾಗ, ಪಕ್ಕದಲ್ಲಿ ಹೋಗುತ್ತಿದ್ದವರಿಗೆ ಬೊಗಳಿದೆ. ನಾಯಿ ಬೊಗಳಿದ್ದಕ್ಕೆ ಕ್ಯಾತೆ ತೆಗೆದ ನಾಲ್ವರ ಗುಂಪು, ನಟಿಯ ಕಾರಿನ ಮೇಲೆ ಕಲ್ಲು ಎತ್ತಿಹಾಕಲು ಮುಂದಾಗಿ, ಬಾಯಿಗೆ ಬಂದಂತೆ ಅವ್ಯಾಚ್ಯ ಶಬ್ದಗಳಿಂದ ನಿಂದಿಸಿದ್ದಾರೆ.
ನಾಯಿ ಬೊಗಳಿದ್ದಕ್ಕೆ ನಟಿ ಅನಿತಾ ಭಟ್ ಪಾದಚಾರಿಗಳ ಕ್ಷಮೆ ಕೇಳಿ ಮುಂದೆ ಹೋಗಿದ್ದಾರೆ. ಆದರೂ, ಸುಮ್ಮನಿರದ ಪಾದಚಾರಿಗಳು ಅವ್ಯಾಚ್ಯ ಶಬ್ದಳಿಂದ ಬೈದು, ಜಗಳ ತೆಗೆದಿದ್ದಾರೆ. ಈ ವೇಳೆ ನಾಯಿ ಪುನಃ ಬೊಗಳಿದೆ. ಜಗಳ ಮಾಡೋದು ಬೇಡವೆಂದು ನಟಿ ಅನಿತಾ ಭಟ್ ನಾಯಿಯನ್ನು ಕಾರಿನಲ್ಲಿ ಕೂರಿಸಿಕೊಂಡು ಮನೆಗೆ ಹೋಗಲು ಮುಂದಾಗಿದ್ದಾರೆ. ಆದರೂ, ಸುಮ್ಮನಿರದ ಕಿಡಿಗೇಡಿಗಳು ಬೈದು ಕಾರಿನ ಮೇಲೆ ಕಲ್ಲು ಎತ್ತಿಹಾಕಲು ಯತ್ನಿಸಿದ್ದಾರೆ.
ಇದನ್ನೂ ಓದಿ | Priyanka Chopra: ಅಯೋಧ್ಯೆ ರಾಮಮಂದಿರ ದರ್ಶನ ಪಡೆದ ಪ್ರಿಯಾಂಕಾ ಚೋಪ್ರಾ-ನಿಕ್‌ ದಂಪತಿ
ಸಾರ್ವಜನಿಕ ಸ್ಥಳದಲ್ಲಿ ನಾಯಿ ಬೊಗಳಿದ ಘಟನೆಯನ್ನು ದೊಡ್ಡದಾಗಿ ಮಾಡಿ, ಬೈದು ಹಲ್ಲೆ ಮಾಡಲು ಮುಂದಾದವರ ವರ್ತನೆಗೆ ಬೇಸತ್ತ ನಟಿ ಅನಿತಾಭಟ್, ಜಗಳ ಮಾಡಿದವರ ಮೇಲೆ ದೂರು ಕೊಡಲು ಮುಂದಾಗಿದ್ದಾರೆ. ಜಗಳ ಮಾಡಿದ ನಾಲ್ಕೈದು ಮಂದಿಯ ವಿರುದ್ಧ ದೂರು ನೀಡಲು ಸಂಪಿಗೆಹಳ್ಳಿ ಪೊಲೀಸ್ ಠಾಣೆಗೆ ನಟಿ ತೆರಳಿದ್ದಾರೆ ಎನ್ನಲಾಗಿದೆ.
ಇದನ್ನೂ ಓದಿ | Actor Dhanush: ಕನ್ನಡದಲ್ಲಿಯೂ ಬರಲಿದೆ ಇಳಯರಾಜ ಬಯೋಪಿಕ್‌; ಪೋಸ್ಟರ್‌ ಔಟ್‌!
ಕನ್ನಡದಲ್ಲಿ ಸೈಕೋ, ತಿಪ್ಪಜ್ಜಿ ಸರ್ಕಲ್, ಡೇಸ್ ಆಫ್‌ ಬೋರಾಪುರ, ಬೆಂಗಳೂರು 69 ಸೇರಿ ಅನೇಕ ಸಿನಿಮಾಗಳಲ್ಲಿ ನಟಿಸಿರುವ ಅನಿತಾ ಭಟ್ ಕನ್ನಡಿಗರಿಗೆ ಚಿರಪರಿಚಿತರೇ ಆಗಿದ್ದಾರೆ. ಇತ್ತೀಚೆಗೆ ಸಿನಿಮಾಗಳಲ್ಲಿ ಅವಕಾಶಗಳು ಕಡಿಮೆ ಆಗಿದ್ದರಿಂದ ಕಿರುತೆರೆಗೆ ಕಾಲಿಟ್ಟಿದ್ದಾರೆ. ಉದಯ ಟಿವಿಯಲ್ಲಿ ಪ್ರಸಾರವಾಗುತ್ತಿರುವ ‘ಕನ್ಯಾದಾನ’ ಧಾರಾವಾಹಿಯಲ್ಲಿ ಅನಿತಾ ಭಟ್ ಪೊಲೀಸ್ ಅಧಿಕಾರಿಯಾಗಿ ಕಾಣಿಸಿಕೊಂಡಿದ್ದಾರೆ.