ಬಾಗಲಕೋಟೆ: ಶಿವನ ಕೊರಳ ಸುತ್ತ ಹಾವು ಇರುವುದನ್ನು ಎಲ್ಲರೂ ನೋಡಿದ್ದಾರೆ. ಶಿವನ ಮೂರ್ತಿಯ ಪಕ್ಕದಲ್ಲಿ ಒಂದು ನಾಗರಹಾವು ಹೆಡೆ ಬಿಚ್ಚಿ ಕುಳಿತ ದೃಶ್ಯ ಕಂಡರೆ ಏನಾಗಬೇಡ? ಹಳೆ ಬಾಗಲಕೋಟೆಯ ಜೈನ್ ಪೇಟೆಯಲ್ಲಿ ಬುಧವಾರ ಇಂತಹುದೊಂದು ದೃಶ್ಯ ಕಂಡುಬಂತು.
ಜೈನ್ ಪೇಟೆಯ ಶಂಕರಲಿಂಗ ದೇವಸ್ಥಾನದ ಸಮೀಪವಿರುವ ಮನೆಯಲ್ಲಿನ ಶಿವನ ಮೂರ್ತಿ ಪಕ್ಕಕ್ಕೇ ಬಂದು ಕುಳಿತ ನಾಗರಹಾವು ಹೆಡೆ ಬಿಚ್ಚಿ ಎಲ್ಲರನ್ನೂ ಬೆಚ್ಚಿ ಬೀಳಿಸಿತು. ಶಿವನ ಕೊರಳಲ್ಲಿರುವ ಹಾವಿನ ಹಾಗೆಯೇ ಇದು ಕೂಡಾ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿತು.
ಸಂಗಣ್ಣ ಬಾದವಾಡಗಿ ಮಾಲೀಕತ್ವದ ಬಸವರಾಜ ಹಳ್ಳೂರು ಅವರ ಮನೆಗೆ ಈ ನಾಗರ ಹಾವು ಬಂದಿತ್ತು. ಮನೆಯ ಜಂತಿಯಿಂದ ಇಳಿದು ಕಪಾಟಿನಲ್ಲಿಟ್ಟಿರುವ ಶಿವನ ಮೂರ್ತಿ ಪಕ್ಕ ಈ ಹಾವು ಬಂದಿತ್ತು.
ಇದನ್ನು ಗಮನಿಸಿದ ಸ್ಥಳೀಯ ಉರಗ ರಕ್ಷಕ ಸ್ನೇಕ್ ರಾಜು ಅವರಿಗೆ ಕರೆ ಮಾಡಿದರು. ಅವರು ಸ್ಥಳಕ್ಕೆ ಧಾವಿಸಿ ಹಾವನ್ನು ರಕ್ಷಿಸಿ ಸುರಕ್ಷಿತ ಸ್ಥಳಕ್ಕೆ ಬಿಟ್ಟು ಬಂದರು.
ಇದನ್ನೂ ಓದಿ | Viral story | ಜನನಿಬಿಡ ಪ್ರದೇಶದಲ್ಲಿ ಪ್ರತಿದಿನ ಬಂದು ದರ್ಶನ ನೀಡುವ ನಾಗರಹಾವು!