ಬೆಳಗಾವಿ: ಇಂದು ಮಧ್ಯಪ್ರದೇಶದಲ್ಲಿ ವಾಯುಸೇನೆ ವಿಮಾನ ಪತನ (IAF Fighter Jets Crash) ಉಂಟಾಗಿ ಮೃತಪಟ್ಟ ಪೈಲೆಟ್ನ್ನು ವಿಂಗ್ ಕಮಾಂಡರ್ ಹನುಮಂತರಾವ್ ಸಾರಥಿ ಎಂದು ಹೇಳಲಾಗಿದ್ದು, ಇವರು ನಮ್ಮ ಕರ್ನಾಟಕ ರಾಜ್ಯದ ಬೆಳವಾವಿ ಮೂಲದವರಾಗಿದ್ದಾರೆ.
ಇಂದು ಮುಂಜಾನೆ ಮಧ್ಯಪ್ರದೇಶದ ಗ್ವಾಲಿಯರ್ ವಾಯುನೆಲೆಯಿಂದ ಟೇಕ್ ಆಫ್ ಸುಖೋಯ್ 30 ಮತ್ತು ಮಿರಾಜ್ 2000- ಫೈಟರ್ ಜೆಟ್ಗಳು ಕೆಲವೇ ಕ್ಷಣಗಳಲ್ಲಿ ಪತನಗೊಂಡಿದ್ದವು. ಇದರಲ್ಲಿ ಸುಖೋಯ್ ವಿಮಾನ ಮಧ್ಯಪ್ರದೇಶದ ಮೊರೆನಾ ಬಳಿ ಬಿದ್ದಿದ್ದರೆ, ಮಿರಾಜ್ 2000 ವಿಮಾನ ರಾಜಸ್ಥಾನದ ಭರತ್ಪುರ ಬಳಿ ಪತನಗೊಂಡಿತ್ತು. ಸುಖೋಯ್ ವಿಮಾನದಲ್ಲಿದ್ದ ಇಬ್ಬರೂ ಪೈಲೆಟ್ಗಳು ಬಚಾವಾಗಿದ್ದರು. ಆದರೆ ಮಿರಾಜ್ 2000 ವಿಮಾನದ ಪೈಲೆಟ್ ಆಗಿದ್ದ ವಿಂಗ್ ಕಮಾಂಡರ್ ಹನುಮಂತರಾವ್ ಸಾರಥಿ ಮೃತಪಟ್ಟಿದ್ದಾರೆ.
ಈ ಬಗ್ಗೆ ಟ್ವೀಟ್ ಮಾಡಿರುವ ಭಾರತೀಯ ವಾಯು ಸೇನಾಪಡೆ ‘ಮಿರಾಜ್ ವಿಮಾನದಲ್ಲಿದ್ದ ಪೈಲೆಟ್ ವಿಂಗ್ ಕಮಾಂಡರ್ ಹನುಮಂತರಾವ್ ಸಾರಥಿ ಗಂಭೀರವಾಗಿ ಗಾಯಗೊಂಡಿದ್ದರು. ಅವರನ್ನು ಆಸ್ಪತ್ರೆಗೆ ದಾಖಲಾಗಿತ್ತು. ಆದರೆ ಬದುಕುಳಿಯಲಿಲ್ಲ. ಸುಖೋಯ್ನಲ್ಲಿದ್ದ ಇಬ್ಬರೂ ಪೈಲೆಟ್ಗಳಿಗೆ ಚಿಕಿತ್ಸೆ ಮುಂದುವರಿದಿದೆ’ ಎಂದು ಹೇಳಿದೆ. ಹನುಮಂತರಾವ್ ಸಾರಥಿ ಬೆಳಗಾವಿ ಮೂಲದವರೆಂದಷ್ಟೇ ವಿಷಯ ಗೊತ್ತಾಗಿದ್ದು, ಇನ್ನಷ್ಟು ಮಾಹಿತಿ ಹೊರಬೀಳಬೇಕಿದೆ.
ಇದನ್ನೂ ಓದಿ: IAF Fighter Jets Crash: ಪತನವಾಗಿದ್ದು ಮೂರಲ್ಲ, ಎರಡೇ ಯುದ್ಧ ವಿಮಾನಗಳು; ಒಬ್ಬ ಪೈಲೆಟ್ ಸಾವು