ಬೆಂಗಳೂರು: ಹರಿವು ಬುಕ್ಸ್ ಪ್ರಕಾಶನದ ವತಿಯಿಂದ ದೇವರಾಗಲು ಮೂರೇ ಗೇಣು, ರಥಬೀದಿ ಎಕ್ಸ್ಪ್ರೆಸ್ ಹಾಗೂ ಚಿಣ್ಣರ ಗೋಲಿ ಆಟ ಪುಸ್ತಕಗಳನ್ನು ಅನಾವರಣ (Book Release) ಮಾಡಲಾಯಿತು. ಬನಶಂಕರಿಯ ಸುಚಿತ್ರಾ ಸಿನಿಮಾ ಮತ್ತು ಕಲ್ಚರಲ್ ಫೌಂಡೇಷನ್ನಲ್ಲಿ ನಡೆದ ಈ ಕಾರ್ಯಕ್ರಮದಲ್ಲಿ ಲೇಖಕ ಜಗದೀಶ್ ಶರ್ಮಾ ಸಂಪ ಹಾಗೂ ಸಿನಿಮಾ ನಿರ್ದೇಶಕ, ಸಾಹಿತಿ ಹೃದಯಶಿವ ಪುಸ್ತಕಗಳನ್ನು ಅನಾವರಣಗೊಳಿಸಿದರು.
ಬಳಿಕ ಮಾತನಾಡಿದ ಲೇಖಕ ಜಗದೀಶ್ ಶರ್ಮಾ ಸಂಪ ಅವರು, ವಿಕಾಸ್ ನೇಗಿಲೋಣಿ ಅವರ ರಥಬೀದಿ ಎಕ್ಸ್ಪ್ರೆಸ್, ಡಾ.ಶಾಂತಲಾ ಅವರ ದೇವರಾಗಲು ಮೂರೇ ಗೇಣು ಹಾಗೂ ಯಶಸ್ವಿನಿಯವರು ಬರೆದ ಚಿಣ್ಣರ ಗೋಲಿ ಆಟ ಈ ಮೂರು ಪುಸ್ತಕಗಳು ಭಿನ್ನ ಭಿನ್ನವಾದ ವಿಷಯಗಳನ್ನು ತೆರೆದಿಡುತ್ತವೆ. ಬಾಲ್ಯದ ಘಟ್ಟಗಳನ್ನು ಬಿಚ್ಚಿಡುವ ಪ್ರಯತ್ನವನ್ನು ಮಾಡಿದೆ ಎಂದು ಪುಸ್ತಕಗಳ ಪರಿಚಯ ಮಾಡಿಕೊಟ್ಟರು.
ಇದನ್ನೂ ಓದಿ: IPL 2023: ಟಿಕೆಟ್‌ ಸೋಲ್ಡ್‌ಔಟ್‌ ಆದರೂ ಚಿನ್ನಸ್ವಾಮಿ ಸ್ಟೇಡಿಯಂ ಬಳಿ ಜನಸಾಗರ; ಗುಂಪು ಚದುರಿಸಲು ಲಾಠಿ ಚಾರ್ಜ್‌
ಇದೇ ವೇಳೆ ಮಾತನಾಡಿದ ಲೇಖಕ ವಿಕಾಸ್ ನೇಗಿಲೋಣಿ, ಇದು ನನ್ನ ಐದನೇ ಪುಸ್ತಕವಾಗಿದೆ. ಬಾಲ್ಯದ ಲೋಕವನ್ನು ಬಿಚ್ಚಿಡುವ ಕಥಾಹಂದರ ಹೊಂದಿದೆ ಎಂದರು. ಕಾರ್ಯಕ್ರಮದಲ್ಲಿ ಸಾಹಿತ್ಯಾಸಕ್ತರು, ಲೇಖಕರು ಭಾಗಿಯಾಗಿದ್ದರು.