ಬೆಂಗಳೂರು: ತುಮಕೂರಿನ ಗುರುಕುಲ ಕಲಾ ಪ್ರತಿಷ್ಠಾನ ಕೇಂದ್ರ ಸಮಿತಿ (Gurukula Kala Pratishtana) ವತಿಯಿಂದ ಜನವರಿ ೨೨ ರಂದು ಬೆಳಗ್ಗೆ 10.30ಕ್ಕೆ ಬೆಂಗಳೂರಿನ ಮುದ್ದಿನಪಾಳ್ಯ ಮುಖ್ಯ ರಸ್ತೆಯ ಶಾಂತ ಮಲ್ಟಿಸ್ಪೆಷಾಲಿಟಿ ಆಸ್ಪತ್ರೆ ಬಳಿಯ ಸ್ಫೂರ್ತಿಧಾಮದಲ್ಲಿ ʼಗುರುಕುಲ ಕಲಾ ಸಾಹಿತ್ಯ ಸಮ್ಮೇಳನ-೨ ಹಮ್ಮಿಕೊಳ್ಳಲಾಗಿದೆ. ಸಮ್ಮೇಳನದಲ್ಲಿ ವಿವಿಧ ಕ್ಷೇತ್ರಗಳ ಸಾಧಕರಿಗೆ ಗುರುಕುಲ ಪ್ರಶಸ್ತಿ ಪ್ರದಾನ ಹಾಗೂ ವಿವಿಧ ಕಾರ್ಯಕ್ರಮಗಳು ನಡೆಯಲಿದೆ.
ಇದೇ ಸಂದರ್ಭದಲ್ಲಿ ದರ್ಶನ್‌ ನರಿಗೇಹಳ್ಳಿ ಸಂಸ್ಮರಣ ಗ್ರಂಥ ಸ್ಮರಣ ಸಂಚಿಕೆ ಬಿಡುಗಡೆ (ಗುರುಕುಲ ರತ್ನ) ಹಾಗೂ ಇನ್ನಿತರ ಕೃತಿಗಳ ಬಿಡುಗಡೆ, ಗುರುಕುಲ ಯಶೋಗಾಥೆ ವಿಜೇತರಿಗೆ ಬಹುಮಾನ ವಿತರಣೆ, ಉಚಿತ ಆರೋಗ್ಯ ತಪಾಸಣೆ ಹಾಗೂ ಕವಿಗೋಷ್ಠಿ ಆಯೋಜಿಸಲಾಗಿದೆ.
ಬೆಳಗ್ಗೆ ೧೦.30ರಿಂದ ೧೨ ಗಂಟೆವರೆಗೆ ವೇದಿಕೆ ಕಾರ್ಯಕ್ರಮ ನಡೆಯಲಿದೆ. ತುಮಕೂರು ಜಿಲ್ಲೆ ಹುಲಿಯೂರು ದುರ್ಗದ ಸಿದ್ಧಗಂಗಾ ಮಠದ ಶ್ರೀ ಸಿದ್ದಲಿಂಗ ಶಿವಾನಂದ ಮಹಾಸ್ವಾಮಿ ಅವರು ಸಾನ್ನಿಧ್ಯ ವಹಿಸಲಿದ್ದಾರೆ. ಖ್ಯಾತ ಸಂಗೀತ ನಿರ್ದೇಶಕ, ನಟ ವಿ.ಮನೋಹರ್‌ ಕಾರ್ಯಕ್ರಮ ಉದ್ಘಾಟಿಸಲಿದ್ದಾರೆ. ನಿವೃತ್ತ ನ್ಯಾಯಾಧೀಶ, ನಿರ್ಮಾಪಕ, ಸಾಹಿತಿ ರೇವಣ್ಣ ಬಳ್ಳಾರಿ ಅವರು ಸ್ಮರಣ ಸಂಚಿಕೆ ಬಿಡುಗಡೆ ಮಾಡಲಿದ್ದಾರೆ. ಕೇಂದ್ರ ಗುರುಕುಲ ಗೌರವಾಧ್ಯಕ್ಷ ವಿದ್ಯಾ ವಾಚಸ್ಪತಿ ಕವಿತಾಕೃಷ್ಣ ಅಧ್ಯಕ್ಷತೆ ವಹಿಸಲಿದ್ದಾರೆ. ಗುರುಕುಲ ಪ್ರತಿಷ್ಠಾನದ ಸಂಸ್ಥಾಪಕ ಕಾರ್ಯಾಧ್ಯಕ್ಷ ಡಾ.ಶಿವರಾಜ ಗೌಡ ಪ್ರಾಸ್ತಾವಿಕ ನುಡಿಗಳನ್ನಾಡಲಿದ್ದಾರೆ.
