ಚಿತ್ರದುರ್ಗ: ಐತಿಹಾಸಿಕ ಚಿತ್ರದುರ್ಗ ಕೋಟೆಯನ್ನು ಸರಸರನೆ ಹತ್ತಿಬಿಡುವ ಕೋತಿರಾಜ್ ಅಂದರೆ ಜ್ಯೋತಿರಾಜ್‌ ಎಲ್ಲರಿಗೂ ಪರಿಚಿತ. ಅವರಂತೆಯೇ IPS ಅಧಿಕಾರಿಯೊಬ್ಬರು ಬರಿಗೈ ಹಾಗೂ ಬರಿಗಾಲಲ್ಲಿ ಚಿತ್ರದುರ್ಗ ಕಲ್ಲಿನ ಕೋಟೆ ಏರಿದ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಈಗ ವೈರಲ್‌ ಆಗುತ್ತಿದೆ.
ಮಂಗಳೂರು ಪೊಲೀಸ್ ಕಮಿಷನರ್ ಶಶಿಕುಮಾರ್ ಕಲ್ಲಿನಕೋಟೆ ಏರಿದ ಐಪಿಎಸ್‌ ಅಧಿಕಾರಿ. ಇತ್ತೀಚೆಗೆ ಕೋಟೆಗೆ ಭೇಟಿ ನೀಡಿರುವ ಶಶಿಕುಮಾರ್ ಅವರು ಕೋತಿರಾಜ್ ಮಾದರಿಯಲ್ಲಿ ಕಲ್ಲಿನ ಗೋಡೆ ಏರಿದರು.
ಶಶಿಕುಮಾರ್ ಅವರು ಚಿತ್ರದುರ್ಗ ಜಿಲ್ಲೆ ಹಿರಿಯೂರು ತಾಲೂಕು ಪಿಟ್ಲಾಲಿ ಗ್ರಾಮದವರಾಗಿದ್ದು, ಕೋತಿರಾಜ್ ಮಾರ್ಗದರ್ಶನದಲ್ಲೆ ಕೋಟೆ ಏರಿದ್ದಾರೆ. ʼನಮ್ಮ ಚಿತ್ರದುರ್ಗ ನಮ್ಮ ಹೆಮ್ಮೆʼ ಎಂಬ ಬರಹದೊಂದಿಗೆ ವಿಡಿಯೋವನ್ನು ತಮ್ಮ ಫೇಸ್‌ಬುಕ್‌ನಲ್ಲಿ ಶಶಿಕುಮಾರ್ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ| ಚಿತ್ರದುರ್ಗದಲ್ಲಿ ರೆಡಿ ಆಗ್ತಿದಾರೆ 13 ಜನ ಕೋತಿರಾಜರು!