ಬೆಂಗಳೂರು, ಕರ್ನಾಟಕ: ಸಿಲಿಕಾನ್ ಸಿಟಿ ಬೆಂಗಳೂರು ನಗರದಲ್ಲಿ (Bengaluru City) ಸೀರೆ ಕಳ್ಳಿಯರ ಹಾವಳಿ ಹೆಚ್ಚಾಗಿದೆ(Saree Theft). ಸೀರೆ ಖರೀದಿಸುವ ನೆಪದಲ್ಲಿ ಅಂಗಡಿಗೆ ಬರುವ ಈ ತಂಡ, ಚಾಣಾಕ್ಷತನದಿಂದ ಸೀರೆಗಳನ್ನು ಕದ್ದು ಎಸ್ಕೇಪ್ ಆಗುತ್ತಿತ್ತು! ಅಂಗಡಿಯಾತನ ಕಣ್ಣಿಗೆ ಮಣ್ಣೇರಚಿ ಲಕ್ಷಾಂತರ ರೂಪಾಯಿ ಮೌಲ್ಯದ ಸೀರೆಗಳನ್ನು ಕದಿಯುತ್ತಿದ್ದ ಗ್ಯಾಂಗ್ ಕೊನೆಗೂ ಅರೆಸ್ಟ್ ಆಗಿದೆ. ಗುಂಟೂರ್‌ನಿಂದ ಬೆಂಗಳೂರುವರೆಗೂ (Guntur to Bengaluru) ಈ ತಂಡ ಸೀರೆಗಳನ್ನು ಕದ್ದ ಆರೋಪವಿದೆ. ಬೆಂಗಳೂರು ಅಶೋಕ್ ನಗರದ ಪೊಲೀಸರು (Bengaluru Police) ಈ ತಂಡವನ್ನು ಗುಂಟೂರ್‌ನಲ್ಲಿ ಅರೆಸ್ಟ್ ಮಾಡಿದ್ದಾರೆ(Women Arrested).
ಸೀರೆ ಕದಿಯುವ ಕೆಲಸದಲ್ಲಿ ನಿಷ್ಣಾತರಾಗಿರುವ ತಂಡವು ತಾವು ಹೈ ಫೈ ಎಂದು ತೋರಿಸಿಕೊಳ್ಳುವುದಕ್ಕಾಗಿ ಸ್ಕಾರ್ಫಿಯೋ ಕಾರಿನಲ್ಲಿ ಅಂಗಡಿಗಳಿಗೆ ಬರುತ್ತಿದ್ದರು. ಮೈ ತುಂಬಾ ಒಡವೆ ಹಾಕಿಕೊಂಡ ಹೆಣ್ಣು ಮಕ್ಕಳು ಸ್ಕಾರ್ಫಿಯೋ ಕಾರಿನಲ್ಲಿ ಬರುತ್ತಿದ್ದರು. ಅಂಗಡಿಯಲ್ಲಿ ದುಬಾರಿ ಬೆಲೆ ಅಂದರೆ ಲಕ್ಷ ಲಕ್ಷ ರೂಪಾಯಿ ಮೌಲ್ಯದ ಸೀರೆಗಳನ್ನು ಹುಡುಕುತ್ತಿದ್ದರು. ಹತ್ತಾರು ಸೀರೆಗಳನ್ನು ಹರವಿಕೊಂಡು ಎಲ್ಲವನ್ನೂ ಟ್ರಯಲ್ ಮಾಡುತ್ತಿದ್ದರು. ಮೈಮೇಲೆ ಹಾಕಿಕೊಂಡು ಚೆಕ್ ಮಾಡುತ್ತಿದ್ದರು. ಬೇರೆ ಬೇರೆ ಸೀರೆಗಳನ್ನು ತರಿಸಿಕೊಳ್ಳುತ್ತಿದ್ದರು. ಇವರ ಬೇಡಿಕೆಗೆ ಅನುಗುಣವಾಗಿ ಸೀರೆಗಳನ್ನು ಅಂಗಡಿಯುವ ಹೆಕ್ಕಲು ಹೋದಾಗ, ಇವರು ತಮ್ಮ ಕಳ್ಳತನದ ಕರಾಮತ್ತು ಪ್ರದರ್ಶಿಸುತ್ತಿದ್ದರು.
ಸೀರೆಯೊಳಗೇ ಸೀರೆ ಮಾಯ!
