ಬಳ್ಳಾರಿ: ಇಲ್ಲಿನ ಲಯನ್ಸ್ ಕ್ಲಬ್ (Lions Club) ಆಫ್ ಬಳ್ಳಾರಿಯ ನೂತನ ಅಧ್ಯಕ್ಷರಾಗಿ (President) ಲೆಕ್ಕ ಪರಿಶೋಧಕ ಸಿದ್ಧರಾಮೇಶ್ವರಗೌಡ ಕರೂರು ಆಯ್ಕೆಗೊಂಡಿದ್ದಾರೆ.
ನಗರದ ಕಪ್ಪಗಲ್ ರಸ್ತೆಯಲ್ಲಿರುವ ಲಯನ್ಸ್ ಕ್ಲಬ್ ಸಭಾಂಗಣದಲ್ಲಿ ಮಂಗಳವಾರ ಪದಗ್ರಹಣ ಸಮಾರಂಭ ಜರುಗಿತು. ಕ್ಲಬ್‌ನ ನಿಕಟಪೂರ್ವ ಅಧ್ಯಕ್ಷ ಕಮಲ್‌ಕುಮಾರ್ ಜೈನ್ ಅವರು ನೂತನ ಅಧ್ಯಕ್ಷರಿಗೆ ಅಧಿಕಾರ ಹಸ್ತಾಂತರಿಸಿ ಶುಭ ಹಾರೈಸಿದರು.
ಇದನ್ನೂ ಓದಿ: Gold rate today : ಬೆಂಗಳೂರಿನಲ್ಲಿ ಬಂಗಾರದ ದರ 100 ರೂ. ಏರಿಕೆ, ಬೆಳ್ಳಿ ಯಥಾಸ್ಥಿತಿ
ಕ್ಲಬ್‌ನ ನೂತನ ಕಾರ್ಯದರ್ಶಿಯಾಗಿ ಕಲ್ಯಾಣ ಚರ್ಕವರ್ತಿ ಹಾಗೂ ಖಜಾಂಚಿಯಾಗಿ ಜಿ.ಎರ‍್ರಿಸ್ವಾಮಿ ಅವರು ಇದೇ ವೇಳೆ ಪದಗ್ರಹಣ ಮಾಡಿದರು.
ಈ ಸಂದರ್ಭದಲ್ಲಿ ಲಯನ್ಸ್ ಕ್ಲಬ್‌ನ ನಿಕಟಪೂರ್ವ ಪದಾಧಿಕಾರಿಗಳಾದ ಜಿ.ಶ್ರೀನಿವಾಸ್, ಗುರುರಾಜ್ ಬಹದ್ದೂರ್, ಸಿ.ಎರಿಸ್ವಾಮಿ, ರಾಜಶೇಖರ್, ಚಂದ್ರಕಾಂತ, ಮಲ್ಲಿಕಾರ್ಜುನ, ಸದಸ್ಯರು ಹಾಗೂ ಇತರರು ಉಪಸ್ಥಿತರಿದ್ದರು.