ಬೀದರ್: ಪವರ್ ಸ್ಟಾರ್ ಪುನೀತ್‌ ರಾಜಕುಮಾರ್‌ ಅಭಿನಯದ ಕೊನೇ ಚಿತ್ರ “ಗಂಧದ ಗುಡಿ”ಯನ್ನು (Gandhada Gudi) ಅಭಿಮಾನಿಗಳು ಸೇರಿದಂತೆ ಸಾರ್ವಜನಿಕರು ವಿಶೇಷ ರೀತಿಯಲ್ಲಿ ಬರಮಾಡಿಕೊಂಡಿದ್ದಾರೆ. ರಾಜ್ಯದ ಎಲ್ಲೆಡೆ ಈ ಚಿತ್ರವು ಅದ್ಧೂರಿ ಪ್ರದರ್ಶನ ಕಾಣುತ್ತಿದೆ. ಬೀದರ್‌ನಲ್ಲಿ ಅಭಿಮಾನಿಗಳು ಮೆರವಣಿಗೆ ಮೂಲಕ ಅಭಿಮಾನ ಮೆರೆದಿದ್ದಾರೆ.
ಬೀದರ್ ನಗರದ ಸಪ್ನಾ ಮಲ್ಟಿಪ್ಲೆಕ್ಸ್‌ನಲ್ಲಿ ಬೆಳಗ್ಗೆ 11.30ಕ್ಕೆ ಶೋ ಆರಂಭವಾಗಲಿದೆ. ಇದೂ ಸೇರಿದಂತೆ ಬಹುತೇಕ ಕಡೆ ಟಿಕೆಟ್ ಸೋಲ್ಡ್ ಔಟ್ ಆಗಿದೆ. ವಿವಿಧ ಕಡೆ ಚಲನಚಿತ್ರ ಮಂದಿರಗಳು ಸಿಂಗಾರಗೊಂಡಿವೆ.
ಅಪ್ಪು ಅಭಿಮಾನಿಗಳಿಂದ ಮೆರವಣಿಗೆ
ಪುನೀತ್‌ ರಾಜಕುಮಾರ್‌ ಅಭಿಮಾನಿಗಳಿಂದ ನಗರದ ವಿವಿಧೆಡೆ ಮೆರವಣಿಗೆಯನ್ನು ಹಮ್ಮಿಕೊಳ್ಳಲಾಗಿತ್ತು. ಶುಕ್ರವಾರ ಬೆಳಗ್ಗೆಯೇ ಅಪ್ಪು ಭಾವಚಿತ್ರವನ್ನು ಸಾರೋಟಿನಲ್ಲಿ ಇಟ್ಟ ಅಭಿಮಾನಿಗಳು, ಬಿಳಿ ಬಣ್ಣದ ಶರ್ಟ್‌ ತೊಟ್ಟು, ಕನ್ನಡದ ಭಾವುಟ ಹಿಡಿದು ಮೆರವಣಿಗೆ ಸಾಗಿದರು.
ಗಂಧದ ಗುಡಿ ಸಿನಿಮಾ ಹಾಗೂ ನೆಚ್ಚಿನ ನಾಯಕನ ನಟನಿಗೆ ಜೈಕಾರ ಕೂಗಿದರು. ಅಲ್ಲದೆ, ಪಟಾಕಿ ಹಚ್ಚಿ ಸಂಭ್ರಮಿಸಿದ ಅಭಿಮಾನಿಗಳು, ಅಂಬೇಡ್ಕರ್ ಸರ್ಕಲ್‌ನಿಂದ ಚಿತ್ರ ಮಂದಿರದವರೆಗೆ ಮೆರವಣಿಗೆ ಸಾಗಿದರು. ಚಲನಚಿತ್ರ ಮಂದಿರದ ಮುಂದೆ ಅಭಿಮಾನಿಗಳು ಸೇರಿದಂತೆ ಸಿನಿ ಪ್ರೇಕ್ಷಕರು ಜಮಾಯಿಸಿದ್ದಾರೆ.
ಇದನ್ನೂ ಓದಿ | Gandhada Gudi | ಮಂಡ್ಯದ ನಿಮಿಷಾಂಬ ದೇವಿಗೆ ವಿಶೇಷ ಪೂಜೆ ಸಲ್ಲಿಸಿದ ಅಶ್ವಿನಿ ಪುನೀತ್‌ ರಾಜಕುಮಾರ್‌