ಖ್ಯಾತ ಗಾಯಕ, ರಂಗಭೂಮಿ ಮತ್ತು ಸಿನಿಮಾ ನಟ ಗುರುರಾಜ ಹೊಸಕೋಟೆ ಸಮ್ಮೇಳನದ ಅಧ್ಯಕ್ಷತೆ ವಹಿಸಲಿದ್ದಾರೆ. ಹುಲಿಯೂರುದುರ್ಗ ಲಕ್ಷ್ಮೀನಾರಾಯಣ್‌ ಸ್ವಾಗತ ಭಾಷಣ ಮಾಡಲಿದ್ದು, ಹಿರಿಯ ಸಾಹಿತಿ ಹಾಗೂ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ದೊಡ್ಡರಂಗೇಗೌಡ ಗುರುಕುಲ ಇತರೆ ಕೃತಿಗಳನ್ನು ಬಿಡುಗಡೆ ಮಾಡಲಿದ್ದಾರೆ.
ಪ್ರಶಸ್ತಿ ಪ್ರದಾನ
ಮಧ್ಯಾಹ್ನ ೧೨ರಿಂದ ೧.೩೦ ಪ್ರಶಸ್ತಿ ಪ್ರದಾನ ಸಮಾರಂಭ ನಡೆಯಲಿದೆ. ಜಾನಪದ ಖ್ಯಾತ ಗಾಯಕ ಗುರುರಾಜ್‌ ಹೊಸಕೋಟೆ ಅಧ್ಯಕ್ಷತೆ ವಹಿಸಲಿದ್ದಾರೆ. ಗುರುಕುಲ ಬೆಂಗಳೂರು ನಗರ ಘಟಕದ ಉಪಾಧ್ಯಕ್ಷ ಪರಮ್‌ ಗುಬ್ಬಿ ಆಶಯನುಡಿ ಆಡಲಿದ್ದಾರೆ. ಗುರುಕುಲ ಕೇಂದ್ರ ಸಂಘಟನಾ ಕಾರ್ಯದರ್ಶಿ ಡಾ.ಅಪ್ಪಾಜಿಗೌಡ ಅವರು ಸ್ವಾಗತ ಕೋರಲಿದ್ದಾರೆ. ಹಲವು ಕಲಾವಿದರು, ಗಣ್ಯರು ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ.
ಗುರುಕುಲ ಪ್ರಶಸ್ತಿ ಪುರಸ್ಕೃತರು
- ಗುರುಕುಲ ಕಲಾಸಾರ್ವಭೌಮ ವಿಶೇಷ ಪ್ರಶಸ್ತಿ -2022: ನಿಡಸಾಲೆ ಪುಟ್ಟಸ್ವಾಮಯ್ಯ, ಸಾಹಿತಿ, ನಿರ್ಮಾಪಕ ಹಾಗೂ ಅಧ್ಯಕ್ಷ, ಕನ್ನಡ ಪುಸ್ತಕ ಸಂಘ, ಬೆಂಗಳೂರು
- ಗುರುಕುಲ ಭೂರತ್ನ (ಕೃಷಿ): ರೈತಕವಿ ಎಂ.ಸಿ.ರಾಜಣ್ಣ, ದೊಡ್ಡಬಳ್ಳಾಪುರ
- ಗುರುಕುಲ ಕ್ರೀಡಾ ಕುಸುಮ (ಕ್ರೀಡೆ): ಭಾರತಿ, ಅಥ್ಲೆಟಿಕ್ಸ್‌ ಕ್ರೀಡಾಪಟು
- ಗುರುಕುಲ ವಿದ್ಯಾರತ್ನ (ಶಿಕ್ಷಣ): ಮೈಸೂರಿನ ಜ್ಯೋತಿ ಜಿ., ಧಾರವಾಡದ ಡಾ. ಎಸ್‌.ಬಿ. ಬಸೆಟ್ಟಿ, ಡಾ. ಬೆಂಗಳೂರಿನ ಸಿ.ಬಿ.ಬಂಡಾರಿ ಜೈನ ಸ್ಕೂಲ್‌ನ ಮಲಕಪ್ಪ (ಮಹೇಶ್), ನಾಹಿದಾತರನಂ, ಉದಂತ ಶಿವು, ಹಾಸನದ ದೇವರಾಜು ಬಸವನಹಳ್ಳಿ.
