ಚಿತ್ತಾಪುರ: ಚಿತ್ತಾಪುರ ಠಾಣೆಯ ಪೊಲೀಸರು ಭರ್ಜರಿ ಕಾರ್ಯಾಚರಣೆ ನಡೆಸಿ ಓರ್ವ ದ್ವಿಚಕ್ರ ವಾಹನ ಕಳ್ಳನನ್ನು (Two wheeler thief) ಬಂಧಿಸಿ, ಆತನಿಂದ 30 ಬೈಕ್‌ಗಳನ್ನು (Bikes) ವಶಪಡಿಸಿಕೊಂಡಿದ್ದಾರೆ.
ರಫೀಕ್ ಎಂಬುವವನೇ ಬಂಧಿತ ಆರೋಪಿಯಾಗಿದ್ದು, ಬಂಧಿತನಿಂದ ಬರೊಬ್ಬರಿ 30 ಬೈಕ್‌ಗಳನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ.
ಬಂಧಿತ ಆರೋಪಿಯು ಕಲಬುರಗಿ, ಯಾದಗಿರಿ ಸೇರಿ ಹಲವು ಕಡೆ ದ್ವಿಚಕ್ರ ವಾಹನಗಳನ್ನು ಕಳ್ಳತನ ಮಾಡಿ ಮಾರಾಟ ಮಾಡುತ್ತಿದ್ದನು, ಕಲಬುರ್ಗಿ ನಗರದಲ್ಲಿ, ವಾಡಿ ಪಟ್ಟಣದಲ್ಲಿ ಮತ್ತು ಯಾದಗಿರಿ ಜಿಲ್ಲೆಯ ಕೆಲವುಕಡೆಗಳಲ್ಲಿ ಈ ಹಿಂದೆ ಕಳ್ಳತನದ ಪ್ರಕರಣದಲ್ಲಿಯೂ ಆರೋಪಿ ರಫೀಕ್ ಭಾಗಿಯಾಗಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.
ಇದನ್ನೂ ಓದಿ: Weather Report : ಉತ್ತರ ಒಳನಾಡಿನಲ್ಲಿ ಎಡವಿದ ಮಳೆ; ಕರಾವಳಿ, ಮಲೆನಾಡಿನಲ್ಲಿ ಬಿಡದ ವರುಣ
30 ದ್ವಿಚಕ್ರ ವಾಹನಗಳನ್ನು ಕಳ್ಳತನ ಮಾಡಿದ್ದ ಬೈಕ್ ಗಳನ್ನು ಆರೀಫ್ ಹಾಗೂ ಸೈಯದ್ ಎನ್ನುವರಿಗೆ ಮಾರಾಟ ಮಾಡುತ್ತಿದ್ದ, ಕದ್ದ ಬೈಕ್‌ಗಳು ಎಂದು ತಿಳಿದಿದ್ದರೂ ಸೈಯದ್ ಹಾಗೂ ಆರೀಫ್, ರಫಿಕ್‌ ಬಳಿ ಕಡಿಮೆ ಬೆಲೆಗೆ ತಗೆದುಕೊಂಡು, ಹೆಚ್ಚಿನ ಬೆಲೆಗೆ ಬೇರೆಯವರಿಗೆ ಮಾರಾಟ ಮಾಡುತ್ತಿದ್ದರು, ಪ್ರಕರಣದ ಸಂಬಂಧ ಸೈಯದ್ ಹಾಗೂ ಆರೀಫ್ ಎಂಬುವರನ್ನು ಸಹ ಚಿತ್ತಾಪುರ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.