ವಿಜಯಪುರ: ಇಲ್ಲಿನ ಸಿಂದಗಿ ತಾಲೂಕಿನ ಬಳಗಾನೂರ ಗ್ರಾಮದಲ್ಲಿ ಯುವಕನೊಬ್ಬ ನಗ್ನವಾಗಿ ಮೊಬೈಲ್‌ ಟವರ್ ತುದಿಯೇರಿ (Mobile Tower) ಹುಚ್ಚಾಟ ನಡೆಸಿದ್ದಾನೆ. ಟವರ್ ತುದಿಯಲ್ಲಿ ನಿಂತು ಅತ್ತಿಂದಿತ್ತ ನೇತಾಡುತ್ತಿದ್ದು, ಯುವಕನನ್ನು ಕೆಳಗೆ ಇಳಿಸಲು ಗ್ರಾಮಸ್ಥರು ಹರಸಾಹಸ ಪಡುತ್ತಿದ್ದಾರೆ.
ಟವರ್ ಏರಿದವ ಸಿಂದಗಿ ತಾಲೂಕಿನ ತೆಗ್ಗಿಹಳ್ಳಿ ಗ್ರಾಮದ ಸತೀಶ್ ಕಡಣಿ (30) ಎಂದು ತಿಳಿದು ಬಂದಿದೆ. ಸತೀಶ್ ಕಡಣಿ ಮಾನಸಿಕ ಅಸ್ವಸ್ಥ ಎನ್ನಲಾಗಿದೆ. ಸತೀಶ್ ಬಟ್ಟೆಗಳನ್ನು ಬಿಚ್ಚಿ ನಗ್ನವಾಗಿಯೇ ಟವರ್ ಹತ್ತಿ ವಿಚಿತ್ರವಾಗಿ ವರ್ತನೆ ಮಾಡುತ್ತಿದ್ದಾರೆ. ಟವರ್ ತುದಿಯ ಮೇಲೆ ಹತ್ತಿ ಅಪಾಯಕಾರಿಯಾಗಿ ವರ್ತನೆ ಮಾಡುತ್ತಿದ್ದು, ಆಯತಪ್ಪಿ ಬಿದ್ದರೆ ಅನಾಹುತವಾಗುವ ಸಾಧ್ಯತೆ ಇದೆ.
ಇದನ್ನೂ ಓದಿ: MB Patil : ವಿಪಕ್ಷ ನಾಯಕನ ಹುದ್ದೆ ನೂರಾರು ಕೋಟಿಗೆ ಸೇಲ್: ಎಂ.ಬಿ. ಪಾಟೀಲ್
ವಿಷಯ ತಿಳಿಯುತ್ತಿದ್ದಂತೆ ಸ್ಥಳಕ್ಕೆ ಆಲಮೇಲ ಪೊಲೀಸರು ಭೇಟಿ ನೀಡಿದ್ದು, ಬಳಗಾನೂರು ಗ್ರಾಮಸ್ಥರು ಬೀಡುಬಿಟ್ಟಿದ್ದಾರೆ. ಯುವಕನನ್ನು ಕೆಳಗಿಳಿಸಲು ನಾನಾ ಪ್ರಯತ್ನವನ್ನು ಮಾಡಲಾಗುತ್ತಿದೆ. ಇತ್ತ ಯಾರ ಮಾತನ್ನೂ ಕೇಳದೇ ಟವರ್ ಮೇಲಿದ್ದು, ಆತನನ್ನು ಕೆಳಗಿಳಿಸಲು ಪ್ರಯತ್ನ ಮುಂದುವರಿದಿದೆ.
ರಾಜ್ಯದ ಇನ್ನಷ್ಟು ಸುದ್ದಿಗಾಗಿ ಈ ಲಿಂಕ್‌ ಕ್ಲಿಕ್‌ ಮಾಡಿ