ಬೆಂಗಳೂರು: ನೈಸ್ ರಸ್ತೆ ಟೋಲ್ ಬಳಿ ಗುರುವಾರ ಸಂಜೆ 5.15ರ ಸಮುದಾರಿಗೆ ಬಸ್ಸಿಗೆ ಕಾರು ಡಿಕ್ಕಿ ಹೊಡೆದ ಪರಿಣಾಮ ಯುವತಿ ಸೇರಿ ಇಬ್ಬರು ಸಾವನ್ನಪ್ಪಿರುವ ಘಟನೆ ನಡೆದಿದೆ.
ಸುಮುಖ್(22) ಹಾಗೂ ಲೀನಾ ನಾಯ್ಡು(19) ಮೃತ ದುರ್ದೈವಿಗಳು. ಕೆಂಗೇರಿ ಬಳಿಯ ಖಾಸಗಿ ಕಾಲೇಜಿನಲ್ಲಿ ಓದುತ್ತಿದ್ದ ಬಿಬಿಎ ವಿದ್ಯಾರ್ಥಿಯಾಗಿದ್ದು, ಆರ್ ಆರ್ ನಗರದ ನಿವಾಸಿಯಾಗಿದ್ದರು. ಸ್ನೇಹಿತನೊಂದಿಗೆ ಸುಮುಖ್ ಹೋಂಡಾ ಸಿಟಿಯಲ್ಲಿ ನೈಸ್ ರಸ್ತೆಯ ಪಿಇಎಸ್ ಕಾಲೇಜು ಕಡೆಯಿಂದ ಸೋಂಪುರ ಗೇಟ್ ಕಡೆಗೆ ಹೋಗುತ್ತಿದ್ದರು.
ಅತಿಯಾದ ವೇಗದ ಕಾರಣ ನಿಯಂತ್ರಣ ತಪ್ಪಿ ಡಿವೈಡರ್ ದಾಟಿ ಎದುರಿನಿಂದ ಬರುತ್ತಿದ್ದ ಬಸ್‌ಗೆ ಡಿಕ್ಕಿ ಹೊಡೆದು ದುರ್ಘಟನೆ ಸಂಭವಿಸಿದೆ ಎನ್ನಲಾಗಿದೆ. ಬಸ್ ಚಾಲಕನಿಗೆ ಗಂಭೀರ ಗಾಯಗಳಾಗಿದ್ದು, ಆತನ ಒಂದು ಕಾಲು ಸಂಪೂರ್ಣ ನುಜ್ಜುಗುಜ್ಜಾಗಿದೆ. ಕೆಲವು ಬಸ್ ಪ್ರಯಾಣಿಕರಿಗೂ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಇದನ್ನೂ ಓದಿ: ಪ್ರವಚನ ಆಲಿಸಿ ಮರಳುವಾಗ ಅಪಘಾತ, ಯುವತಿ ದಾರುಣ ಸಾವು, ಅಣ್ಣ ಪಾರು