ಗಮನ ಬೇರೆಡೆ ಸೆಳೆದು ಹಣ ದೋಚುತ್ತಿದ್ದ ಅಂತಾರಾಜ್ಯ ಕಳ್ಳರ ಬಂಧನ

ದಾವಣಗೆರೆ : ಜನರ ಗಮನವನ್ನು ಬೇರೆಡೆ ಸೆಳೆದು ಹಣ, ಒಡವೆ ಮುಂತಾದ ವಸ್ತುಗಳನ್ನು ದೋಚುತ್ತಿದ್ದ ಇಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ.
ದಾವಣಗೆರೆಯ ಡಿಸಿಆರ್‌ಬಿ ಘಟಕವು ದರೊಡೆಕೋರರನ್ನು ಸೆರೆ ಹಿಡಿದಿದೆ. ಚೆನ್ನೈ ಮೂಲದ ನರೇಶ್‌, ಬೆಳಗಾವಿಯ ಲೋಂಡಾ ಮೂಲದ ಮೊಹಮದ್‌ ಹುಸೇನ್‌ ಮುಲ್ಲಾ ಬಂಧಿತರು. ಜನರ ಗಮನವನ್ನು ಬೇರೆಡೆ ಸೆಳೆದು ಆರೋಪಿಗಳು ದೋಚುತ್ತಿದ್ದರು.

ಇದನ್ನೂ ಓದಿ : ಜೊಮ್ಯಾಟೋ ವಿರುದ್ಧ ದಾವಣಗೆರೆಯಲ್ಲಿ ಪ್ರತಿಭಟನೆ

ಬಂಧಿತರಿಂದ ಪೊಲೀಸರು ₹21 ಲಕ್ಷ ವಶಪಡಿಸಿಕೊಂಡಿದ್ದಾರೆ. ಈಗಾಗಲೇ ಆರೋಪಿಗಳು 4 ಪ್ರಕರಣಗಳಲ್ಲಿ ಭಾಗಿಯಾಗಿದ್ದು, ಹಾವೇರಿಯ ಹಾನಗಲ್‌ ಪೊಲೀಸ್‌ ಠಾಣೆಯಲ್ಲಿ 1 ಪ್ರಕರಣ, ಹರಿಹರ ಠಾಣೆಯಲ್ಲಿ 1 ಪ್ರಕರಣದಲ್ಲಿ , ದಾವಣಗೆರೆಯ ವಿದ್ಯಾನಗರದ ಠಾಣೆಗಳಲ್ಲಿ 2 ಪ್ರಕರಣದಲ್ಲಿ ಬೇಕಾಗಿದ್ದವರು.
ದಾವಣಗೆರೆಯ ಹೈಸ್ಕೂಲ್‌ ಮೈದಾನದಲ್ಲಿ ಡಿಸಿಆರ್‌ಬಿ, ಡಿವೈಎಸ್‌ಪಿ ಬಸವರಾಜ್‌ ತಂಡದಿಂದ ಬಂಧನಕ್ಕೊಳಗಾಗಿದ್ದಾರೆ. ಇನ್ನೂ ಈ ಗ್ಯಾಂಗ್‌ಗೆ ಸಂಬಂಧಪಟ್ಟ ಆರೋಪಿಗಳ ಶೋಧ ಮುಂದುವರೆದಿದೆ. ಈ ಕುರಿತು ಡಿಸಿಆರ್‌ ಬಿ ತಂಡಕ್ಕೆ ಎಸ್‌ಪಿ ರಿಷ್ಯಂತ ಅಭಿನಂದನೆ ಸೂಚಿಸಿದ್ದಾರೆ.

ಇದನ್ನೂ ಓದಿ : ಕದ್ದ ಮಗುವನ್ನು ಹಿಂದಿರುಗಿಸಿದ ಮಹಿಳೆ: 20 ದಿನದ ಬಳಿಕ ಪತ್ತೆಯಾದ ನವಜಾತ ಶಿಶು