ಬೆಂಗಳೂರು: ಶ್ರೀನಿವಾಸ ಸಹೋದರರ ಸಂಘ ಹಾಗೂ ಶ್ರೀ ಜಯರಾಮ ಸೇವಾ ಮಂಡಳಿ ವತಿಯಿಂದ ಜಯನಗರದ 8ನೇ ಬಡಾವಣೆ 1ನೇ ಮುಖ್ಯರಸ್ತೆ 40ನೇ ಅಡ್ಡರಸ್ತೆಯ ಶ್ರೀ ಜಯರಾಮ ಸೇವಾ ಮಂಡಳಿಯಲ್ಲಿ ನವೆಂಬರ್‌ 17 ರಂದು ಸಂಜೆ 5.45ಕ್ಕೆ ʼಶ್ರೀ ಲಲಿತಾನಾಮ ವೈಭವʼ ಕೃತಿ ಲೋಕಾರ್ಪಣೆ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ.
ಉತ್ತರ ಕನ್ನಡ ಜಿಲ್ಲೆ ಸಿದ್ದಾಪುರದ ಶಿರಳಗಿಯ ಚೈತನ್ಯ ಶ್ರೀರಾಜಾರಾಮ ಕ್ಷೇತ್ರದ ಆಚಾರ್ಯರಾದ ಪೂಜ್ಯ ಶ್ರೀ ಬ್ರಹ್ಮಾನಂದಭಾರತೀ ಸ್ವಾಮಿಗಳು ಕಾರ್ಯಕ್ರಮ ದಿವ್ಯ ಸಾನ್ನಿಧ್ಯ ವಹಿಸಲಿದ್ದಾರೆ. ಉತ್ಥಾನ ಪತ್ರಿಕೆ ಗೌರವ ಪ್ರಧಾನ ಸಂಪಾದಕ ನಾಡೋಜ ಡಾ. ಎಸ್.ಆರ್. ರಾಮಸ್ವಾಮಿ, ಹೈಕೋರ್ಟ್‌ ನ್ಯಾಯಮೂರ್ತಿ ಕೃಷ್ಣ ಎಸ್. ದೀಕ್ಷಿತ್‌, ತಿರುಪತಿಯ ರಾಷ್ಟ್ರೀಯ ಸಂಸ್ಕೃತ ವಿಶ್ವವಿದ್ಯಾನಿಲಯದ ವೇದಾಂತ ಪ್ರಾಧ್ಯಾಪಕರು ಮತ್ತು ವಿಭಾಗ ಪ್ರಮುಖ ಡಾ. ಕೆ.ಎಸ್. ಸತೀಶ ಭಟ್ಟ, ಸಾಹಿತಿ ಹಾಗೂ ವಿಮರ್ಶಕ ಜಿ.ಬಿ. ಹರೀಶ್, ಕೃತಿಯ ಲೇಖಕ ವಿದ್ವಾನ್ ಗಣೇಶ್ ಭಟ್ಟ ಹೋಬಳಿ ಉಪಸ್ಥಿತರಿರಲಿದ್ದಾರೆ.
ಇದನ್ನೂ ಓದಿ | ನ.19 ರಂದು ಮೇಧಾನಮನಮ್-ಸಂಸ್ಕೃತೋತ್ಸವ, ಮೈತ್ರೀ ಪುರಸ್ಕಾರ ಪ್ರದಾನ