ಬೆಂಗಳೂರು : ಭಾರತ ಹಾಗೂ ಪಾಕಿಸ್ತಾನ (IND vs Pak) ನಡುವೆ ದುಬೈನ ಅಂತಾರಾಷ್ಟ್ರೀಯ ಕ್ರಿಕೆಟ್‌ ಸ್ಟೇಡಿಯಮ್‌ನಲ್ಲಿ ನಡೆಯಲಿರುವ ಏಷ್ಯಾ ಕಪ್‌ ಪಂದ್ಯ ಬೆಂಗಳೂರಿನ ಥಿಯೇಟರ್‌ಗಳಲ್ಲಿ ನೇರ ಪ್ರಸಾರವಾಗಲಿದೆ. ವಿಶ್ವ ಕ್ರಿಕೆಟ್‌ನ ಅತ್ಯಂತ ರೋಚಕ ಪಂದ್ಯ ಇದಾಗಿದ್ದು, ಭಾನುವಾರ ಸಂಜೆಯ ಸಿನಿಮಾಗಳ ಪ್ರದರ್ಶನ ರದ್ದು ಮಾಡಿ ಕ್ರಿಕೆಟ್‌ ಪಂದ್ಯದ ನೇರ ಪ್ರಸಾರ ನಿಗದಿ ಮಾಡಿದೆ. ಬುಕ್‌ ಮೈ ಶೋನದಲ್ಲಿ ಟಿಕೆಟ್‌ಗಳ ವಿತರಣೆ ಆರಂಭಿಸಲಾಗಿದೆ.
ಬೆಂಗಳೂರಿನ ಬಿನ್ನಿಪೇಟೆ ಮಾಲ್‌, ನೆಕ್ಸಸ್‌ ಶಾಂತಿನಿಕೇತನ, ಒರಾಯನ್‌ ಈಸ್ಟ್‌ ಮಾಲ್‌ ಬಾಣಸವಾಡಿ, ರಾಯಲ್‌ ಮೀನಾಕ್ಷಿ ಮಾಲ್‌, ಗೆಲೆರಿಯಾ ಮಾಲ್‌, ಗರುಡಾ ಮಾಲ್‌, ಮಂತ್ರಿ ಸ್ಕ್ವೇರ್‌ ಮಲ್ಲೇಶ್ವರ, ನೆಕ್ಸಸ್‌ ವೈಟ್‌ಫೀಲ್ಡ್‌, ಔರಾ ಪಾರ್ಕ್‌ ಸ್ಕ್ವೇರ್‌, ಎಮ್‌ಎಸ್‌ಆರ್‌ ಎಲಿಮೆಂಟ್ಸ್‌ ಮಾಲ್‌ ಥಣಿಸಂದ್ರ ಮಾಲ್‌, ನೆಕ್ಸಸ್‌ ಕೋರಮಂಗಲ, ಒರಾಯನ್‌ ಮಾಲ್‌ ರಾಜ್‌ಕುಮಾರ್‌ ರೋಡ್‌, ಫೀನಿಕ್ಸ್‌ ಮಾರ್ಕೆಟ್‌ಸಿಟಿ ಮಾಲ್‌ ವೈಟ್‌ಫೀಲ್ಡ್‌, ಸೋಲ್‌ ಸ್ಪಿರಿಟ್‌ ಸೆಂಟ್ರಲ್‌ ಮಾಲ್‌ ಬೆಳಂದೂರು, ಮೆಗಾಸಿಟಿ ಬನ್ನೇರುಘಟ್ಟ, ವಿಆರ್‌ ಬೆಂಗಳೂರು ವೈಟ್‌ಫೀಲ್ಡ್‌, ಊರ್ವಶಿ ಚಿತ್ರಮಂದಿರಗಳಲ್ಲಿ ಕ್ರಿಕೆಟ್‌ ಪ್ರದರ್ಶನ ನಿಗದಿಯಾಗಿದೆ. ಸಾವಿರಾರು ಕ್ರಿಕೆಟ್‌ ಪ್ರೇಮಿಗಳು ತಮ್ಮಿಷ್ಟದ ಕ್ರಿಕೆಟ್‌ ಪಂದ್ಯವನ್ನು ವೀಕ್ಷಿಸಲು ಟಿಕೆಟ್‌ಗಳನ್ನು ಬುಕ್‌ ಮಾಡಿದ್ದಾರೆ.
ನಿರ್ಮಾಪಕರ ಅಕ್ಷೇಪ
ಸಿನಿಮಾ ಮಂದಿರಗಳಲ್ಲಿ ಕ್ರಿಕೆಟ್‌ ಪ್ರದರ್ಶನ ನಿಗದಿ ಮಾಡಿರುವುದಕ್ಕೆ ಚಲನ ಚಿತ್ರ ನಿರ್ಮಾಪಕರ ಸಂಘ ಆಕ್ಷೇಪ ವ್ಯಕ್ತಪಡಿಸಿದೆ. ಬಿಡುಗಡೆಯಾಗಿರುವ ಸಿನಿಮಾಗಳ ಪ್ರದರ್ಶನವನ್ನು ತಡೆಹಿಡಿದು ಕ್ರಿಕೆಟ್‌ ಪ್ರದರ್ಶನ ಮಾಡುವುದರಿಂದ ನಷ್ಟ ಉಂಟಾಗುತ್ತದೆ ಎಂದು ಆರೋಪಿಸಿದ್ದಾರೆ.
ಇದನ್ನೂ ಓದಿ | IND vs PAK | ಭಾರತ ವಿರುದ್ಧ ಕಪ್ಪು ಪಟ್ಟಿ ಧರಿಸಿ ಆಡಲಿದೆ ಪಾಕಿಸ್ತಾನ ತಂಡ