ಬೆಂಗಳೂರು: ಕಲಾತಪಸ್ವಿ ಲಲಿತಾ ಉಭಯಕರ ನೆನಪಿಗಾಗಿ ಸಪ್ತಕ ಸಂಸ್ಥೆ ವತಿಯಿಂದ ಲಲಿತಾ ನಮನ ಹೆಸರಿನ ವಿಶೇಷ ಸಂಗೀತ ಕಾರ್ಯಕ್ರಮವನ್ನು ಇದೇ ಅಕ್ಟೋಬರ್‌ ೨೯ರಂದು ಹಮ್ಮಿಕೊಳ್ಳಲಾಗಿದೆ.
ಅ. 29ರ ಸಂಜೆ 5.30ಕ್ಕೆ ನಗರದ ಮಲ್ಲೇಶ್ವರದ 8ನೇ ಮುಖ್ಯರಸ್ತೆ, ಕೆನರಾ ಯೂನಿಯನ್‌ನ ಟಿ.ಎಸ್‌.ಆರ್‌ ಹಾಲ್‌ನಲ್ಲಿ ಲಲಿತಾ ನಮನ ವಿಶೇಷ ಸಂಗೀತ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ. ಆಶ್ವಾಸನ ಫೌಂಡೇಶನ್‌ ಮೂಲಕ ಹಲವು ಸಮಾಜಸೇವಾ ಕಾರ್ಯಗಳನ್ನು ಮಾಡಿರುವ ಲಲಿತಾ ಉಭಯಕರ ಅವರ ಸ್ಮರಣಾರ್ಥ ಈ ಸಂಗೀತ ಕಾರ್ಯಕ್ರಮವನ್ನು ಆಯೋಜನೆ ಮಾಡಲಾಗಿದೆ.
ಕೋಲ್ಕಾತದ ತಬಲಾ ಕಲಾವಿದ ಪಂಡಿತ್‌ ರೂಪಕ ಭಟ್ಟಾಚಾರ್ಯ, ಗಾಯಕ ಉಸ್ತಾದ್‌ ವಾಸಿಂ ಅಹಮ್ಮದ್‌ ಖಾನ್‌, ಬೆಂಗಳೂರಿನ ಹಾರ್ಮೋನಿಯಂ ಲೆಹರಾ ಕಲಾವಿದ ಸತೀಶ ಕೊಳ್ಳಿ, ಹಾರ್ಮೋನಿಯಂ ಕಲಾವಿದ ವ್ಯಾಸಮೂರ್ತಿ ಕಟ್ಟಿ, ತಬಲಾ ಕಲಾವಿದ ಉದಯರಾಜ ಕರ್ಪೂರ ಕಾರ್ಯಕ್ರಮವನ್ನು ನಡೆಸಿಕೊಡಲಿದ್ದಾರೆ.
ಇದನ್ನೂ ಓದಿ | ದಂಡ ವಿಧಿಸಿದ ಪೊಲೀಸರ ಬಳಿ ಸಾಕ್ಷಿ ಕೇಳಿದ ಬೆಂಗಳೂರು ಯುವಕ; ಕ್ಷಣದಲ್ಲೇ ಕೊಟ್ಟ ಪುರಾವೆ ನೋಡಿ ಟ್ವೀಟ್ ಡಿಲೀಟ್!