ಬೆಂಗಳೂರು: ಮಾಜಿ ಸಚಿವ ಎಂ. ರಘುಪತಿ ಅವರು ನಿಧನರಾಗಿದ್ದಾರೆ. ರಾಮಕೃಷ್ಣ ಹೆಗಡೆ ಅವರ ಜನತಾ ಪಕ್ಷ ಸರಕಾರದಲ್ಲಿ ರಘುಪತಿ ಸಚಿವರಾಗಿದ್ದರು.
ಮೊದಲು ಕಾಂಗ್ರೆಸ್‌ನಲ್ಲಿದ್ದ ರಘುಪತಿ ಅವರು ಆ ಬಳಿಕ ಜನತಾ ಪರಿವಾರ ಸೇರಿ ಮುಂಚೂಣಿಗೆ ಬಂದಿದ್ದರು. ರಘುಪತಿ ಅವರು ಕಾಂಗ್ರೆಸ್‌ ಪಕ್ಷದ ರಾಷ್ಟ್ರೀಯ ಕಾರ್ಯದರ್ಶಿಯೂ ಆಗಿದ್ದರು. ಯೂತ್‌ ಕಾಂಗ್ರೆಸ್‌ನ ಮಾಜಿ ಅಧ್ಯಕ್ಷರಾಗಿಯೂ ಸೇವೆ ಸಲ್ಲಿಸಿದ್ದರು.
ರಾಮಕೃಷ್ಣ ಹೆಗಡೆ ಸರಕಾರದಲ್ಲಿ ಶಿಕ್ಷಣ ಸಚಿವರಾಗಿಯೂ ಖ್ಯಾತಿ ಪಡೆದಿದ್ದರು. ರಘುಪತಿ ಅವರು ಆ ಕಾಲದಲ್ಲಿ ಬಿಂದಾಸ್‌ ರಾಜಕಾರಣಿ ಎಂದೇ ಹೆಸರುವಾಸಿಯಾಗಿದ್ದರು. ಸಿನಿಮಾ ರಂಗದ ಖ್ಯಾತ ತಾರೆಯರ ಜತೆಗೂ ಅವರಿಗೆ ಒಡನಾಟವಿತ್ತು. ಇತ್ತೀಚಿನ ಕೆಲವು ವರ್ಷಗಳಿಂದ ಅವರು ಸಕ್ರಿಯ ರಾಜಕಾರಣದಿಂದ ತೆರೆಮರೆಗೆ ಸರಿದಿದ್ದರು.