ಬೆಂಗಳೂರು: ಸತತವಾಗಿ ಸುರಿಯುತ್ತಿರುವ ಮಳೆಗೆ (Rain News) ಜನರು ನಲುಗಿ ಹೋಗಿದ್ದಾರೆ. ಮಳೆಯಿಂದ ಹಲವು ಭಾಗಗಳಲ್ಲಿ ಅವಾಂತರವೇ ಸೃಷ್ಟಿಯಾಗಿದ್ದು, ಬಿಬಿಎಂಪಿ ಜನರ ಸಹಾಯಕ್ಕೆ ಕಂಟ್ರೋಲ್ ರೂಂ ಜತೆಗೆ ಹೆಲ್ಪ್ಲೈನ್ ಅನ್ನೂ ತೆರೆದಿದ್ದು, ತುರ್ತು ಸಂದರ್ಭಗಳಿಗೆ ಕರೆ ಮಾಡುವಂತೆ ಪಾಲಿಕೆ ಅಧಿಕಾರಿಗಳು ತಿಳಿಸಿದ್ದಾರೆ.
ಈ ಮೊದಲು ನಾಯಿ, ಬೆಕ್ಕು ಇತರೆ ಪ್ರಾಣಿಗಳ ಕುರಿತಾಗಿ ಇದ್ದ ಹೆಲ್ಪ್ಲೈನ್ ನಂಬರ್- 1533 ಅನ್ನೇ ಮಳೆ ಸಂಬಂಧದ ದೂರಿಗೂ ಬಳಸಿಕೊಳ್ಳಬಹುದಾಗಿದೆ. ಬಿಬಿಎಂಪಿ ಕಂಟ್ರೋಲ್ ರೂಂ ನಂಬರ್ 080-2266 0000 ಜತೆಗೆ ವಾಟ್ಸ್ಆ್ಯಪ್ ಹೆಲ್ಪ್ಲೈನ್ ನಂಬರ್ 9480685700 ಮೂಲಕವು ದೂರ ಕೊಡಲು ಅವಕಾಶ ಕಲ್ಪಿಸಲಾಗಿದೆ.
ಮಳೆಗೆ ಮರ ಧರೆಗುರುಳಿದ್ದರೆ, ರಸ್ತೆ ಜಲಾವೃತಗೊಂಡಿದ್ದರೆ, ಮಳಗೆ ಮನೆಗೋಡೆ ಕುಸಿದು ಬಿದ್ದಿರುವುದು ಸೇರಿದಂತೆ ಮಳೆಯಿಂದ ಯಾವುದೇ ಹಾನಿ ಸಂಭವಿಸಿ ಸಮಸ್ಯೆ ಆಗಿದ್ದರೆ ಕಂಟ್ರೋಲ್ ರೂಂ ಹಾಗೂ ಹೆಲ್ಪ್ಲೈನ್ ನಂಬರ್‌ಗೆ ಕರೆ ಮಾಡಬಹುದಾಗಿದೆ.
ಇದನ್ನೂ ಓದಿ | Rain News | ರಾಜಧಾನಿಯಲ್ಲಿ ಮಳೆ ಅವಾಂತರ; ಹಾನಿ ಪ್ರದೇಶಗಳಿಗೆ ಇಂದು ಸಂಜೆ ಸಿಎಂ ರೌಂಡ್ಸ್‌