ತುಮಕೂರು: ಇಲ್ಲಿನ ಹೆಬ್ಬೂರು ಹೋಬಳಿಯ ಯಾಲದಹಳ್ಳಿಯಲ್ಲಿ ಸಾವಿರಾರು ಕೋಳಿಗಳು ಬಲಿಯಾಗಿವೆ. ಭಾನುವಾರ ರಾತ್ರಿ ಸುರಿದ ಭಾರಿ ಮಳೆಯಿಂದ (Heavy Rain) ಶೆಡ್‌ವೊಳಗೆ ಸುಮಾರು 3-4 ಅಡಿ ನೀರು ನಿಂತಿದೆ. ಪರಿಣಾಮ ಹೊರಗೆ ಹೋಗಲಾರದೆ ಒಂದೇ ರಾತ್ರಿಗೆ 45 ಸಾವಿರ ಕೋಳಿಗಳು ಮೃತಪಟ್ಟಿವೆ.
ನಾರಾಯಣಪ್ಪ ಎಂಬುವವರು ಸಾಲ ಮಾಡಿ 8 ಕೋಳಿ ಶೆಡ್‌ಗಳನ್ನು ನಿರ್ಮಿಸಿದ್ದರು ಎನ್ನಲಾಗಿದೆ. ಧಾರಾಕಾರವಾಗಿ ಸುರಿದ ಮಳೆಯಿಂದ ಕೋಳಿ ಶೆಡ್‌ಗಳಿಗೆ ನೀರು ನುಗ್ಗಿ ಕೋಳಿಗೆಲ್ಲವೂ ಮೃತಪಟ್ಟಿವೆ. ಸುಮಾರು 80 ಲಕ್ಷದಷ್ಟು ನಷ್ಟವಾಗಿ ಆರ್ಥಿಕವಾಗಿ ನಾರಾಯಣಪ್ಪ ಬೀದಿಗೆ ಬಿದ್ದಿದ್ದಾರೆ. ಸ್ಥಳಕ್ಕೆ ಕಂದಾಯ ಇಲಾಖೆ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲಿಸಿದ್ದಾರೆ.
ಇದನ್ನೂ ಓದಿ | Rain News | ಕೊಡಗಿನಲ್ಲಿ ಮಳೆಯ ಅಬ್ಬರ : ಮನೆ ಕುಸಿತ, ತ್ರಿವೇಣಿ ಸಂಗಮ ಜಲಾವೃತ