ಬಳ್ಳಾರಿ: ಶಬರಿಮಲೈನಿಂದ (Sabarimalai) ಬಳ್ಳಾರಿಗೆ (Ballari) ಬರುತ್ತಿದ್ದ ಅಯ್ಯಪ್ಪಸ್ವಾಮಿ ಮಾಲಾಧಾರಿಗಳಿದ್ದ ಬಸ್ ಲಾರಿಗೆ ಡಿಕ್ಕಿ ಹೊಡೆದ ಪರಿಣಾಮ ಬಳ್ಳಾರಿಯ ಒಬ್ಬರು ಮೃತ ಪಟ್ಟು, ಮೂವರು ಗಾಯಗೊಂಡಿರುವ ಘಟನೆ ಮಂಗಳವಾರ ರಾತ್ರಿ ತಮಿಳುನಾಡಿನ (Tamil Nadu) ರಾಮನಾಥಪುರದ ಸಮೀಪದಲ್ಲಿ ನಡೆದಿದೆ.
ಬಳ್ಳಾರಿಯ ಬೀಚಿನಗರ ನಿವಾಸಿ ಸಂದೀಪ (23) ಮೃತಪಟ್ಡಿದ್ದಾರೆ. ಸಾಯಿ, ರಘು ಮತ್ತು ಮಹೇಶ್ ಎನ್ನುವವರಿಗೆ ಗಾಯಗಳಾಗಿವೆ. ಬಳ್ಳಾರಿಯ 40 ಜನ ಅಯ್ಯಪ್ಪಸ್ವಾಮಿ ಮಾಲಾಧಾರಿಗಳು ಶನಿವಾರ ಬಳ್ಳಾರಿಯಿಂದ ಶಬರಿಮಲೈಗೆ ಹೋಗಿದ್ದರು.
ಇದನ್ನೂ ಓದಿ: Killer CEO: ಸಿಇಒ ಮಗನ ಕೊಲೆ ಪೂರ್ವಯೋಜಿತ; ಆಕೆಯ ಕಂಪನಿಗೆ ಕಚೇರಿಯೇ ಇರಲಿಲ್ಲ!
ಅಯ್ಯಪ್ಪಸ್ವಾಮಿ ದರ್ಶನ ಪಡೆದು ಬಳ್ಳಾರಿಗೆ ವಾಪಸ್ಸಾಗುವಾಗ ಮಂಗಳವಾರ ರಾತ್ರಿ ತಮಿಳುನಾಡಿನ ರಾಮನಾಥಪುರದ ಸಮೀಪದಲ್ಲಿ ಬಸ್ ಲಾರಿಗೆ ಡಿಕ್ಕಿ ಹೊಡೆದಿದೆ. ಘಟನೆಯಲ್ಲಿ ಬಸ್ಸಿನ ಮುಂಬದಿಯ ಎಡಭಾಗ ನಜ್ಜುಗುಜ್ಜಾಗಿದೆ.