ಬೆಂಗಳೂರು: ಅಕ್ಟೋಬರ್‌ 28ರಂದು ʻಗಂಧದ ಗುಡಿʼ ಸಿನಿಮಾ ಬಿಡುಗಡೆ ಹಿನ್ನೆಲೆಯಲ್ಲಿ ಪರಮಾತ್ಮನ ಅಭಿಮಾನಿಗಳು (Puneeth Rajkumar) ಸ್ವಾಗತಕ್ಕೆ ಸಜ್ಜಾಗಿದ್ದಾರೆ. ಹಾಸನದಲ್ಲಿ 40ಕ್ಕೂ ಹೆಚ್ಚು ಆಟೋಗಳಿಂದ ಅಪ್ಪು ಅಭಿನಯದ ಸಿನಿಮಾಗಳ ಪೋಸ್ಟರ್‌ಗಳೊಂದಿಗೆ ಮೆರವಣಿಗೆ ಆಗಿದೆ. ಅಪ್ಪು ಅಪ್ಪು ಎಂದು ಘೋಷಣೆ ಕೂಗಿ ಅಭಿಮಾನಿಗಳು ಅಭಿಮಾನ ವ್ಯಕ್ತಪಡಿಸಿದ್ದಾರೆ.
ಹುಬ್ಬಳ್ಳಿಯ ಸುಧಾ ಚಿತ್ರಮಂದಿರದಲ್ಲಿ ಪುನೀತ್ ರಾಜ್‌ಕುಮಾರ್ ಅಭಿನಯದ ಗಂಧದ ಗುಡಿ ಸಾಕ್ಷ್ಯಚಿತ್ರ ಬಿಡುಗಡೆ ಹಿನ್ನೆಲೆಯಲ್ಲಿ ಪುನೀತ್ ರಾಜ್‌ಕುಮಾರ್ ಅಭಿಮಾನಿಗಳಿಂದ ಥಿಯೇಟರ್‌ಗೆ ಸಿಂಗಾರ ಮಾಡಲಾಗಿದೆ. ಚಿತ್ರಮಂದಿರದ ಆವರಣದಲ್ಲಿ ಅಪ್ಪು ಭಾವಚಿತ್ರಗಳನ್ನು ಅಭಿಮಾನಿಗಳು ಹಾಕಿದ್ದಾರೆ.
ಶಿವಮೊಗ್ಗದ ಭರತ್ ಸಿನಿಮಾಸ್‌ನಲ್ಲಿ ಗಂಧದಗುಡಿ ಪ್ರೀಮಿಯರ್‌ ಶೋ ಮುಕ್ತಾಯಗೊಂಡಿದ್ದು, ಭಾವೋದ್ವೇಗಕ್ಕೊಳಗಾಗಿ ಪ್ರೇಕ್ಷಕರು ಹೊರ ಬಂದಿದ್ದಾರೆ. ಅಪ್ಪು ಭಾವಚಿತ್ರಕ್ಕೆ ಹೂವಿನ ಹಾರ ಹಾಕಿ ಅಪ್ಪು ಪರ ಅಭಿಮಾನಿಗಳು ಘೋಷಣೆ ಕೂಗಿದ್ದಾರೆ. ಅಪ್ಪು ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ಪುಷ್ಪ ನಮನ ಸಲ್ಲಿಸಿದ್ದಾರೆ. ಮಹಿಳೆಯೊಬ್ಬರು ಬಿಕ್ಜಿ ಬಿಕ್ಕಿ ಅತ್ತಿದ್ದಾರೆ. ಅಪ್ಪು ಅಭಿಮಾನಿಗಳು ಅಪ್ಪು ತೆರೆ ಮೇಲೆ ಅಪ್ಪಳಿಸುತಿದ್ದಂತೆ ಕುಣಿದು ಕುಪ್ಪಳಿಸಿದ್ದಾರೆ.
ಇದನ್ನೂ ಓದಿ | Puneeth Rajkumar | ಅಪ್ಪು ಮೇಲೆ ಅಭಿಮಾನ, ಧಾರವಾಡದಿಂದ ಬೆಂಗಳೂರಿಗೆ ಕಂದಮ್ಮನ ಜತೆ ಮಹಿಳೆ ಪಾದಯಾತ್ರೆ