ಬೇರೆ ಡಿಸೈನ್ ಸೀರೆ ತರಲು ಅತ್ತ ಸೇಲ್ಸ್ ಮನ್ ಮುಖ ಮಾಡಿದರೆ ಇತ್ತ ಕಳ್ಳಿಯರು ಸೀರೆ ಬಂಡಲ್‌ಗಳನ್ನು ಎಗರಿಸುತ್ತಿದ್ದರು. ಕದ್ದ ಸೀರೆಗಳನ್ನು ತಮ್ಮ ಸೀರೆಗಳಿಗೆ ಅಡಗಿಸಿಕೊಳ್ಳುತ್ತಿದ್ದರು. ಮತ್ತೊಂದಿಬ್ಬರು ಸೀರೆಗಳನ್ನು ಅಗಲವಾಗಿ ಹರಡಿಕೊಂಡು ಕದಿಯುವುದನ್ನು ಇತರರು ನೋಡದಂತೆ ಮಾಡುತ್ತಿದ್ದರು. ಕಳ್ಳಿಯರ ಈ ಕರಾಮತ್ತು ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
ಸೀರೆ ಕದ್ದು ತಮ್ಮ ಕಾಲುಗಳ ಮಧ್ಯೆ ಇಟ್ಟುಕೊಂಡು ಅಂಗಡಿಯಿಂದ ಪರಾರಿಯಾಗುತ್ತಿರುವಾಗ ಸೀರೆ ಕಾಲು ನಡುವಿನಿಂದ ಕೆಳಗೆ ಬಿದ್ದಿದೆ. ಆಗ ಅನುಮಾನಗೊಂಡ ಸೆಕ್ಯುರಿಟಿ ಮಾಲೀಕರಿಗೆ ವಿಷಯ ತಿಳಿಸಿದ್ದಾನೆ. ಕೂಡಲೇ ಸಿಸಿಟಿವಿ ಪರೀಕ್ಷಿಸಿದಾಗ ಕಳ್ಳಿಯರ ಸೀರೆ ಕಳ್ಳಾಟ ಬಯಲಾಗಿದೆ.
ಗುಂಟೂರು ಟು ಬೆಂಗಳೂರು
ಸೀರೆ ಕಳ್ಳಿಯರ ಕುರಿತು ಬೆಂಗಳೂರಿನ ಅಶೋಕ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಕೂಡಲೇ ಕಾರ್ಯಾಚರಣೆಗಿಳಿದ ಪೊಲೀಸರು ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿದ್ದಾರೆ. ಅಂತಿಮವಾಗಿ ಅವರನ್ನು ಗುಂಟೂರಿನಲ್ಲಿ ಸೆರೆ ಹಿಡಿಯಲಾಗಿದೆ. ಬಂಧಿತರನ್ನು ರಮಣ್, ರತ್ನಾಲು ಮತ್ತು ಚುಕ್ಕಮ್ಮ ಎಂದು ಗುರುತಿಸಲಾಗಿದೆ. ಹೈಗ್ರೌಂಡ್ಸ್ ಪೊಲೀಸ್ ಠಾಣೆಯಲ್ಲೂ ಗುಂಟೂರು ಮೂಲದ ಆರೋಪಿಗಳು ಅರೆಸ್ಟ್ ಆಗಿದ್ದರು. ಈ ಎರಡು ಗ್ಯಾಂಗ್ ಗೂ ಸ್ಯಾರಿ ಕಳ್ಳತನದ ಸಾಮ್ಯತೆ ಇದೆ. ಎರಡು ಗ್ಯಾಂಗ್ ಲಿಂಕ್ ಇರುವ ಬಗ್ಗೆ ತನಿಖೆ ಮಾಡಲಾಗುತ್ತಿದೆ
ಈ ಸುದ್ದಿಯನ್ನೂ ಓದಿ: Viral Video| ಹಸಿರು ಸೀರೆಯುಟ್ಟು ಚಿನ್ನದ ಅಂಗಡಿಗೆ ಬಂದು, 10ಲಕ್ಷ ರೂ. ಬೆಲೆಯ ನೆಕ್ಲೆಸ್ನ್ನು ಸೆರಗಲ್ಲಿ ಎಗರಿಸಿದ ಮಹಿಳೆ
ಗುಂಟೂರು ಗ್ಯಾಂಗ್ 10 ಕ್ಕೂ ಹೆಚ್ಚು ಕಡೆ ಕಳ್ಳತನ ಮಾಡಿರೋದು ತನಿಖೆಯಿಂದ ಪತ್ತೆಯಾಗಿದೆ. ಸದ್ಯ ಅಶೋಕನಗರ ಪೊಲೀಸರಿಂದ ಸೀರೆ ಗ್ಯಾಂಗ್ ಆರೋಪಿಗಳ ತನಿಖೆ ನಡೆಸಲಾಗುತ್ತಿದೆ.
ರಾಜ್ಯದ ಇನ್ನಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.