ಬೆಂಗಳೂರು: ಬೆಂಗಳೂರಿನಲ್ಲಿ ಗುಜರಿ ಗೋಡೌನ್‌ಗಳಲ್ಲಿ ಸರಣಿಯಾಗಿ ಎಂಬಂತೆ ಬೆಂಕಿ ಅವಘಡ (Fire tragedy) ಸಂಭವಿಸುತ್ತಿದ್ದು, ಪ್ರಮೋದ್ ಲೇಔಟ್‌ನಲ್ಲಿ ಐದಾರು ಗುಜರಿ ಗೋಡೌನ್‌ಗಳು ಏಕಕಾಲಕ್ಕೆ ಅಗ್ನಿಗಾಹುತಿಯಾಗಿವೆ.
ನಾಯಂಡಹಳ್ಳಿ ಬಳಿಯ ಪ್ರಮೋದ ಲೇಔಟ್‌ನಲ್ಲಿರುವ ಸುಮಾರು ಐದಾರು ಗುಜರಿ ಗೋಡೌನ್‌ಗಳಿಗೆ ಬೆಂಕಿ ಬಿದ್ದಿದೆ. ಸ್ಥಳಕ್ಕೆ ಐದು ಅಗ್ನಿಶಾಮಕ ವಾಹನಗಳು ದೌಡಾಯಿಸಿದ್ದು, ಬೆಂಕಿ ನಂದಿಸಲು ಹರಸಾಹಸಪಡುತ್ತಿವೆ. ಸುಮಾರು ಮೂರ್ನಾಲ್ಕು ಎಕರೆ ಜಾಗಕ್ಕೆ ಬೆಂಕಿ ವ್ಯಾಪಿಸಿದೆ. ಇಡೀ ಪ್ರಮೋದ್ ಲೇಔಟ್‌ಗೆ ಹೊಗೆ ವ್ಯಾಪಿಸಿದೆ. ಗೋಡ್‌ನ್‌ನಲ್ಲಿದ್ದ ಹಲವು ವಾಹನಗಳು ಬೆಂಕಿಗೆ ಆಹುತಿಯಾಗಿವೆ.
ಘಟನಾ ಸ್ಥಳದ ಪಕ್ಕದಲ್ಲೇ ಕಾರ್ಯನಿರ್ವಹಿಸುತ್ತಿದ್ದ ಮಾರ್ಷಲ್‌ಗಳ ಸಮಯಪ್ರಜ್ಞೆಯಿಂದ ಭಾರಿ ಅನಾಹುತ ತಪ್ಪಿದೆ. ಬೆಂಕಿ ಕಂಡು ಸ್ಥಳಕ್ಕೆ ದೌಡಾಯಿಸಿದ ಮಾರ್ಷಲ್‌ಗಳು ಗೋಡೌನ್‌ಗಳಲ್ಲಿ ಮಲಗಿದ್ದ ಹಲವರನ್ನು ಎಬ್ಬಿಸಿ ಕಳುಹಿಸಿದ್ದಾರೆ. ಸ್ಥಳಕ್ಕೆ ಬ್ಯಾಟರಾಯನಪುರ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿದ್ದಾರೆ.
ಇದನ್ನೂ ಓದಿ: Fire tragedy: ಬಿಎಂಟಿಸಿ ಬಸ್ಸಿಗೆ ಬೆಂಕಿ, ಕಂಡಕ್ಟರ್‌ ಸಜೀವ ದಹನ