ಶಿರಸಿ: ನಗರದ ಶ್ರೀಕೃಷ್ಣ ಸ್ಮರಣ ವತಿಯಿಂದ ಉಜಿರೆಯ ಕುರಿಯ ವಿಠಲ ಶಾಸ್ತ್ರಿ ಸಾಂಸ್ಕೃತಿಕ ಪ್ರತಿಷ್ಠಾನದ ಸಹಯೋಗದಲ್ಲಿ ನಗರದ (Sirsi News) ಟಿಎಂಎಸ್ ಸಭಾಂಗಣದಲ್ಲಿ ಫೆಬ್ರವರಿ 22 ರಂದು ಸಂಜೆ 4.30ಕ್ಕೆ ʼಶಲ್ಯ ಸಾರಥ್ಯʼ ತಾಳಮದ್ದಲೆ ಮತ್ತು ಶ್ರೀ ಕೃಷ್ಣ ಸ್ಮರಣ ಪುರಸ್ಕಾರ ಪ್ರದಾನ ಸಮಾರಂಭ ಹಮ್ಮಿಕೊಳ್ಳಲಾಗಿದೆ.
ಶ್ರೀಕೃಷ್ಣ ಸ್ಮರಣ ಪುರಸ್ಕಾರಕ್ಕೆ ಭಾಗವತರಾದ ಕೇಶವ ಹೆಗಡೆ ಕೊಳಗಿ, ಅರ್ಥದಾರಿ ಮೋಹನ ಹೆಗಡೆ ಹೆರವಟ್ಟಾ ಅವರು ಆಯ್ಕೆಯಾಗಿದ್ದಾರೆ. ಕಾರ್ಯಕ್ರಮದ ಅಧ್ಯಕ್ಷರಾದ ಸಾಗರದ ಪ್ರಸಿದ್ಧ ನೇತ್ರ ತಜ್ಞ ಡಾ.ಎಚ್‌.ಎಸ್.ಮೋಹನ್, ಅಭ್ಯಾಗತರಾಗಿ ಶಿರಸಿಯ ಸಾಹಿತಿ ಹಾಗೂ ರಂಗಕರ್ಮಿ ವಿ.ಪಿ.ಹೆಗಡೆ ವೈಶಾಲಿ ಭಾಗವಹಿಸಲಿದ್ದಾರೆ.
ಇದನ್ನೂ ಓದಿ | Kundapura Kannada: ಕುಂದಾಪುರ ಕನ್ನಡ ಅಕಾಡೆಮಿ ಸ್ಥಾಪಿಸಲು ಆಗ್ರಹ
ಶ್ರೀಕೃಷ್ಣ ಸ್ಮರಣ ಪುರಸ್ಕಾರ ಪ್ರದಾನ ಬಳಿಕ ʼಶಲ್ಯ ಸಾರಥ್ಯʼ ತಾಳಮದ್ದಲೆ ನಡೆಯಲಿದೆ. ಕೌರವ ಅರ್ಥದಾರಿಯಾಗಿ ಅಶೋಕ ಭಟ್ಟ ಉಜಿರೆ, ಕರ್ಣನಾಗಿ ಮೋಹನ ಹೆಗಡೆ ಹೆರವಟ್ಟಾ, ಶಲ್ಯನಾಗಿ ಉಮಾಕಾಂತ ಭಟ್ಟ ಕೆರೇಕೈ, ಭಾಗವತರಾಗಿ ಕೇಶವ ಹೆಗಡೆ ಕೊಳಗಿ ಹಾಗೂ ಮೃದಂಗ ಕಲಾವಿದ ಶಂಕರ ಭಾಗವತ ಭಾಗವಹಿಸಲಿದ್ದಾರೆ.