ಕೊಪ್ಪಳ: ವಿದ್ಯುತ್ ತಂತಿ (Electric wire) ಹರಿದು ಬಿದ್ದು 11 ಜಾನುವಾರುಗಳು (Cattle) ಸಾವನ್ನಪ್ಪಿರುವ ಘಟನೆ ಜಿಲ್ಲೆಯ ಕುಷ್ಟಗಿ ತಾಲೂಕಿನ ಕಳ್ಳಮಳ್ಳಿ ತಾಂಡಾದಲ್ಲಿ ಮಂಗಳವಾರ ಬೆಳಿಗ್ಗೆ ಜರುಗಿದೆ.
ಭಾರಿ ಗಾಳಿ, ಮಳೆಯಿಂದಾಗಿ ಮಂಗಳವಾರ ಬೆಳಗ್ಗೆ ಸುಮಾರು 9 ಗಂಟೆಯ ವೇಳೆಗೆ ವಿದ್ಯುತ್ ತಂತಿ ಹರಿದು ಬಿದ್ದಿದೆ. ಈ ವೇಳೆ ವಿದ್ಯುತ್ ಪ್ರವಹಿಸಿದ್ದರಿಂದ ಸ್ಥಳದಲ್ಲಿದ್ದ 2 ಎತ್ತು, 7 ಆಕಳು ಹಾಗೂ ಎರಡು ಎಮ್ಮೆ ಸೇರಿ ಒಟ್ಟು 11 ಜಾನುವಾರುಗಳ ಸಾವನ್ನಪ್ಪಿವೆ.
ಕಳ್ಳಮಳ್ಳಿ ತಾಂಡಾದ ರಾಮಪ್ಪ ಪವಾರ್ ಎಂಬುವವರಿಗೆ ಸೇರಿದ 2 ಎತ್ತು ಹಾಗೂ 7 ಆಕಳು ಹಾಗೂ ಭದ್ರಪ್ಪ ಪವಾರ್ ಎಂಬುವವರಿಗೆ ಸೇರಿದ ಎರಡು ಎಮ್ಮೆ ಸಾವನ್ನಪ್ಪಿವೆ.
ಸ್ಥಳಕ್ಕೆ ತಾವರಗೇರಾ ಪೊಲೀಸರು ಭೇಟಿ ಪರಿಶೀಲನೆ ನಡೆಸಿದ್ದಾರೆ.