ಬನ್ನೇರುಘಟ್ಟ ಜೈವಿಕ ಉದ್ಯಾನವನದಲ್ಲಿ ಆನೆ ಮರಿ ಜನನ

ಬನ್ನೇರುಘಟ್ಟ : ಬನ್ನೇರುಘಟ್ಟ ಜೈವಿಕ ಜೈವಿಕ ಉದ್ಯಾನವನದಲ್ಲಿ ಆನೆ ಮರಿ ಜನಿಸಿದೆ. ವನಶ್ರೀ ಎಂಬ 15 ವರ್ಷದ ಹೆಣ್ಣಾನೆ ಪುಟ್ಟ ಮರಿಗೆ ಜನ್ಮ ನೀಡಿದೆ. ಆನೆ ಮರಿ ಅಮ್ಮನ ಜತೆ ಪುಟಾಣಿ ಹೆಜ್ಜೆಯೊಂದಿಗೆ ಪುಟು ಪುಟು ಓಡಾಡುವ ದೃಶ್ಯ ಸೆರೆಯಾಗಿದ್ದು, ಮುದ್ದು ಮರಿಯಿಂದ ಉದ್ಯಾನವನಕ್ಕೆ ಹೊಸದೊಂದು ಕಳೆ ಬಂದಂತಾಗಿದೆ.

ಇದನ್ನೂ ಓದಿ | Viral video | ಗುಂಡಿಯಲ್ಲಿ ಬಿದ್ದ ಆನೆ, ಮರಿಯನ್ನು ರಕ್ಷಿಸಲು ಈ ದೇವತಾ ಮನುಷ್ಯರು ಮಾಡಿದ ಸಾಹಸ ನೋಡಿ

ಈ ಹಿಂದೆ ಎರಡು ಮರಿಗಳಿಗೆ ವನಶ್ರೀ ಆನೆ ಜನ್ಮ ನೀಡಿತ್ತು. ಒಂದು ಗಂಡು ಹಾಗೂ ಒಂದು ಹೆಣ್ಣು ಮರಿಗೆ ಜನ್ಮ ನೀಡಿತ್ತು. ಇದೀಗ ಮೂರನೇ ಮರಿಗೆ ಜನ್ಮ ನೀಡಿದೆ. ಪಶುವೈದ್ಯರ ಆರೈಕೆಯಲ್ಲಿ ತಾಯಿ ಹಾಗೂ ಮರಿಯಾನೆ ಆರೋಗ್ಯವಾಗಿವೆ. ಬನ್ನೇರುಘಟ್ಟ ಜೈವಿಕ ಉದ್ಯಾನವನದಲ್ಲಿ ಆನೆಗಳ ಸಂಖ್ಯೆ 26ಕ್ಕೆ ಏರಿದೆ.