- ಗುರುಕುಲ ಚಾಣಕ್ಯ (ಸಂಘಟನೆ): ಬೆಂಗಳೂರಿನ ಖಿದ್ಮಾ ಫೌಂಡೇಶನ್‌ ರಾಜ್ಯ ಸಂಚಾಲಕ ಅಮೀರ್ ಬನ್ನೂರು, ವಿಶ್ವ ಕನ್ನಡ ಸಾಹಿತ್ಯ ಮತ್ತು ಸಾಂಸ್ಕೃತಿಕ ಸಂಸ್ಥೆ ಸಂಸ್ಥಾಪಕ ಅಧ್ಯಕ್ಷ ಈ.ರವೀ‌ಶ್‌, ಹಾಸನದ ಕೇಂದ್ರ ಕನ್ನಡ ಸಾಹಿತ್ಯ ವೇದಿಕೆ ಸಂಸ್ಥಾಪಕ ಅಧ್ಯಕ್ಷ ಕೊಟ್ರೇಶ್ ಉಪ್ಪಾರ, ಗ್ಲೋಬಲ್ ಕಂಟೆಂಟ್ ಕಂಪನಿ ಅಧ್ಯಕ್ಷ ಕನ್ನಡವೇ ಸತ್ಯ ರಂಗಣ್ಣ.
- ಗುರುಕುಲ ಮುದ್ರಾಶ್ರೇಷ್ಠ (ಮುದ್ರಣ): ಬೆಂಗಳೂರಿನ ನಂಜುಂಡೇಶ್ವರ ಪ್ರಿಂಟರ್ಸ್‌ನ ಮಲ್ಲಿಕಾರ್ಜುನ್, ಮಾತೃ ಕ್ರಿಯೇಷನ್ಸ್ ಮತ್ತು ಪ್ರಿಂಟ್ಸ್‌ನ ಅಶೋಕ್‌.
- ಗುರುಕುಲ ಕಲಾರತ್ನ (ರಂಗಭೂಮಿ): ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಕಲಾ ಮತ್ತು ಸಾಂಸ್ಕೃತಿಕ ಸಂಘದ ದಕ್ಷಿಣ ಕನ್ನಡ ಜಿಲ್ಲಾಧ್ಯಕ್ಷ ಯು.ಆರ್.ಶೆಟ್ಟಿ,
- ಗುರುಕುಲ ಜ್ಞಾನಸಿಂಧು (ಪತ್ರಿಕೋದ್ಯಮ): ಬೆಳಗಾವಿಯ ಚನ್ನಮಲ್ಲಪ್ಪ ಯಲ್ಲಪ್ಪ ಮೆಣಸಿನಕಾಯಿ, ಮಂಗಳೂರಿನ ಡಿ.ಐ. ಅಬೂಬಕರ್ ಕೈರಂಗಳ, ಕುಣಿಗಲ್‌ನ ಕೆ.ಎನ್.ಲೋಕೇಶ್.
- ಗುರುಕುಲ ಮಾಸದ ರತ್ನ (ಮರಣೋತ್ತರ ಗುರುಕುಲ ಸೇವೆ): ಚಿಕ್ಕಬಳ್ಳಾಪುರದ ಸೀಕಲ್ ನರಸಿಂಹಪ್ಪ, ತುಮಕೂರಿನ ದರ್ಶನ್‌ ನರಿಗೇಹಳ್ಳಿ.
- ಗುರುಕುಲ ಕಲಾ ಕೌಸ್ತುಭ (ಸಾಹಿತ್ಯ): ಬೆಂಗಳೂರಿನ ಎಂ.ದೇವರಕೊಂಡಪ್ಪ
ಇದನ್ನೂ ಓದಿ | ಧವಳ ಧಾರಿಣಿ ಅಂಕಣ | ರಾಮಕೃಷ್ಣ ಪರಮಹಂಸರ ತಪಸ್ಸಿನ ಸಾಫಲ್ಯದ ಫಲ ಸ್ವಾಮಿ ವಿವೇಕಾನಂದ