ತುಮಕೂರು/ವಿಜಯನಗರ: ತುಮಕೂರಿನ ಶಿರಾ ಮತ್ತು ವಿಜಯ ನಗರದ ಹೊಸಪೇಟೆ ತಾಲೂಕಿನಲ್ಲಿ ಸಂಭವಿಸಿದ ಎರಡು ಭೀಕರ ಅಪಘಾತಗಳಲ್ಲಿ ಮೂವರು ಬೈಕ್ ಸವಾರರು ಮೃತಪಟ್ಟಿದ್ದಾರೆ.
ಟಿಪ್ಪರ್ ಲಾರಿ- ಬೈಕ್ ಮುಖಾಮುಖಿ ಡಿಕ್ಕಿ
ತುಮಕೂರು ಜಿಲ್ಲೆ ಶಿರಾ ತಾಲೂಕಿನ ದೊಡ್ಡಬಾಣಗೆರೆ ಬಳಿ ಬೈಕ್ ಮತ್ತು ಲಾರಿ ಮುಖಾಮುಖಿ ಡಿಕ್ಕಿ ಸಂಭವಿಸಿ ಇಬ್ಬರು ಸವಾರರು ಪ್ರಾಣ ಕಳೆದುಕೊಂಡಿದ್ದಾರೆ. ಚಿಕ್ಕಹುಲಿಕುಂಟೆಯ ಅನಿಲ್ ಮತ್ತು ಆಂಧ್ರದ ಅಮರಾಪುರ ಮಂಡಳಿನ ಹನುಮಂತಪಲ್ಲಿಯ ಶ್ರೀಧರ್ ಮೃತಪಟ್ಟವರು. ಇವರಿಬ್ಬರು ಸೌತೇಕಾಯಿ ವ್ಯಾಪಾರ ಕೇಂದ್ರಕ್ಕೆ ತೆರಳುವಾಗ ದುರ್ಘಟನೆ ಸಂಭವಿಸಿದೆ. ಪಟ್ಟನಾಯಕನಹಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ದುರ್ಘಟನೆ ಸಂಭವಿಸಿದೆ.
ಪಾಪಿನಾಯಕನ ಹಳ್ಳಿ ಅಪಘಾತ
ಹೊಸಪೇಟೆ ತಾಲೂಕಿನ ಪಾಪಿನಾಯಕನಹಳ್ಳಿ ಗ್ರಾಮದ ರಾಷ್ಟ್ರೀಯ ಹೆದ್ದಾರಿ ೬೩ರಲ್ಲಿ ಟಾಟಾ ಎಸಿ ಮತ್ತು ಬೈಕ್ ನಡುವೆ ಭೀಕರ ಅಪಘಾತ ಸಂಭವಿಸಿ ಬೈಕ್ ಸವಾರ ಪ್ರಾಣ ಕಳೆದುಕೊಂಡಿದ್ದಾರೆ. ಬೈಕ್‌ನಲ್ಲಿದ್ದ ಇನ್ನೊಬ್ಬರ ಸ್ಥಿತಿ ಗಂಭೀರವಾಗಿದೆ. ಗಾಯಳುವನ್ನು ಹೊಸಪೇಟೆ ಸರಕಾರಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಸ್ಥಳಕ್ಕೆ ಹೊಸಪೇಟೆ ಗ್ರಾಮೀಣಾ ಠಾಣಾ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
ಹೆಂಡತಿ ನಡತೆ ಮೇಲೆ ಶಂಕೆ, ಅಡ್ಡಬಂದ ಇಬ್ಬರು ಮಕ್ಕಳ ಕೊಲೆ ಮಾಡಿದ ತಂದೆ
ರಾಯಚೂರು: ಹೆಂಡತಿಗೆ ಅನೈತಿಕ ಸಂಬಂಧ ಇದೆ ಎಂದು ಶಂಕಿಸಿ ಗಲಾಟೆ ಮಾಡಿದ ಗಂಡನೊಬ್ಬ, ಮಧ್ಯೆ ಪ್ರಶ್ನಿಸಲು ಬಂದ ಮಕ್ಕಳನ್ನು ಕತ್ತು ಹಿಸುಕಿ ಕೊಲೆ ಮಾಡಿದ ಬರ್ಬರ ಘಟನೆ ನಡೆದಿದೆ.
ರಾಯಚೂರು ಜಿಲ್ಲೆಯ ದೇವದುರ್ಗ ತಾಲೂಕಿನ ಜಕ್ಕಲದೊಡ್ಡಿ ಗ್ರಾಮದಲ್ಲಿ ಘಟನೆ ನಡೆದಿದ್ದು, ನಿಂಗಪ್ಪ ಎಂಬಾತನೇ ಈ ಕ್ರೂರಿ. ಈತನ ಮಕ್ಕಳಾದ ಶಿವರಾಜ್ (5) ಮತ್ತು ರಾಘವೇಂದ್ರ (3) ಮೃತ ಬಾಲಕರು. ಹೆಂಡತಿ ಅನೈತಿಕ ಸಂಬಂಧ ಇಟ್ಟುಕೊಂಡಿದ್ದಾಳೆ ಎಂದು ಶಂಕಿಸಿ ನಿಂಗಪ್ಪ ಗಲಾಟೆ ಎಬ್ಬಿಸಿದ್ದ. ಜಗಳದಲ್ಲಿ ಮಕ್ಕಳು ಮಧ್ಯೆ ಪ್ರವೇಶಿಸಿದ್ದರು. ಇದರಿಂದ ಸಿಟ್ಟಿಗೆದ್ದ ನಿಂಗಪ್ಪ, ಈ ಮಕ್ಕಳಿಬ್ಬರು ನನಗೆ ಜನಿಸಿಲ್ಲ ಎಂದು ಅವರನ್ನು ಕತ್ತು ಹಿಸುಕಿ ಕೊಂದು ಹಾಕಿದ್ದಾನೆ. ದೇವದುರ್ಗ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ : Road Accident: ಹುಬ್ಬಳ್ಳಿ ನೂರಾನಿ ಮಾರ್ಕೆಟ್‌ ಬಳಿ ಭೀಕರ ಅಪಘಾತ; ಯುವತಿಯ ತಲೆ ಮೇಲೆ ಲಾರಿ ಹರಿದು ದುರ್ಮರಣ