ಚಿತ್ರಾವತಿ ನದಿಯಲ್ಲಿ ಆಟೋ ಸಮೇತ ಕೊಚ್ಚಿಹೋದ ಚಾಲಕ

ಚಿಕ್ಕಬಳ್ಳಾಪುರ: ಆಂಧ್ರಪ್ರದೇಶದ ಗಡಿ ಭಾಗದ ಕೊಡಿಕೊಂಡ ಗ್ರಾಮದಲ್ಲಿ ಚಿತ್ರಾವತಿ ನದಿ ಸೇತುವೆ ಮೇಲೆ ನೀರಿನ ರಭಸಕ್ಕೆ ಆಟೋ ಸಮೇತ ಚಾಲಕ ಕೊಚ್ಚಿ ಹೋಗಿದ್ದಾರೆ.

ಆಂಧ್ರದ ಸುಬ್ರಾಯಪೇಟ ನಿವಾಸಿ ವಿಜಯ್ ನಾಪತ್ತೆಯಾದವರು. ಆಂಧ್ರಪ್ರದೇಶದ ಅನಂತಪುರ ಜಿಲ್ಲೆ ಹಿಂದೂಪುರ ತಾಲೂಕಿನ ಕೊಡಿಕೊಂಡ ಗ್ರಾಮದಲ್ಲಿ ನೀರು ರಭಸದಿಂದ ಹರಿಯುತ್ತಿತ್ತು.

ಈ ನೀರಿನಲ್ಲೆ ಭಾನುವಾರ ಆಟೋ ಮೂಲಕ ಸೇತುವೆ ಡಾಟಲು ವಿಜಯ್‌ ಮುಂದಾಗಿದ್ದಾರೆ. ನದಿ ನೀರು ರಭಸವಾಗಿ ಹರಿಯುತ್ತಿದ್ದರಿಂದ ಆಟೋ ಕೊಚ್ಚಿಹೋಗಿದೆ. ನಾಪತ್ತೆಯಾದ ವಿಜಯ್‌ಗಾಗಿ ಶೋಧನಾ ಕಾರ್ಯ ನಡೆಸಲಾಗುತ್ತಿದ್ದು, ಚಿಲಮತ್ತೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ | Rain News | ಬೆಂಗಳೂರಿನಲ್ಲಿ ಭಾರಿ ಮಳೆ: ಗೃಹ ಪ್ರವೇಶದ ಸಂಭ್ರಮ ನೀರು ಪಾಲು