ಕಲಬುರಗಿ: ಜಿಲ್ಲೆಯ ಬಂಕಲಗಾ ಗ್ರಾಮದ ಬಳಿ ಬುಲೆಟ್‌ ಬೈಕ್ ಎಮ್ಮೆಗೆ ಡಿಕ್ಕಿ ಹೊಡೆದಿದ್ದರಿಂದ ನಾಲ್ವರು ಗಂಭೀರವಾಗಿ ಗಾಯಗೊಂಡಿದ್ದು, ಬೈಕ್ ಗುದ್ದಿದ ರಭಸಕ್ಕೆ ಎಮ್ಮೆ ಸ್ಥಳದಲ್ಲೇ ಮೃತಪಟ್ಟಿದೆ.
ಜಿಲ್ಲೆಯ ಅಫಜಲಪುರ ತಾಲೂಕಿನ ಬಂಕಲಗಾ ಗ್ರಾಮದ ಬಳಿ ಅಪಘಾತ ನಡೆದಿದ್ದು, ಮಗು ಸೇರಿದಂತೆ ನಾಲ್ವರು ಬೈಕ್ ಸವಾರರಿಗೆ ಗಾಯಗಳಾಗಿವೆ. ಬೈಕ್ ಸವಾರ ದೇವಿಂದ್ರಪ್ಪ, ಬಸಮ್ಮ, ನಾಲ್ಕು ವರ್ಷದ ಮಗು ಸ್ಮಿತಾ, ತಾಯಿ ಮಹಾದೇವಿಗೆ ಎಂಬುವವರಿಗೆ ಗಂಭಿರ ಗಾಯಗಳಾಗಿವೆ.
ಇವರು ಮಹಾರಾಷ್ಟ್ರದಿಂದ ಗೊಬ್ಬರು (ಕೆ) ಗ್ರಾಮಕ್ಕೆ ಬುಲೆಟ್‌ ಬೈಕ್‌ನಲ್ಲಿ ಬರುತ್ತಿದ್ದರು. ಈ ವೇಳೆ ಸವಾರನ ನಿಯಂತ್ರಣ ತಪ್ಪಿ ಬೈಕ್ ಡಿಕ್ಕಿಯಾಗಿದ್ದರಿಂದ ಎಮ್ಮೆ ಮೃತಪಟ್ಟಿದೆ. ಗಾಯಾಳುಗಳನ್ನು ಕಲಬುರಗಿ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದ್ದು, ಅಫಜಲಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ | Bike Accident | ರಸ್ತೆ ಗುಂಡಿ ತಪ್ಪಿಸಲು ಹೋಗಿ ಬಿಎಂಟಿಸಿ ಬಸ್‌ ಅಡಿ ಸಿಲುಕಿ ಬೈಕ್ ಸವಾರ ಸ್ಥಳದಲ್ಲೇ ಸಾವು