ಮಂಗಳೂರು: ದಕ್ಷಿಣ ಭಾರತದ ಜನಪ್ರಿಯ ನಟಿ ಅನುಷ್ಕಾ ಶೆಟ್ಟಿ (Anushka Shetty) ಅವರು ತಮ್ಮ ಕುಟುಂಬದ ಭೂತಕೋಲದಲ್ಲಿ ಭಾಗಿಯಾಗಿರುವ ವಿಡಿಯೋ ಸಖತ್‌ ವೈರಲ್ ಆಗಿದೆ.
ನಿರಂತರ ಶೂಟಿಂಗ್‌ ಬ್ಯುಸಿ ಮಧ್ಯೆಯೂ ಬಿಡುವು ಮಾಡಿಕೊಂಡಿರುವ ಅನುಷ್ಕಾ ಶೆಟ್ಟಿ, ದಕ್ಷಿಣ ಕನ್ನಡ ಜಿಲ್ಲೆ ಪುತ್ತೂರಿನವರು. ಇವರ ಸ್ವಗ್ರಾಮದಲ್ಲಿ ಪ್ರತಿ ವರ್ಷ ಕುಟುಂಬದ ವತಿಯಿಂದ ದೈವ ಕೋಲ ನಡೆಯುತ್ತದೆ. ಈ ನಿಮಿತ್ತ ಶನಿವಾರ (ಡಿ. ೧೭) ನಡೆದಿದ್ದ ದೈವ ಕೋಲದಲ್ಲಿ ಅನುಷ್ಕಾ ಭಾಗಿಯಾಗಿದ್ದರು.
ಬೆಳ್ಳಿಪಾಡಿ ಊರ ಮೇಲ್ಮನೆ ದೈವಗಳು ನಡೆಸಿಕೊಡುವ ದೈವಕೋಲದಲ್ಲಿ ಅನುಷ್ಕಾ ಶೆಟ್ಟಿ ಭಾಗಿಯಾಗಿದ್ದು, ವಿಡಿಯೊ ಮಾಡಿಕೊಂಡಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಟ್ವಿಟರ್‌ನಲ್ಲಿಯೂ ಈ ವಿಡಿಯೊ ಸದ್ದು ಮಾಡಿದ್ದು, PRANUSHKA FANCLUB ಎಂಬ ಖಾತೆಯಲ್ಲಿ ಅಪ್ಲೋಡ್‌ ಆಗಿದೆ. ಇದು ೫ ಸಾವಿರಕ್ಕಿಂತ ಹೆಚ್ಚು ವೀಕ್ಷಣೆ ಪಡೆದುಕೊಂಡಿದೆ.
ಇದನ್ನೂ ಓದಿ | Student murder | ಶಿಕ್ಷಕನ ಕ್ರೌರ್ಯಕ್ಕೆ ವಿದ್ಯಾರ್ಥಿ ಬಲಿ: ಹದಲಿ ಶಾಲೆಗೆ ಕಾಲಿಡಲು ಭಯಪಡುತ್ತಿರುವ ಮಕ್ಕಳು
ರಿಷಬ್ ಶೆಟ್ಟಿಗೆ ಅದ್ಭುತ ಎಂದಿದ್ದ ಅನುಷ್ಕಾ
ಕಾಂತಾರ ಸಿನಿಮಾವನ್ನು (Kantara Movie) ಸೂಪರ್‌ ಸ್ಟಾರ್‌ಗಳು ಮೆಚ್ಚಿ ಕೊಂಡಾಡುತ್ತಿರುವ ಬೆನ್ನಲ್ಲೇ ಕರಾವಳಿ ಬೆಡಗಿ, ಟಾಲಿವುಡ್‌ ನಟಿ ಅನುಷ್ಕಾ ಶೆಟ್ಟಿ ಕೂಡ ಸಿನಿಮಾ ನೋಡಿ ಸೋಷಿಯಲ್‌ ಮೀಡಿಯಾ ಮೂಲಕ ಖುಷಿ ಹಂಚಿಕೊಂಡಿದ್ದರು.
ʻʻಕಾಂತಾರ ವೀಕ್ಷಿಸಿದೆ. ಸಂಪೂರ್ಣವಾಗಿ ಸಿನಿಮಾ ಇಷ್ಟವಾಯಿತು, ಪ್ರತಿಯೊಬ್ಬ ನಟ, ನಿರ್ಮಾಪಕರು, ತಂತ್ರಜ್ಞರಿಗೆ ಅಭಿನಂದನೆಗಳು. ಕಾಂತಾರ ತಂಡ ನೀವೆಲ್ಲರೂ ಅದ್ಭುತ. ತೆರೆ ಮೇಲೆ ಇಂತಹ ಅನುಭವ ನೀಡಿದಕ್ಕಾಗಿ ಎಲ್ಲರಿಗೂ ಧನ್ಯವಾದಗಳು. ರಿಷಬ್ ಶೆಟ್ಟಿ ನೀವು ನಿಜಕ್ಕೂ ಅದ್ಭುತ. ದಯವಿಟ್ಟು ಚಿತ್ರಮಂದಿರದಲ್ಲಿ ಸಿನಿಮಾವನ್ನು ನೋಡಿ, ಮಿಸ್‌ ಮಾಡಲೇಬೇಡಿʼʼ ಎಂದು ಬರೆದುಕೊಂಡಿದ್ದರು.
ಇದನ್ನೂ ಓದಿ | ಬೆಳಗಾವಿ ಅಧಿವೇಶನ | ಮಹಾರಾಷ್ಟ್ರದವರು ಒಳ್ಳೆಯ ಜನ ಅಲ್ಲ ಎಂದ ಸಿದ್ದರಾಮಯ್ಯ: ರಾಜ್ಯದ ಹಿತ ಕಾಪಾಡಲು ನಿರ್ಣಯಕ್ಕೆ ಸಮ್ಮತಿ