ಬೆಂಗಳೂರು: ನಟ ಡಾಲಿ ಧನಂಜಯ ಹಾಗೂ ಬೆಣ್ಣೆ ನಗರಿಯ ಬೆಡಗಿ ಅದಿತಿ ಪ್ರಭುದೇವ ನಟನೆಯ ʻಒನ್ಸ್ ಅಪಾನ್‌ ಎ ಟೈಮ್ ಇನ್ ಜಮಾಲಿಗುಡ್ಡʼ (Once Upon a Time In Jamaligudda) ಸಿನಿಮಾ ಸೆಪ್ಟೆಂಬರ್ 9ಕ್ಕೆ ರಾಜ್ಯಾದ್ಯಂತ ಬಿಡುಗಡೆಯಾಗಲಿದೆ. ಒಂದಕ್ಕಿಂತ ಒಂದು ವಿಭಿನ್ನ ಚಿತ್ರಗಳನ್ನು ಮಾಡುತ್ತಾ ಬಂದಿರುವ ಡಾಲಿ ಧನಂಜಯ್‌, ಈ ವರ್ಷ ಅತೀ ಹೆಚ್ಚು ಸಿನಿಮಾಗಳು ರಿಲೀಸ್ ಆದ ನಟ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಇದೀಗ ಈ ಚಿತ್ರದ ಪ್ರೋಮೊ ಹಾಡೊಂದನ್ನು ರಿಲೀಸ್ ಮಾಡಲಾಗಿದೆ. ಈ ಮೆಲೋಡಿ ಹಾಡು ಈಗ ಪ್ರತಿಯೊಬ್ಬರ ಹಾಟ್ ಫೇವರಿಟ್ ಆಗುತ್ತಿದೆ. ಈ ಚಿತ್ರವನ್ನು ʻಕನ್ನಡಕ್ಕಾಗಿ ಒಂದನ್ನು ಒತ್ತಿʼ ಸಿನಿಮಾದ ನಿರ್ದೇಶಕ ಕುಶಾಲ್‌ ಗೌಡ ನಿರ್ದೇಶಿಸುತ್ತಿದ್ದಾರೆ. ನಿಹಾರಿಕಾ ಮೂವೀಸ್‌ ಬ್ಯಾನರ್‌ ಅಡಿ ಶ್ರೀಹರಿ ಅವರು ನಿರ್ಮಾಣ ಮಾಡುತ್ತಿದ್ದಾರೆ.
ಇದನ್ನೂ ಓದಿ | ಇದು ಜಾಲಿ ಡೇಸ್‌ ಅಲ್ಲ ಡಾಲಿ ಡೇಸ್‌!
ಡಾಲಿ ಧನಂಜಯ್‌ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದು, ಅವರು ನಟಿಸಿರುವ ʻಹೆಡ್‌ ಬುಷ್‌ʼ ಸಿನಿಮಾ ಅಕ್ಟೋಬರ್‌ 21ರಂದು ತೆರೆಗೆ ಬರಲಿದೆ. ಈ ಸಿನಿಮಾದಲ್ಲಿ ಬೆಂಗಳೂರಿನ ಭೂಗತ ದೊರೆ ಜಯರಾಜ್‌ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಚಿತ್ರದಲ್ಲಿ ರವಿಚಂದ್ರನ್‌, ವಸಿಷ್ಠ ಸಿಂಹ, ಶ್ರುತಿ ಹರಿಹರನ್‌ ಸೇರಿದಂತೆ ಹೆಸರಾಂತ ತಾರಾಬಳಗವೇ ಇದೆ. ಆಗಸ್ಟ್‌ನಲ್ಲಿ ʼಮಾನ್ಸೂನ್‌ ರಾಗʼ (Monsoon Raaga), ಅಕ್ಟೋಬರ್‌ನಲ್ಲಿ ́ಹೆಡ್‌ ಬುಷ್‌ʼ (Head Bush), ನವೆಂಬರ್‌ನಲ್ಲಿ “ಹೊಯ್ಸಳʼ (Hoysala) ಅಲ್ಲದೆ, ಜಗ್ಗೇಶ್‌ ಜತೆಗಿನ ʼತೋತಾಪುರಿʼ (Totapuri) ಸಿನಿಮಾ ಕೂಡ ರಿಲೀಸ್ ಆಗಬಹುದು.
‘ಅವಳಿ ನಗರಗಳ ಹೆಸರಿನಲ್ಲಿ ಅವಳಿ ಕೈದಿಗಳ ಅನಾವರಣ’ ಎಂದು ಕ್ಯಾಪ್ಷನ್‌ ನೀಡಿ ಡಾಲಿ ಧನಂಜಯ್‌ ಹಾಗೂ ಯಶ್‌ ಶೆಟ್ಟಿ ಅವರ ಪಾತ್ರದ ಪರಿಚಯವನ್ನು ಈ ಹಿಂದೆ ರಿವೀಲ್‌ ಮಾಡಲಾಗಿತ್ತು.
ಇದನ್ನೂ ಓದಿ | ಡಾಲಿಯ Haysala Movie ಸೆಟ್‌ಗೆ ಭೇಟಿ ನೀಡಿದ ಅಂತಾರಾಷ್ಟ್ರೀಯ ಕ್ರಿಕೆಟ್‌ ಆಟಗಾರ್ತಿ