ಶಿವಮೊಗ್ಗ: ಕಾರ್ತಿಕ ಮಾಸದಂದು ಜಲಗಂಡಾಂತರ ಎದುರಾಗಲಿದೆ ಎಂದು ಕೋಡಿ ಮಠದ ಶಿವಾನಂದ ಶಿವಯೋಗಿ ರಾಜೇಂದ್ರ ಸ್ವಾಮೀಜಿ ಭವಿಷ್ಯ (Kodimutt Swamiji ) ನುಡಿದಿದ್ದಾರೆ.
ಜಿಲ್ಲೆಯ ಅಯ್ಯನ ಕೆರೆಗೆ ಬಾಗಿನ ಸಲ್ಲಿಸಿ ಬಳಿಕ ಮಾತನಾಡಿದ ಶ್ರೀಗಳು, ಮುಂದಿನ ದಿನಗಳಲ್ಲಿ ನೀರಿನಿಂದ ಅನಾಹುತ ಹೆಚ್ಚಾಗಲಿದ್ದು, ಕಾರ್ತಿಕ ಮಾಸದಲ್ಲಿ ಜಲಗಂಡಾಂತರ ಕಾದಿದೆ. ಜತೆಗೆ ಭೂಮಿ ನಡುಗುವುದು, ಬೆಂಕಿ ಅನಾಹುತಗಳು ಹೆಚ್ಚಾಗುವುದರಿಂದ ಜನರು ಹೆಚ್ಚು ಸಮಸ್ಯೆಗೆ ಒಳಗಾಗುತ್ತಾರೆ ಎಂದಿದ್ದಾರೆ.
ಮುಂಬರುವ ಅಪಾಯವನ್ನು ತಪ್ಪಿಸಲು ಸಹ ದಾರಿ ತೋರಿಸಿರುವ ಶ್ರೀಗಳು, ಜನರು ಹೆಚ್ಚು ಹೆಚ್ಚು ಪೂಜೆ ಮಾಡುವುದರಿಂದ ಅನಾಹುತಗಳನ್ನು ತಪ್ಪಿಸಬಹುದು. ಇದೇ ವೇಳೆ ಹಿರಿಯರು ಕಟ್ಟಿಸಿರುವ ಕುಂಚೇನಹಳ್ಳಿ ಗ್ರಾಮದಲ್ಲಿರುವ ಅಯ್ಯನ ಕೆರೆಯು ಮಳೆಯಿಂದಾಗಿ ತುಂಬಿರುವುದು ಹರ್ಷ ತಂದಿದೆ. ಮಳೆ ಹೆಚ್ಚಾಗಿರುವುದರಿಂದ ಬಹಳ ವರ್ಷಗಳ ಬಳಿಕ ಈ ಕೆರೆ ತುಂಬಿದೆ. ಇದು ಈ ಭಾಗದ ಜನರಿಗೆ ಅನುಕೂಲವಾಗಲಿದೆ ಎಂದರು.
ಇದನ್ನೂ ಓದಿ | Gowri Habba | ಅರಸೀಕೆರೆ ಮಾಡಾಳು ಗೌರಮ್ಮ ಉತ್ಸವ ವಿವಾದ; ಕೋಡಿ ಶ್ರೀಗೆ ಘೇರಾವ್‌ ಹಾಕಿ ವಿರೋಧ!